Праваабарончы цэнтр «ВЯСНА»

Навіны за 5 лютага 2013

05.02.2013 Тамара Сяргей: замест прыёму ў чыноўніка - выклік у міліцыю

4 лютага мяне выклікалі ў галоўнае ўпраўленне ўнутраных спраў Мінскага гарвыканкама. Старэйшы інспектар ГУУС Алег Зошчык паведаміў, што з Генеральнай пракуратуры паступіла даручэнне высветліць абставіны майго наведвання Адміністрацыі прэзідэнта 20 снежня 2012 года.

05.02.2013 Рубінаў лічыць смяротнае пакаранне жорсткай, але адэкватнай мерай

Ужыванне смяротнага пакарання ў дачыненні да забойцаў апраўдана. Старшыня Савета рэспублікі Анатоль Рубінаў падкрэсліў, што, на яго погляд, прымяненне смяротнага пакарання ў дачыненні да забойцаў апраўдана.

05.02.2013 Ад бярозаўскага актывіста патрабуюць аплаціць суд над ім

Грамадска-палітычны актывіст з гораду Бярозаўка Вітольд Ашурак атрымаў дзіўнае ўведамленне з Лідскага раённага суду. Калі Вітольд Ашурак патэлефанаваў туды – яму паведамілі, што ён мусіць заплаціць 150 тысяч беларускіх рублёў за судовыя выдаткі, якія панёс Свіслацкі раённы суд. Ён быў асуджаны Свіслацкім судом да трох сутак адміністрацыйнага арышту. Пазней ён у належны тэрмін заплаціў грошы за харчаванне ў час зняволення.

05.02.2013 Спецдакладчыку ААН па пытанні аб катаваннях пададзена тэрміновае паведамленне ў дачыненні да А.Гайдукова

Праваабаронцы ініцыятывы "Праваабаронцы супраць катаванняў" накіравалі спецыяльнаму дакладчыку ААН па пытанні аб катаваннях і іншых жорсткіх, бесчалавечных ці прыніжаючых годнасць відах абыходжання і пакарання тэрміновае паведамленне аб магчымым прымяненні катаванняў да Андрэя Гайдукова.

05.02.2013 Палітвязень Пракапенка: Халодны цэх, бранхіт і «Папулярная механіка»

Асуджаны ў «справе анархістаў» 22-гадовы гарадзенец ўвечары 4 лютага патэлефанаваў дадому.

05.02.2013 У Баранавічах грамадскасць горада адзначыла 175-я ўгодкі з дня народзінаў Кастуся Каліноўскага (фота)

Святочную імпрэзу ладзілі Баранавіцкая Рада Таварыства беларускай мовы і Польскі дом. Кандыдаты гістарычных навук Ніна Стужынская і Андрэй Кіштымаў распавялі пра асобу Кастуся Каліноўскага і асаблівасці паўстання 1863 года на Беларусі. У мерапрыемстве прынялі ўдзел каля 80 чалавек.

05.02.2013 У Бабруйску вуліцы могуць быць названы ў гонар рэпрэсаваных пісьменнікаў

Нагадаем, у Бабруйску сабралі подпісы за наданне новым вуліцам імёнаў рэпрэсаваных пісьменнікаў Барыса Мікуліча і Сяргея Грахоўскага ў лістападзе мінулага года. Гэтую ідэю агучыў у лісце да Вольгі Піманавай праваабаронца і палітвязень Алесь Бяляцкі.

05.02.2013 Шклоўскі раён -- рассаднік карупцыі?

У студзені бягучага года ў Шклове выяўлена чарговае карупцыйнае злачынства. Апошнім часам крымінальныя справы па злачынствах карупцыйнай накіраванасці ў Шклоўскім раёне ўзбуджаюцца пастаянна. Застаецца нагадаць, што менавіта Шклоўскі раён з’яўляецца кузняй кіруючых кадраў у нашай краіне.

05.02.2013 Гомель: Кастусь Жукоўскі просіць улады дазволіць яму размаляваць помнік Леніну

Кастусь Жукоўскі просіць даць яму дазвол размаляваць помнік Леніну на аднайменнай плошчы. Такая ідэя ўнікла ў заяўніка пасля таго, як ён убачыў на вуліцах Пралетарскай і Кірава дамы, якія з’яўляюцца помнікамі гісторыі, але якія пры гэтым размаляваныя. Ён дадае, што на помніку Леніну размешчана такая ж таблічка, як і на размаляваных дамах (пра тое, што яны з'яўляюцца помнікам гісторыі).

05.02.2013 Пашкоджана пляцоўка Мілавідскага помніка ў гонар паўстанцаў 1863 года

П’яны кіроўца пашкодзіў пляцоўку ля Мілавідскага памятнага знака (Баранавіцкі раён) у гонар паўстанцаў 1863 года. У нецвярозым стане ён урэзаўся на машыне ў земляны насып і моцна разбурыў яго. Удар быў такі моцны, што груды зямлі пераваліліся на другі бок насыпа.

05.02.2013 Прафсаюз РЭП на Гомельшчыне выходзіць на новы ўзровень

У Гомелі прайшла сустрэча прафсаюзных актывістаў з замежнымі партнёрамі. Кіраўнік расійскага бюро глабальнага прафсаюза IndustriALL Вадзім Барысаў і прадстаўнікі шведскага прафсаюза металістаў IF Metall абмеркавалі з беларускімі калегамі перспектывы супрацы.

05.02.2013 Гары Паганяйла пра даклад МЗС: Я павінен пахваліць МЗС за праведзеную працу

Міністэрства замежных спраў Рэспублікі Беларусь падрыхтавала даклад «Парушэнні правоў чалавека ў асобных краінах свету ў 2012 годзе», - паведамляецца на афіцыйным сайце МЗС.

05.02.2013 Праваабарончая праграма “Людзьмі звацца!” на Радыё Рацыя

Гарадзенскі абласны суд не задаволіў касацыйную скаргу мясцовых праваабаронцаў на штрафы за іх фотаздымак у інтэрнэце з партрэтам палітвязня Алеся Бяляцкага. У той жа дзень у Наваполацку за такую ж фотаакцыю салідарнасці быў вынесены яшчэ адзін мільённы штраф. Гэтыя рэзанансныя судовыя рашэнні толькі ўзмацнілі хвалю салідарнасці з праваабаронцамі.