Праваабарончы цэнтр «ВЯСНА»

Навіны за 22 жніўня 2014

22.08.2014 У ААН падрыхтаваны план гуманітарнай дапамогі Украіне

«Гуманітарная сітуацыя ў краіне пагаршаецца даволі хутка. Нам трэба зразумець, як мы можам падтрымаць урад у яго намаганнях па дастаўцы дапамогі 190 тысячам людзей, якія, па нашых ацэнках, пакінулі свае дамы», - заявіла намеснік Генсакратара ААН сёння ў Кіеве.

22.08.2014 «Вы ніколі не задумваліся, колькі 20 гадоў вашага кіравання прынеслі гора грамадзянам нашай краіны?»

Свой зварот да Аляксандра Лукашэнкі мінчанка Людміла Кучура прымеркавала да 20-годдзя яго прэзідэнцтва, нагадаўшы, што, дзякуючы яго «бацькоўскаму клопату», яе муж Пётр Кучура ўжо 10 гадоў адбывае пакаранне за злачынства, якога не здзяйсняў.

22.08.2014 Менскі гарадскі суд адхіліў скаргу абаронцаў Курапатаў

Менскі гарадскі суд адхіліў скаргу абаронцаў мемарыялу ахвяраў сталінскіх рэпрэсій ва ўрочышчы Курапаты. Пакінуў у сіле рашэнне суду Цэнтральнага раёну. Аўтары скаргі спрабавалі дамагчыся ад Генеральнай пракуратуры Беларусі, выканаць сваё ранейшае прадпісанне аб выдаленні ўсіх аб’ектаў, якія незаконна пабудаваны ў ахоўнай зоне мемарыялу.

22.08.2014 Даклад аб дыскрымінацыі і няроўнасці ў Беларусі затрыманы на мяжы

Даклад праваабаронцаў The Equal Rights Trust і БХК затрыманы на мяжы і правяраецца аддзелам кантрабанды. Разам з тым Адміністрацыя Прэзідэнта паведаміла пра тое, што інфармацыя, выкладзеная ў дакладзе, "прынятая да ведама".

22.08.2014 Улады Крыму забаранілі жалобнае мерапрыемства татараў з прычыны "гарачага надвор'я"

Улады Крыму забаранілі крымскім татарам праводзіць жалобны мітынг з нагоды Агульнаеўрапейскага дня памяці ахвяраў сталінізму і нацызму 23 жніўня: "ў людзей можа здарыцца сонечны ўдар".