Праваабарончы цэнтр «ВЯСНА»

Навіны за 8 лістапада 2011

08.11.2011 Міліцыя “не дапрацавала”, складаючы пратакол на арганізатарку “Народнага сходу”

Ірына Яскевіч, арганізатарка Народнага сходу ў Віцебску, даведалася, што суду над ёй пакуль не будзе. Суддзя Кастрычніцкага райсуду Іна Грабоўская не ўгледзела складу правапарушэння ў матэрыялах, якія ёй перадалі з міліцыі.

08.11.2011 Павел Севярынец застаецца на “хіміі”

Пасля адмовы Паўла Севярынца падпісаць прашэнне аб памілаванні кіраўніцтва спецкамендатуры № 7 у в. Купліна дало Севярынцу падпісаць паперу, дзе сказана, што да Паўла Севярынца вырашана не змяняць меру адбыцця пакарання.

08.11.2011 Уладзіміра Юхо пакаралі арыштам на 7 сутак

Уладзіміра Юхо пакаралі арыштам на 7 сутак. Нягледзячы на тое, што ў суд Ленінскага раёна яго і Юрыя Шпак-Рыжкова прывезлі раніцай, суд пачаўся праз некалькі гадзін з-за таго, што чакалі сведак-міліцыянераў.

08.11.2011 Суд над Віктарам Мезяком перанесены на 11 лістапада

Суддзя Станіслаў Півавараў вырашыў перанесці разгляд справы Віктара Мезяка на 11 лістапада. Дзеля аб’ектыўнага разбіральніцтва суддзя паабяцаў выклікаць у суд прадстаўніка гарвыканкама і супрацоўнікаў міліцыі.

08.11.2011 Шальмаванне Алеся Бяляцкага захіснула рэгіянальныя дзяржСМІ

Газета “Магілёўскія ведамасці” размясціла ўжо вядомы артыкул “Как “правозащитник” Беляцкий устроил себе красивую жизнь”. Зняславіць кіраўніка Праваабарончага цэнтра “Вясна” палічыла патрэбным у апошнім нумары і Бярозаўская раённая газета “Маяк”.

08.11.2011 Аспірантку Таццяну Касатую ўсё-ткі адлічылі з ВНУ

Таццяна Касатая атрымала адпаведную выпіску ў загада рэктара.

08.11.2011 Віцебскія інваліды скардзяцца на парушэнне іх правоў

Абласной арганізацыі “Беларускага таварыства інвалідаў” прапанвалі знайсці ўласныя сродкі для рэалізацыі сваіх пажаданняў.

08.11.2011 Бабруйск: Яшчэ два суды за Народны сход

Бабруйскія суддзі вырашылі не марнаваць дарэмна час і асудзіць двух удзельнікаў Народнага схода ў адзін дзень – 9 лістапада. Нагадаем, што на мінулым тыдні сябра аргкамітэта і бабруйскі лідэр АГП Віктар Бузінаеў атрымаў 10 сутак арышту.

08.11.2011 Пра лёс Бяляцкага ўзгадалі ў Брэсце

Тэкст улётак, на якіх змешчана фотаздымак Алеся Бяляцкага, заклікае жыхароў горада падумаць хаця б хвіліну пра праваабаронцу, у адносінах да якога заведзена крымінальная справа і зараз адбываецца судовы працэс.

08.11.2011 Ілля Міронаў: “Арышт толькі дадаў мне моцы”

«Яны прапанавалі, па іх жа словах, тры шляхі для мяне: ці я наогул кідаю гэтую дзейнасць, ці працягваю, але маю пры гэтым праблемы і пераслед, ці дзейнічаю, як і раней, але ўсю інфармацыю перадаю ў КДБ". Грамадскі актывіст вызваліўся з гомельскага ізалятара пасля 10-сутачнага арышту.

08.11.2011 Удзельнікі акцыі каля помніка Леніна ў Менску атрымалі на траіх 24 суткі арышту

У судзе Маскоўскага раёна Менска пачынаецца разгляд адміністратыўных спраў “маладафронтаўцаў” Міхаіла Мускага, Сяргея Павала і Рамана Васільева. Іх вінавацяць у дробным хуліганстве (арт. 17.1 КаАП РБ), а менавіта ў спробе закідаць помнік Леніна яйкамі пад лёзунгі «Камунізм пад трыбунал» і «Спыніць камунізм».

08.11.2011 Праваабарончая праграма “Людзьмі звацца!” на Радыё Рацыя

У “Падзеі тыдня” – суд над старшынём Праваабарончага цэнтру «Вясна» і Віцэ-прэзідэнтам Міжнароднай федэрацыі за правы чалавека Алесем Бяляцкім, ацэнкі гэтай падзеі беларускімі праваабаронцамі. Госць рубрыкі "Чалавек. Асоба. Грамадства" - кіраўнік расейскага праваабарончага цэнтра “Мемарыял” Алег Арлоў.

08.11.2011 Адноўлена крымінальная справа ў дачыненні да трох сябраў Партыі БНФ

Адноўлена крымінальная справа ў дачыненні да трох членаў Партыі БНФ — Алеся Каліты, Максіма Губарэвіча і Сяргея Семенюка, якія падазраюцца ў хуліганстве (артыкул 339 Крымінальнага кодэкса Беларусі). Пра гэта БелаПАН паведаміў Сяргей Семянюк.

08.11.2011 Туніскія калегі працягваюць сачыць за лёсам Алеся Бяляцкага

Беларускі праваабаронца, віцэ-прэзідэнт FIDH наведваў Туніс сёлета ў сакавіку, адразу пасля рэвалюцыі і падзення рэжыму Бен Алі, каб падтрымаць праваабаронцаў з гэтай арабскай краіны, натхнёных поспехам рэвалюцыі, і падзяліцца з імі беларускім досведам пераходнага перыяду. Палітычныя рэжымы Беларусі і Тунісу Алесь Бяляцкі назваў братамі-двайнятамі – у плане падаўлення грамадзянскіх свабодаў і ціску на грамадзянскую супольнасць. Цяпер туніскія праваабаронцы дасылаюць словы падтрымкі свайму калегу, які пераследуецца беларускімі ўладамі за сваю дзейнасць.

08.11.2011 Фотажурналістку Мілану Харытонаву выклікалі ў міліцыю

Незалежную фотажурналістку Мілану Харытонаву выклікалі ў Ленінскі РАУС Брэста, каб яна дала тлумачэнні наконт акцыі салідарнасці з палітвязнямі, якая адбылася ў гэтым горадзе 26 кастрычніка.