Праваабарончы цэнтр «ВЯСНА»

Навіны за 7 лістапада 2011

07.11.2011 Трэці дзень суду над Алесем Бяляцкім: Відавочныя прыкметы палітычна матываванага працэсу

Абсерваторыя па абароне правоў праваабаронцаў заклікае ўрад Беларусі неадкладна вызваліць Алеся Бяляцкага і адмовіцца ад усіх высунутых супраць яго абвінавачанняў, паколькі яго арышт і судовы пераслед відавочна накіраваны на тое, каб перашкодзіць яго праваабарончай дзейнасці, і сам судовы працэс служыць наглядным доказам гэтага імкнення.

07.11.2011 “Маладафронтаўцы” - на Акрэсціна, а Ленін – у яйках (адноўлена)

У цэнтры Менску супрацоўнікамі міліцыі 7 лістапада затрыманыя “маладафронтаўцы” Міхаіл Мускі, Сяргей Павал і Раман Васільеў. Яны дастаўленыя ў Маскоўскі РУУС. Тэлефонная сувяз з імі пакуль адсутнічае

07.11.2011 Міжнародная назіральная місія: кароткі агляд трэцяга дня судовага пасяджэння па справе Бяляцкага

4 лістапада 2011 г. у Мінску адбылося ужо 3-е пасяджэнне суда па справе кіраўніка праваабарончага цэнтра "Вясна", віцэ-прэзідэнта Міжнароднай Федэрацыі правоў чалавека Алеся Бяляцкага. З аглядамі папярэдніх пасяджэнняў можна азнаёміцца тут: і тут: За ходам працэсу таксама можна сачыць у Твітэры Міжнароднай назіральнай місіі ў Беларусі: https://twitter.com/ #! / IOMission.

07.11.2011 “Прыдняпроўская ніва” паклёпніцкую замову выканала

Раённая газета Магілёўскага раёна “Прыдняпроўская ніва” у перадсвяточным суботнім нумары 5 лістапада змясціла артыкул “Как “правозащитник” Беляцкий устроил себе красивую жизнь”.

07.11.2011 Рыгору Грыку сёмы раз забаранілі правядзенне пікету

Рыгор Грык планаваў правесці пікет 12 лістапада. Заяўнік лічыць, што Баранавіцкі гарвыканкам, гарадскі суд і міліцыя не выканваюць Закон “Аб рэспубліканскіх і мясцовых сходах”, таму хацеў прыцягнуць увагу грамадскасці да гэтай праблемы.

07.11.2011 Суддзя прызнала, што сведка па «дробнаму хуліганству» валодае талентам тэлепартацыі

Ігар Случак атрымаў адказ ад старшыні Гомельскага абласнога суду. Ён звяртаў увагу, што яго прызналі правапарушальнікам на падставе паказанняў сведкі, які, згодна дакументаў, знаходзіўся ў час здзяйснення правапарушэння за некалькі кіламетраў ад месца здарэння.

07.11.2011 Затрыманьні ў Лошыцах

Дзяды ў Лошыцы сёлета праходзілі пад асабліва пільным кантролем супрацоўнікаў спэцслужбаў. Некалькі дзесяткаў чалавек у цывільным пад кантролем міліцэйскіх чыноўнікаў фільмавалі хаду акцыі і яе ўдзельнікаў. Калі мітынг завершыўся і людзі пачалі разыходзіцца, сілавікі затрымалі актывіста руху «За Свабоду» Юрася Навіцкага, якія спрабаваў сфатаграфаваць аднаго зь іх.

07.11.2011 Палітвязня Малчанава на волю не адпусцілі

Былога палітвязьня Аляксандра Малчанава пасьля адбыцьця дзесяцісуткавага арышту ізноў затрымалі на трое сутак. На гэты раз па падазрэньні ў здзяйсненьні крымінальнага злачынства.