Праваабарончы цэнтр «ВЯСНА»

Навіны за 8 верасьня 2010

08.09.2010 11 чалавек затрыманыя ў сувязі з інцыдэнтам на тэрыторыі Расійскай амбасады ў Менску

Сёньня ў Менску супрацоўнікамі КДБ затрыманая актывістка Тацяна Семянішчава. Па словах маці затрыманай супрацоўнікі КДБ заявілі, што знайшлі нейкую інфармацыю на раней канфіскаваным цвёрдым дыску, але якую менавіта не ўдакладняецца. Аб больш дакладных прычына затрымання або прад'яўленні абвінавачванняў пакуль няма ніякай інфармацыі.

08.09.2010 Затрыманыя маладафронтаўцы каля амбасады Расеі

Пяцёра сяброў "Маладога фронту" Зьміцер Ясевіч, Эдуард Лобаў, Алесь Стасюк, Вадзім Петрык і Ігар Аляксееў знаходзяцца ў міліцыі Цэнтральнага раёну Менску.

08.09.2010 Ігар Чапіга зьмешчаны на Акрэсьціна

Сябра "Правага альянсу" Ігар Чапіга пасьля правядзеньня ў яго на кватэры ператрусу, зьвязанага нібыта з падпалам Цэнтру ізаляцыі на Акрэсьціна, дастаўлены ў гэтую установу. Кіраўнік Інфармацыйна-кансалтынгавай установы "Правы альянс" Юрась Карэтнікаў называе гэта палітычна матываваным перасьледам.

08.09.2010 Магілёў: Праваабаронцы супраць камунальнікаў

Магілёўскі праваабарончы цэнтар падаў апэляцыю на вырак абласнога гаспадарчага суда.

08.09.2010 Сёння - Дзень беларускай вайсковай славы

У 1514 годзе пад Воршай, на Крапівенскім полі, адбылася адна з найбольш значных бітваў сярэднявечча. 30-цітысячнае войска ВКЛ змагло ўшчэнт разбіць Маскоўскае войска, якое складала 80.000 жаўнераў.

08.09.2010 Артыкул 193.1: Галаванаў ківае на Лукашэнку

Міністар юстыцыі Віктар Галаванаў перакладае адказнасьць за існаваньне адыёзнага артыкула Крымінальнага кодэкса 193.1 на прэзыдэнта. Прынамсі, такую выснову можна зрабіць па выніках сустрэчы прадстаўнікоў Асамблеі НДА з высокапастаўленым чыноўнікам.

08.09.2010 Сьпіс затрыманых за падпалы расьце

У Менску затрыманы грамадзкі актывіст–эколаг Уладзімір Валодзін. 8 верасьня ў яго на кватэры супрацоўнікі Ленінскага РАУС правялі ператрус, канфіскавалі хард-дыск з кампутара, улёткі. Уладзіміра Валодзіна затрымалі па падазрэньні ў дачыненьні да падпалу дзвярэй філіялу "Беларусбанка" ў Мінску 30 красавіка 2010 г.

08.09.2010 Перасьлед незалежных галасоў павінен быць спынены. Сьмерць Алега Бябеніна павінна быць расследавана

FIDH і яе членская арганізацыя Праваабарончы цэнтр "Вясна" глыбока занепакоеныя працягам рэпрэсій супраць незалежных журналістаў і дзеячаў грамадзянскай супольнасьці ў Беларусі напярэдадні прэзідэнцкіх выбараў, якія пройдуць у канцы 2010 г.

08.09.2010 Чарговыя кандыдаты на вышэйшую меру пакараньня?

Да 14 верасьня ў Магілёўскім абласным судзе абвешчаны перапынак у разглядзе крымінальнай справы па абвінавачваньні Аляксандра Сычова і Ігара Мялікава, якія ў складзе банды здзейсьнілі серыю жорсткіх злачынстваў на тэрыторыі Магілёўскай вобласьці. Ім пагражае сьмяротнае пакараньне. Кіраўнік злачыннай групы, заснавальнік Беларускага рэспубліканскага грамадскага аб'яднаньня джыу-джытсу і самаабароны, пазбегнуў суду, паколькі некалькі месяцаў назад раптоўна памёр.

08.09.2010 Алесь Астроўскі дамагаецца адкрыцця ў Гродне беларускага класа

Прафесар Гродзенскага медуніверсітэта Алесь Астроўскі, які рабіў пікет за тое, каб яго дачка пайшла ў беларускамоўны клас, пачаў штодзёныя сустрэчы з бацькамі дзесяці гродзенскіх школ.

08.09.2010 Сяргея Папова затрымалі ўначы

Сёньня ў Менску супрацоўнікі міліцыі затрымалі прыхільніка незарэгістраванай Беларускай партыі свабоды (БПС) Сяргея Папова. Прычым забіралі яго ноччу з уласнай кватэры, не патлумачыўшы прычын затрыманьня. Ягоныя сябры лічаць, што магчымай падставай з’яўляецца праверка ягонай датычнасьці да інцыдэнту на тэрыторыі расійскай амбасады ў Мінску.

08.09.2010 У Мінску арыштаваныя 50 апазіцыйных актывістаў

У Мінску міліцыя арыштавала каля 50 актывістаў грамадзянскай кампаніі "Гавары праўду". Аб прад'яўленых ім абвінавачваннях пакуль нічога не паведамляецца.