Праваабарончы цэнтр «ВЯСНА»

Навіны за Жнівень 2014

29.08.2014 У Брэсце сёлета не з'явіцца новы беларускамоўны клас

Па словах бацькі Камілы Алеся Леўчука, на жаль, самастойна адшукаць для дачкі аднакласнікаў не атрымалася. Дзяўчынка праз некалькі дзён пойдзе ў клас з рускамоўнай формай адукацыі.

29.08.2014 30 жніўня – Дзень народзінаў палітвязня Васіля Парфянкова

30 жніўня, у суботу, дзень народзінаў за кратамі будзе адзначаць палітвязень і грамадскі актывіст Васіль Парфянкоў. У апошні раз ён быў узяты пад варту 5 снежня 2013 г. падчас агучвання прысуду па арт.421 Крымінальнага кодэкса Рэспублікі Беларусь за невыкананне патрабаванняў прэвентыўнага нагляду.

29.08.2014 Прадпрымальніка з Баранавічаў Чарнавуса зноў пакаралі – штраф і канфіскацыя

Гаспадарчы суд Берасця вынес рашэнне канфіскаваць тавар у прадпрымальніка Міколы Чарнавуса і пакараць штрафам у паўтары мільёна рублёў.

29.08.2014 У Пружанах адбыўся пікет у падтрымку малога памежнага руху

28 жніўня з 18 да 19 гадзін у Пружанах праходзіў пікет на гарадскім стадыёне “Мухавец” з мэтай збору подпісаў за адкрыццё малога памежнага руху ў 30-кіламетровай зоне паміж Беларуссю і Польшчай. На пікеце прысутнічалі 3 чалавекі.

29.08.2014 Брэст: суд адмовіўся распачынаць справу, датычную азнаямлення са спісамі выбаршчыкаў

Адпаведную скаргу ў суд Ленінскага района г.Брэста накіравала старшыня гарадской арганізацыі Беларускай партыі левых “Справядлівы свет” Людміла Дзенісенка, якая брала ўдзел у сёлетняй выбарчай кампаніі ў якасці кандыдата ў дэпутаты Брэсцкага гарадскога савета.

28.08.2014 Гомель: Кастусь Жукоўскі арыштаваны на 5 сутак

Па рашэнню суддзі Вольгі Казловай актывіст прызнаны вінаватым у непадпарадкаванні супрацоўнікам міліцыі (арт. 23.4 КаАП) і пакараны адміністрацыйным арыштам тэрмінам на 5 сутак.

28.08.2014 Харкаўскі дзёньнік Насты Лойка. Частка ІV

Беларуская праваабаронца дзеліцца ўражаньнямі ад валантэрства ў пункце дапамогі перасяленцам у Харкаве ды назіраньнямі за жыцьцём гораду, што знаходзіцца ў дзьвюх гадзінах язды ад самых гарачых кропак у зоне АТА.

28.08.2014 У Кіеве лічаць, што Расія напала, каб сарваць выбары

"Пацвярджаецца меркаванне аб тым, каму найбольш невыгодныя перавыбары Вярхоўнай Рады - гэта Расійская Федэрацыя", - сказаў віцэ-спікер ВР і падкрэсліў, што Расія актывізавала ваенныя дзеянні з пачаткам выбарчага працэсу.

28.08.2014 ААН: Правы чалавека павінны ляжаць у аснове эканамічнага развіцця Азербайджана

Эксперты ААН заклікаюць улады Азербайджана спыніць пераслед праваабаронцаў і забяспечыць ім бесперашкодную законную мірную дзейнасць.

28.08.2014 Сутычка вакол нелегалаў

Юрыст ПЦ "Вясна" Наста Лойка, якая прымала ўдзел у падрыхтоўцы дакладу аб праблемах утрымання мігрантаў у Беларусі, пракаментавала сайту Naviny.by выпад прадстаўніка Дзяржпагранкамітэта на адрас аўтараў дакладу – кампаніі "Нелегальных людзей не бывае".

28.08.2014 СПЧ РФ просіць украінскага амбудсмэна дапамагчы ў вызваленні дэсантнікаў

Усё новыя звароты паступаюць да праваабаронцаў ад бацькоў салдат, чые сыны перасталі выходзіць на сувязь. Яны асцерагаюцца, што іх дзяцей перакінулі ў Растоўскую вобласць для адпраўкі ва Украіну.

28.08.2014 Камітэт ААН прызнаў парушэнне права на мірныя сходы ў дачыненні да Васіля Палякова

Намеснік старшыні АГП Васіль Палякоў скардзіўся ў КПЧ ААН на забарану гомельскіх уладаў на правядзенне пікету з мэтаю агітацыі грамадзян не прымаць удзел у парламенцкіх выбарах, якія праходзілі ў краіне 28 верасня 2008 года.

28.08.2014 Менскім уладам перадалі 100 тысяч подпісаў за вуліцу Быкава

Актывістка кампаніі «Гавары праўду» Тацьцяна Караткевіч разам з пісьменьнікам Уладзімерам Арловым перадалі кіраўніку Менскага гарсавета 100 000 подпісаў за вуліцу імя Васіля Быкава ў Менску.

27.08.2014 Брэсцкі абласны суд не задаволіў касацыйную скаргу Мікалая Чарнавуса

Суддзя Брэсцкага абласнога суда Наталля Сурма не задаволіла касацыйную скаргу грамадскага актывіста Мікалая Чарнавуса на пастанову суддзі суда Баранавіцкага раёна і г. Баранавічы ад 21 ліпеня, па якой індывідуальны прадпрымальнік прызнаваўся вінаватым ў арганізацыі і правядзенне несанкцыянаванага сходу прадпрымальнікаў.

27.08.2014 У Віцебску забаранілі пікет да 60-годдзя Аляксандра Лукашэнкі

Заяўку на акцыю ў адміністрацыю Кастрычніцкага раёну падаваў "урач-праўдаруб" Ігар Пастноў. Ён выканаў усе патрабаванні, рэгламентаваныя рашэннем гарвыканкаму "Аб масавых мерапрыемствах у г.Віцебску", але дазволу так і не атрымаў.