Праваабарончы цэнтр «ВЯСНА»

Навіны за 25 кастрычніка 2013

25.10.2013 Жыхары Глыбокага скардзяцца, што ўлады іх не чуюць

Пра парушэнні сваіх правоў ды абыякавасць уладаў да іхных праблемаў мясцовыя жыхары распавядалі ініцыятарам "Народнага рэферэндуму", старшыні партыі БНФ Аляксею Янукевічу і намесніку старшыні руху “За Свабоду” Юрасю Губарэвічу, якія прыязджалі ў Глыбокае

25.10.2013 Памілаваны смяротнік: Смяротнае пакаранне нікога не палохае і не спыняе

Еўрарадыё размаўляе з чалавекам, якому расстрэл замянілі на 15 гадоў турмы.

25.10.2013 Гомельскага праваабаронцу Паплаўнага звальняюць з працы

Гомельскага праваабаронцу Анатоля Паплаўнага звальняюць з працы «ў сувязі са сканчэннем працоўнага кантракту», які быў падпісаны з работнікам усяго год таму. Пяць гадоў адпрацаваў ён слесарам-інструментальшчыкам на вытворчым унітарным прыватным прадпрыемстве «Віпра».

25.10.2013 У Магілёве КДБ распраўляецца з блогерам

Дзмітрыя Ярмоленку ўжо выгналі з Магілёўскага дзяржаўнага ўніверсітэта імя Куляшова, а цяпер спрабуюць ціснуць на яго на працы.

25.10.2013 Беларусь будзе на Віленскім саміце, нават калі не вызваліць палітвязняў

Такую заяву зрабілі для журналістаў генеральны дырэктар палітычнага дэпартамента МЗС Швецыі Турб’ёрн Сульстрэм і палітычны дырэктар МЗС Польшчы Яраслаў Браткевіч.

25.10.2013 Ільлю Дабратвора выклікаюць у пастарунак

Актывіста руху салідарнасьці «Разам» Ільлю Дабратвора выклікалі ў Фрунзенскі РУУС Менску.

25.10.2013 Разгляд касацыйнай скаргі Уладзіміра Яроменка прызначаны на 12 лістапада

Скаргу будуць разглядаць у Мінскім гарадскім судзе. У выпадку, калі рашэнне суда Першамайскага раёна пакінуць без зменаў, актывіст павінен будзе адбыць 3-месячны арышт за парушэнне правілаў прэвентыўнага нагляду.

25.10.2013 Салігорац зноўку скардзіцца ў Генпракуратуру на парламентарыяў

Сябра Аб’яднанай грамадзянскай партыі Віктар Малочка накіраваў у Генеральную пракуратуру новую скаргу на дэпутатаў Палаты прадстаўнікоў ад Салігорчшыны Яўгена Абаленскага і Таісу Данілевіч. Нагодай для звароту стала грубае парушэнне дэпутатамі Закона “Аб зваротах грамадзян” і Закона “Аб мовах у Рэспубліцы Беларусь”.

25.10.2013 На 10 снежня ў Віцебску замоўлены пікет салідарнасці з палітвязнямі

Заяўку ў адміністрацыю Кастрычніцкага раёну горада падаў старшыня гарадзкой арганізацыі Партыі БНФ Аляксандр Кузняцоў.

25.10.2013 Увага! Шукаем і навучаем назіральнікаў за масавымі мерапрыемствамі

Калі хочаце паназіраць, якім чынам рэалізуецца права на свабоду сходаў у Беларусі, якія асаблівасці правядзення масавага мерапрыемства паводле нацыянальнага заканадаўства, у якіх выпадках гэтае права можа быць абмежаванае – далучайцеся да сумеснага назірання Праваабарончага цэнтра “Вясна” і Беларускага Хельсінкскага камітэта!

25.10.2013 У Беларусі працягваюцца прэвентыўныя затрыманні актывістаў і суды над імі (аднаўляецца)

Актывіста “Еўрапейскай Беларусі” з Дзяржынску Аляксандра Тарнагурскага выклікалі позваю для апытання на 10 гадзін раніцы 24 кастрычніка ў мясцовы РАУС.

25.10.2013 Круглы стол «Акадэмічныя свабоды і правы студэнтаў у Беларусі: праблемы і перспектывы»

Якія асноўныя праблемы студэнтаў Беларусі? Якім чынам вырашаць іх найбольш эфектыўна і якія правы і свабоды студэнтаў парушаюцца часцей за ўсё? Дыскусія з удзельнікамі круглага стала і даклады экспертаў юрыдычнай кансультацыі «Студэнцкай Рады» і «Грамадскага Балонскага камітэта».

25.10.2013 Дабіцца памяшкання для аб’яднання баранавіцкіх украінцаў “Кабзар” не ўдалося нават праз суд

24 кастрычніка ў судзе Баранавіцкага раёна і горада Баранавічы адбыўся працяг разгляду скаргі Мікалая Чарнавуса на дзеянні гарвыканкама. Менавіта мясцовыя чыноўнікі, на думку грамадскага актывіста, адмаўляюцца прадставіць адно з вольных памяшканняў для грамадскага аб’яднання баранавіцкіх украінцаў “Кабзар”.

25.10.2013 У Камітэт ААН па правах чалавека накіравана чарговая скарга

Салігорскі грамадскі актывіст Уладзімір Шыла звярнуўся ў Камітэт ААН па правах чалавека ААН са скаргай на Рэспубліку Беларусь. Падставай для звароту стала забарона Салігорскім раённым выканаўчым камітэтам правядзення пікета да Дня Волі ў сакавіку гэтага году.

25.10.2013 Артыкул 193.1 КК: юрыст Тамара Сяргей не змагла абскардзіць папярэджанне Генпракуратуры

«Пракуратура і суд выканалі ўказанне Адміністрацыі прэзідэнта» - так юрыст Тамара Сяргей расцаніла рашэнне калегіі Мінскага гарадскога суда па грамадзянскіх справах у складзе Вольгі Рамашэўскай, Алы Крапіўкі і Кацярыны Якутовіч, вынесенае 24 кастрычніка.