Праваабарончы цэнтр «ВЯСНА»

Навіны за 8 лютага 2013

08.02.2013 Агляд-хроніка парушэнняў правоў чалавека ў Беларусі. Студзень 2013 года

Нягледзячы на выразнае жаданне А. Лукашэнкі звуаляваць балючасць праблемы палітвязняў, ягоныя выказванні ў чарговы раз яскрава падкрэслілі, што іх лёс знаходзіцца пад пільнай увагай дзяржаўнага кіраўніцтва, а пытанне вызвалення знаходзіцца пад ягоным асабістым кантролем.

08.02.2013 Страйк на брэсцкім прадпрыемстве “Компо”

Раніцай 8 лютага рабочыя механічнага цэха машынабудаўнічага прадпрыемства “Компо” у Брэсце адмовіліся пачынаць працоўны дзень. Нагодай для пратэсту стаў той факт, што па выніках працы ў студзені адміністрацыя адмовілася выплаціць прэмію.

08.02.2013 Марэк Мігальскі: Макей стане ўязным толькі пасля вызвалення палітвязняў

Забарона на ўезд у краіны Еўразвяза кіраўніку беларускай дыпламатыі Уладзіміру Макею можа быць знятая толькі ў выпадку, калі будуць звольненыя з турмаў беларускія палітвязні, лічыць еўрадэпутат Марэк Мігальскі.

08.02.2013 На памежным пераходзе “Брузгі” з’явіліся новыя спісы “палітычных”?

Увечары 7 лютага гарадзенскі публіцыст і праваабаронца Уладзімір Хільмановіч, які вяртаўся маршрутным аўтобусам Беласток-Гародня, быў беспадстаўна затрыманы памежнікамі і прадстаўнікамі мытні пераходу “Брузгі”. Уладзімір Хільмановіч: “Цяжка сказаць, з чым звязана такое “абвастрэнне” пільнасці памежнікаў".

08.02.2013 Слонім сустракае плакатам “Свабоду палітвязням!” (фота)

Пры самым уездзе ў Слонім з боку Баранавічаў па трасе Мінск — Баранавічы — Слонім — Ваўкавыск — Беласток сябры БХД прымацавалі плакат з надпісам “Свабоду палітвязням!”. Пакуль плакат з надпісам стаіць каля шасэ і яго ніхто не здымае.

08.02.2013 КДБ перанёс суд па скарзе Алега Аксёнава

Судовае паседжанне Магілёўскага абласнога суду па скарзе каардынатара аргкамітэту па стварэнні Партыі "Беларуская Хрысціянская Дэмакратыя" Алега Аксёнава супраць Камітэту дзяржбяспекі не адбылося па просьбе КДБ.

08.02.2013 Алесь Бяляцкі: “Ніколі не забуду лязгат цяжкіх жалезных турэмных дзьвярэй”

“Імі былі адрэзаныя і будучыня і мінулае. А ты заставаўся ў цяперашнім часе, без мінулага і будучага. Толькі з ахоўнікам, у руках якога быў ключ”, - напісаў палітвязень у дзень, калі мінула паўтары гады з дня ягонага арышту.

08.02.2013 Загінуў былы палітвязень Арцём Грыбкоў

Трагедыя адбылася яшчэ 13 сьнежня 2012 года. «Ён загінуў у аўтакатастрофе, але я не хачу ніякага розгаласу», — сказала карэспандэнту Свабоды ўдава Арцёма Грыбкова Сьвятлана.

08.02.2013 Дамагацца будаўніцтва новай паліклінікі ў Салігорску будуць праз пікеты

Грамадскія актывісты сталіцы гарнякоў плануюць правесці пікет у падтрымку ідэі будаўніцтва новай гарадской паліклінікі. Адпаведная заява накіраваная ў Салігорскі райвыканкам. Заяўніком мерапрыемства выступае сябра Аб’яднанай грамадзянскай партыі Віктар Малочка.

08.02.2013 Палітвязень Васіль Парфянкоў вызваляецца 9 лютага

Першым у гэтым годзе на волю з-за кратаў павінен выйсці удзельнік “Плошчы-2010” палітвязень Васіль Парфянкоў. У яго 9 лютага заканчваецца тэрмін зняволення. Адбывае пакараньне ў СІЗА г.Баранавічы.

08.02.2013 Баранавічы: мітынг забаронены з-за наяўнасці ў заяўніка адміністрацыйнага спагнання

Баранавіцкі прадпрымальнік і грамадскі актывіст Мікалай Чарнавус 7 лютага атрымаў ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што гарвыканкам не дае згоды на правядзенне мітынга 12 лютага.

08.02.2013 Пружаны: 30 кароў і 2 коней фермера Салтруковіча забралі як брадзячых (дакумент)

Пружанскі райвыканкам на паседжанні кіраўнікоў раёна з удзелам кіраўнікоў праваахоўных органаў -- намесніка начальніка Пружанскага РАУС і пракурора раёна ў апошнія дні мінулага года на паседжанні вырашылі пазбавіць фермера з вёскі Ляхі Васіля Салтруковіча яго статка з 30 кароў і 2 коней.

08.02.2013 Выйшла кніга Алеся Бяляцкага, падрыхтаваная за кратамі

Выйшла кніга палітвязьня Алеся Бяляцкага «Асьвечаныя беларушчынай», у якую ўвайшлі яго літаратуразнаўчыя артыкулы і эсэ. Укладаньне кнігі Алесь Бяляцкі пачаў у 2011 годзе на волі, а пасьля арышту працягнуў працу за кратамі — у турмах у Менску, Жодзіне і Бабруйску.

08.02.2013 Мікалай Аўтуховіч: чатыры гады за кратамі

8 лютага 2009 года Мікалая Аўтуховіча кінулі ў турму за крытыку мясцовых уладаў.

08.02.2013 Мінінфармацыі абгрунтавала адмову «Arche-Пачатак» працэдурнымі момантамі

Атрыманы з Міністэрства інфармацыі афіцыйны адказ на паўторную заяву новага заснавальніка «ARCHE» аб перарэгістрацыі выдання, праўду кажучы, здзівіў...