Праваабарончы цэнтр «ВЯСНА»

Навіны за 21 траўня 2010

21.05.2010 Кампанія “Гавары праўду!” працягне сваю працу

Нягледзячы на націск уладаў, актывісты грамадзянскай кампаніі “Гавары праўду!” працягваюць сваю працу. Вобыскі і затрыманні больш як 30 актывістаў кампаніі прайшлі адначасова ў 12 гарадах Беларусі, разгромлены і апячатаны офіс установы.

21.05.2010 Супраць кампаніі палітычных рэпрэсіяў у Беларусі

Заява Асамблеі няўрадавых дэмакратычных арганізацыяў Беларусі

21.05.2010 Беларускія адвакаты/юрысты запрашаюцца да ўдзелу ў навучальнай праграме “Міжнароднае права ў праваабарончай дзейнасці”

Сакратарыят Міжнароднай сеткі Дамоў правоў чалавека - Фонд Дамоў правоў чалавека - пачынае набор беларускіх адвакатаў/юрыстаў у групу па вывучэнні міжнароднага права правоў чалавека ў рамках праграмы “Міжнароднае права ў праваабарончай дзейнасці”.

21.05.2010 Някляева, Дзмітрыева і Вазняка выпусцілі з Акрэсціна

Сёння, 21 мая, з ізалятара на Акрэсціна выпусцілі актывістаў грамадскай кампаніі «Гавары праўду» Сяргей Вазняка і Андрэя Дзмітрыева, а таксама лідэра кампаніі Уладзіміра Някляева. Усе яны былі затрыманыя ў аўторак, 18 мая, пасля ператрусу ў мінскім офісе «Гавары праўду». Сяргея Вазняка (галоўны рэдактар газеты «Товарищ») нават вывезлі машынай з Акрэсціна і выкінулі ў горадзе. Ён на таксі пад’ехаў пад Ленінскі РУУС. Астатнія дабіраюцца таксама сюды.

21.05.2010 Суддзя меў загадзя надрукаваны прысуд Жукоўскаму

20 траўня суддзя Савецкага раёну Гомеля Юры Валашыненка пакараў штрафам на 1 мільён 750 тысяч рублёў экс-кандыдата ў дэпутаты аблсавету, актывіста Партыі Беларуская Хрысціянская Дэмакратыя Кастуся Жукоўскага — за абразу міліцыянта на выбарчым участку. Паводле актывіста БХД Яўгена Якавенкі, які прысутнічаў на судзе, суддзя з самага пачатку перадузята ставіўся да падсуднага.

21.05.2010 Назаранкам цікавіцца КДБ

Гомельскага маладафронтаўца Антося Назаранку выклікалі ў дэканат на "прафіляктычную" гутарку з КДБ. Чэкісты цікавіліся дзейнасьцю хлопца, апытвалі аб нядаўнім затрыманьні.

21.05.2010 ГА «БАЖ» патрабуе спыніць гвалт над свабодай слова

ГА «Беларуская асацыяцыя журналістаў» абураная грубым наступам на свабоду слова ў Беларусі, чарговая хваля якога пачалася 18 траўня з «рэйду» міліцыі і спецслужб па офісах і кватэрах грамадскіх актывістаў.