Праваабарончы цэнтр «ВЯСНА»

Навіны за 23 лістапада 2009

23.11.2009 Рэдактара моладзевай газеты «Прамень» аштрафавалі за пашкоджанне ў метро назвы Плошча Леніна

Першамайскі суд Менска аштрафаваў актывіста «Беларускай Хрысціянскай Дэмакратыі», рэдактара моладзевай газеты «Прамень» Кастуся Шыталя на 1,5 мільёна рублёў за «наўмыснае пашкоджанне дзяржаўнай маёмасці». У вагоне метро ён быў затрыманы за тое, што спрабаваў садраць налепкі з назвай «Плошча Леніна».

23.11.2009 Звольнілі дырэктарку “Акадэмкнігі”

З Соф’яй Антонаўнай Жыбулеўскай, якую ведае кожны мінскі кнігалюб і пісьменнік, проста не працягнулі кантракт і нават не сказалі “дзякуй”

23.11.2009 Беларусь – ужо за мяжой алкагольнай катастрофы

Беларускія нарколагі занепакоеныя ростам спажывання алкаголю ў краіне, заявіў 23 лістапада ў Мінску загадчык аддзела наркалогіі Рэспубліканскага навукова-практычнага цэнтра псіхічнага здароўя Андрэй Капытаў.

23.11.2009 Да Арцёма Дубскага не даходзіць кожны пяты ліст

Пра гэта паведаміла прэс-службе МФ кіраўнік юрыдычнага адзьдзела "Маладога Фронту" Наста Лойка.

23.11.2009 Берасцейскія актывісты паскардзіліся ў ААН

Актывісты паведамілі ў Камітэт пра тое, што былі парушаны іх правы на свабоднае выражэнне думак і правядзенне мірных сходаў, пра дыскрымінацыю па прызнаку перакананняў, а таксама пра тое, што ў ходзе судовага разбіральніцтва было парушана права на справядлівае судовае разбіральніцтва.

23.11.2009 Разняволенне СМІ павінна быць умовай дыялогу Еўропы з Беларуссю

Удзельнікі Канферэнцыі «Ініцыятыва „Усходняе партнёрства“ ў дачыненні да Беларусі: роля Літвы», якая адбылася ў Сейме Літвы 20 лістапада, сышліся ў выснове, што сродкі масавай інфармацыі — апошняе, што разняволяць беларускія ўлады. І, на думку прысутных, зробяць яны гэта толькі пры настойлівай пазіцыі Еўразвязу, прадстаўнікі якога часта разыходзяцца ў поглядах на «беларускае пытанне».

23.11.2009 Мікаля Аўтуховіча абвінавацілі ў падрыхтоўцы тэракту

Інфармацыю пра тое, што прадпрымальніку з Ваўкавыску Мікалаю Аўтуховічу выставілі абвінавачаньне ў падрыхтоўцы да тэрарыстычнага акту, пацьвердзіў Радыё Свабода ягоны адвакат Павел Сапелка. Адвакат быў нешматслоўны, спаслаўшыся на падпіску, якую даў сьледчым.