Праваабарончы цэнтр «ВЯСНА»

Навіны за 23 верасьня 2015

23.09.2015 Міжнародныя праваабаронцы заклікалі АБСЕ асудзіць пераслед сваіх калегаў у Беларусі

23 кастрычніка ў Варшаве ў рамках канферэнцыі АБСЕ па чалавечым вымярэнні прайшло паседжанне, дзе абмяркоўваліся выклікі і пагрозы, з якімі сутыкаюцца праваабаронцы ў рэгіёне АБСЕ.

23.09.2015 Баранавічы: выбары незаўважныя

У Баранавічах выбарчая кампанія праходзіць вельмі ціха і амаль незаўважаная. Пераважна на вокнах адміністрацыйных будынкаў, крам, у памяшканнях навучальных устаноў, у файе прадпрыемстваў, як і раней, размешчаны толькі інфармацыйныя плакаты “Выбары-2015”.

23.09.2015 Бабруйчане карыстаюцца момантам: колькасць скаргаў ва ўладныя структуры падчас выбараў павялічылася

Чыноўнікі ў Бабруйску адзначаюць "усплёск скаргаў". Па меркаванні начальніка аддзела па працы са зваротамі грамадзян і юрыдычных асоб гарвыканкаму Людмілы Ляноўскай, "збольшага паўплывалі на сітуацыю выбары".

23.09.2015 Адвакаты правоў чалавека пад пагрозай

Сетка дамоў правоў чалавека прадставіла справаздачу, якая апісвае выпадкі пераследу вядомых адвакатаў правоў чалавека ў Азербайджане, Беларусі, Малдове, Расіі, Украіне і цяжкія наступствы гэтых рэпрэсій як для саміх адвакатаў, так і для іх падабаронных.

23.09.2015 Валянцін Стэфановіч: “Мы ўсе ведаем, чым завяршаюцца выбары ў Беларусі” (відэа)

У Камітэце па замежных справах Еўрапарламента 22 верасня прайшлі слуханні па сітуацыі ў Беларусі з удзелам спецдакладчыка ААН Міклаша Харасці. Падчас абмену думкамі выступіў намеснік старшыні ПЦ “Вясна” Валянцін Стэфановіч .

23.09.2015 Бабруйск: цішыня падчас агітацыі

Вонкава ў Бабруйску выбарчая кампанія мала заўважная. На адмінстрацыйных будынках, крамах, будынках навучальных устаноў, інтэрнатах, як і раней, размешчаны толькі інфармацыйныя плакаты "Выбары-2015".

23.09.2015 Строгая інфармацыйная дыета. Чаму ЦВК публікуе не ўсе свае пастановы?

Упершыню ўвагу на гэтую праблему магілёўскі праваабаронца Барыс Бухель звярнуў падчас перадвыбарчай кампаніі 2010 года. З тых часоў, паводле яго слоў, нічога не змянілася.

23.09.2015 Салігорскія ўлады забаранілі пікет супраць ушчыльнення гарадской забудовы

Намеснік старшыні Салігорскага райвыканкаму Мікалай Маскевіч забараніў правядзенне на цэнтральнай плошчы пікетавання супраць ушчыльнення гарадской забудовы, арганізатарам якога з’яўляецца мясцовы грамадскі актывіст Уладзімір Шыла.

23.09.2015 Мінск перадвыбарчы (фота)

Агітацыйны перыяд прэзідэнцкай кампаніі ў краіне ідзе амаль два тыдні, аднак друкаванай прадукцыі кандыдатаў агітацыйнага зместу ў сталіцы не назіраецца. На пластыкавых стэндах размешчаны толькі інфармацыйныя плакаты з датай выбараў.

23.09.2015 Бялыніцкі райвыканкам палепшыў умовы для вядзення перадвыбарчай агітацыі

Бялыніцкі райвыканкам унёс змены ва ўласнае рашэнне №25-8 ад 4 верасня 2015 г. “Аб стварэнні ўмоў для правядзення перадвыбарчай агітацыі кандыдатаў у прэзідэнты Рэспублікі Беларусь” і дазволіў кандыдатам у прэзідэнты РБ праводзіць масавыя мерапрыемствы не толькі ў Ліпавым гаі.