Праваабарончы цэнтр «ВЯСНА»

Навіны за 29 чэрвеня 2015

29.06.2015 Бабруйск: заўзятары паспрыялі вяртанню беларускай мовы на стадыён

На хатнім матчы ФК "Белшына"- ФК "Дынама-Мінск" зноў загучалі беларускамоўныя песні. У гэтым маглі запэўніцца наведнікі стадыёну "Спартак" і аматары спорту, якія сачылі за гульнёй па тэлеканале "Беларусь-5".

29.06.2015 Мінскі абласны суд звярнуў увагу суддзяў на неабходнасць выканання моўнага заканадаўства

Пракуратура Мінскай вобласці накіравала ў Мінскі абласны суд даклад салігорскіх праваабаронцаў аб выкананні правоў беларускамоўных грамадзян у рэгіёне. Мінскі абласны суд звярнуў увагу суддзяў на неабходнасць выканання патрабаванняў моўнага заканадаўства ў судаводстве і падчас судовых працэсаў.

29.06.2015 Не - катаванням (відэа)

Апраўдання катаванням няма. У міжнародны дзень падтрымання ахвяраў катаванняў праваабаронцы канстатуюць, што ў сучасным свеце ажно ў 141-й краіне са 157-мі, якія падпісалі Канвенцыю ААН супраць катаванняў, зафіксаванае жорсткае абыходжанне з людзьмі.

29.06.2015 У Львове прайшлі паказы фільма пра смяротнае пакаранне ў Беларусі

Валанцёры-праваабаронцы распавялі пра сітуацыю з правамі чалавека ў Беларусі ды прэзентавалі фільм “Прычына смерці – прочырк”.

29.06.2015 Глыбокае: 9 і 10 ліпеня – суды над незалежнымі журналістамі

На глыбоцкіх журналістаў Таццяну Смоткіну і Зміцера Лупача склалі пратаколы за парушэнне заканадаўства аб СМІ па артыкуле 22.9 Кодэкса аб адміністрацыйных правапарушэннях (незаконны выраб і распаўсюд прадукцыі СМІ). Суд над Таццянай адбудзецца 9-га ліпеня, над Зміцерам – 10-га ліпеня.

29.06.2015 ЗАПРАШЭННЕ НА ПРЭС-КАНФЕРЭНЦЫЮ

1 ліпеня грамадская кампанія “Праваабаронцы за свабодныя выбары” запрашае на прэс-канферэнцыю, прысвечаную пачатку кампаніі па маніторынгу выбараў Прэзідэнта Рэспублікі Беларусь. Прэс-канферэнцыя адбудзецца 1 ліпеня ў офісе ПЦ ”Вясна”, пачатак – у 11 гадзін.

29.06.2015 Зміцера Дзякава апыталі наконт расцяжкі "Свабоду палітвязням"

Віцебскі сябра аргкамітэту па стварэнні партыі «Беларуская хрысціянская дэмакратыя» Зміцер Дзякаў паведаміў праваабаронцу Паўлу Левінаву, што 26 чэрвеня да яго дахаты прыйшлі супрацоўнікі міліцыі. Хлопец адмовіўся адказваць на іх пытанні.

29.06.2015 Камуністы падтрымаюць на выбарах Лукашэнку і збіраюцца «актыўна супрацьстаяць апазіцыі»

Камуністы маюць намер не толькі браць актыўны ўдзел ва ўсіх этапах электаральнай кампаніі, збіраць подпісы за Лукашэнку і назіраць за выбарамі, але і займацца «выкрыццём задум апазіцыі».

29.06.2015 Магілёўскі журналіст накіраваў скаргу ў Камітэт па Правах Чалавека ААН

Алесь Буракоў спадзяецца, што Камітэт па Правах Чалавека ААН разгледзіць ягоную скаргу і прызнае, што журналіст мае рацыю.

29.06.2015 Юры Рубцоў пра харчаваньне вязьняў у баранавіцкім ізалятары: «Кормяць як сьвіней»

Да суду Юры Рубцоў амаль месяц трымаў галадоўку пратэсту. Як палітвязень пачуваецца? Што паведамляе пра ўмовы ўтрыманьня ў ізалятары?

29.06.2015 Салігорскія супрацоўнікі ДАІ не здолелі скласці пратакол па-беларуску

"З тым фактам, што шторкі на маім аўто з’яўляюцца парушэннем правіл дарожнага руху, я абсалютна пагадзіўся. Але я папярэдзіў супрацоўнікаў ДАІ, што буду карыстацца беларускай мовай і запатрабаваў ад іх, як ад дзяржаўных служачых, таго ж".

29.06.2015 Бярозаўскі суд: патрабаванне вызвалення палітвязняў – гэта прызыў да экстрэмізму, вайны і насілля

“Вы што, хочаце майдан?” – з абурэннем звяртаўся да заяўнікаў пікету юрыст Яўген Кашталян. - А калі гэтых людзей вызваліць, то яны вернуцца да сваёй дзейнасці. І вы гэтаму спрыяеце”.