Праваабарончы цэнтр «ВЯСНА»

Навіны за 17 чэрвеня 2008

17.06.2008 Алеся Масюка пакаралі штрафам

Суд Слонімскага раёна прызнаў Алеся Масюка вінаватым у “арганізацыі несанкцыянаванай акцыі” (арт. 23.34 КоАП РБ) і пакараў яго штрафам у 700 тысяч рублёў.

17.06.2008 Суд па ананімцы

Суд Слонімскага раёна разгледзеў сёння справу грамадскага актывіста Алеся Масюка, якога паводле міліцэйскага пратакола абвінавацілі ў арганізацыі сустрэчы Аляксандра Мілінкевіча з жыхарамі горада, што адбылася 18 красавіка бягучага года. Паводле пастановы суддзі Аляксандра Шыліна, Алесю Масюку прызначана пакаранне ў выглядзе штрафа памерам 700 тысяч рублёў.

17.06.2008 Айца Леаніда Акаловіча аштрафавалі

Сьвятара прызналі вінаватым ва ўдзеле ў несанкцыянаваным сходзе і прысудзілі яму штраф у памеры 30 базавых велічынь — гэта болей за мільён рублёў. Такі прысуд вынес судзьдзя Сяргей Епіхаў. Пасьля суду Леанід Акаловіч накіраваўся дадому ў Менск.

17.06.2008 «Дэпутаты» прынялі ў першым чытанні праект Закона аб СМІ

Праект Закона аб СМІ прадугледжвае рэгістрацыю Інтэрнэт-рэсурсаў, прычым дзейнасць беларускага Інтэрнэту будзе рэгулявацца не законамі, а пастановамі Савета міністраў. На дадзены момант у Беларусі практычна не засталося незалежных друкаваных выданняў. Радыё і тэлебачанне падкантрольныя ўладам. Адзінай магчымасцю атрымаць альтэрнатыўную інфармацыю заставаўся Інтэрнэт. За прагаласавалі 93 "дэпутата", супраць – толькі 1.

17.06.2008 "Нацболы" збіраюцца ўдзельнічаць у выбарах у Палату прадстаўнікоў

"Нацыянал-бальшавікі", які спрабуюць легалізавацца ў Беларусі праз рэгістрацыю грамадскага аб'яднання, збіраюцца ўдзельнічаць у выбарах у Палату прадстаўнікоў.

17.06.2008 Зварот Палітрады Аб’яднаных дэмсілаў па новаму Закону аб СМІ

Прэзідыум Палітрады Аб’яднаных дэмакратычных сіл прыняў учора ўвечары адмысловую заяву наконт новага Закону аб СМІ, які сёння ў першым чытанні разглядаецца ў Палаце прадстаўнікоў. Дакументам істотна ўскладняюцца магчымасці дзейнасці мас-медыя, а таксама становіцца больш жорсткім парадак іх акрэдытацыі пры органах дзяржаўнага кіравання. Упершыню ў заканадаўства ўводзіцца норма, якая рэгулюе інтэрнэт-выданні. Ужо 17 чэрвеня Палата прадстаўнікоў гатовая разгледзець праект закона “Аб сродках масавай інфармацыі” ў першым чытанні.

17.06.2008 Выйшла кніга пра Сяргея Парсюкевіча

Кнігу пра палітвязня, якую выпусціў віцебскі камітэт “За свабоду Сяргея Парсюкевіча”, плануюць падарыць чыноўнікам. Кніга “Сяргей Парсюкевіч. На хвалях жыцця” складаецца з матэрыялаў, якія з’яўляліся ў інтэрнэце, незалежных СМІ і былі прысвечаныя гісторыі зняволення віцебскага актывіста руху “За Свабоду”, старшыні Савета прадпрымальнікаў Смаленскага рынку Віцебска Сяргея Парсюкевіча.

17.06.2008 Дзень салідарнасьці ў Беларусі

Менск. Дзень Салідарнасці скончыўся некалькімі вулічнымі акцыямі, ў якіх узялі ўдзел ад 20 да 40 актывістаў кампаніі. Маладыя людзі выйшлі на праспект Незалежнасці і вуліцу Няміга ў цэнтры горада з партрэтамі палітвязняў. Яшчэ адна акцыя прайшла ля станцыі метро "Пушкінская".

17.06.2008 Сьвятара судзяць за ўсталяваньне крыжа

Старадарожскі РАУС выдаў пастанову аб прымусовым прыводзе ў суд сьвятара Леаніда Акаловіча. Яго абвінавачваюць у тым, што 19 красавіка ён удзельнічаў у несанкцыянаваным сходзе ў вёсцы Дражна. Тады ў вёсцы быў усталяваны шасьціканцовы крыж у памяць пра 25 мірных жыхароў, забітых чальцамі 2-й Менскай партызанскай брыгады 15 красавіка 1943 году, паведамляе БелаПАН.

17.06.2008 Маці Зьмітра Жалезьнічэнкі зьвярнулася да старшыні Вярхоўнага суду

Маці былога гомельскага студэнта-выдатніка, а цяпер салдата тэрміновай службы Зьмітра Жалезьнічэнкі ад імя сына накіравала заяву старшыню Вярхоўнага суду Беларусі. Ала Жалезьнічэнка просіць праверыць законнасьць судовых пастановаў раённага і абласнога судоў, які прызналі абгрунтаваным другое адлічэньне Зьмітра з трэцяга курсу матэматычнага факультэту Гомельскага дзяржаўнага ўнівэрсытэту імя Ф.Скарыны, як сказана, за парушэньне правілаў унутранага працоўнага распарадку

17.06.2008 Затрыманьні ў Берасьці

Вечарам 16 чэрвеня ў Берасці адбылася традыцыйная акцыя Салідарнасці. Яна праходзіла ў цэнтры горада, на перакрыжаваньні праспектаў Машэрава і Касманаўтаў. Удзельнікі, пераважна актывісты “Бунту”, стаялі ў ланцугу і трымалі ў руках партрэты палітвязняў.

17.06.2008 У Беларусі спрабуюць легалізавацца "нацыянал-бальшавікі"

"Нацболы" спрабуюць легалізавацца ў Беларусі. Днямі ў Мінску прайшоў устаноўчы сход новай рэспубліканскай грамадскай арганізацыі "Новая бальшавіцкая платформа". Яна мусіць стаць легальным прыкрыццём для "нацыянал-бальшавікоў" у нашай краіне.