Праваабарончы цэнтр «ВЯСНА»

Навіны за 29 верасьня 2015

29.09.2015 Мікалай Дзядок: Правілы распарадку за кратамі скіраваныя на знішчэнне чалавека (відэа)

ПЦ "Вясна" правёў інтэрв'ю з нядаўнімі палітвязнямі пра праблемы, з якімі яны сутыкнуліся за кратамі. Першыя сведчанні - ад Мікалая Дзядка.

29.09.2015 Бабруйск: улётак з заклікам галасаваць – шмат, кандыдацкіх – няма

На гарадскіх вуліцах дагэтуль не заўважныя хоць нейкія агітацыйныя друкаваныя матэрыялы кандыдатаў. Апошнімі дням горад яшчэ больш абклеілі ўлёткамі і расцяжкамі з заклікамі галасаваць, але вось за каго -- неясна.

29.09.2015 Клімавічы: сябра ініцыятыўнай групы Таццяны Караткевіч быў пад пагрозай крымінальнага пераследу за паклёп і абразу прэзідэнта

Падпалкоўнік Кавалёў азнаёміў Балобіна з пастановай аб адмове ва ўзбуджэнні супраць яго крымінальнай справы па арт. арт.367 і 368 Крымінальнага кодэкса (“Паклёп у адносінах прэзідэнта РБ” і “Абраза прэзідэнта РБ”).

29.09.2015 У збіцці аднаго з «графіцістаў» Следчы камітэт крыміналу не знайшоў

Яраславу Ульяненкаву, аднаму з затрыманых па «справе графіцістаў» адмовілі ў завядзенні крымінальнай справы ў дачыненні да міліцыянтаў.

29.09.2015 Праваабарончая праграма “Вясна” на Беларускім Радыё Рацыя

"Час Выбараў": На гэтым тыдні тэма выбараў у Беларусі ўздымалася на міжнанароднай арэне ў Еўрапарламенце ды на працоўным паседжанні канферэнцыі АБСЕ па чалавечым вымярэнні. "Па-за межамі": Узнагарода Людмілы Аляксеевай падкрэслівае складаную сітуацыю, у якой сёння знаходзіцца грамадзянская супольнасць Расіі.

29.09.2015 Берасцейцы пра “Жывыя размовы”: можна смела задаць пытанні пра правы чалавека

Людзі, якія прыйшлі на сустрэчу з праваабаронцамі, адзначалі, што ў фармаце твар да твару змаглі задаць ім тыя пытанні, якія б не наважыліся агучыць на шырокую аўдыторыю.

29.09.2015 Звольненая з бабруйскага заводу "свабодаўка" - Лукашэнку: “Прыміце меры ці не называйце больш нас "сваім народам"

Аксана Кернажыцкая, сябра суполкі Свабоднага прафсаюзу Беларускага на заводзе трактарных дэталяў і агрэгатаў (ТДіА), згубіла працу ў жніўні. Яна бездакорна адпрацавала на заводзе 19 гадоў, не мела дысцыплінарных спагнанняў. Зараз жанчына ў пошуках працы, яна адна гадуе 12-гадовага сына.

29.09.2015 Баранавічы: гарвыканкам дазволіў пікет за свабодныя і дэмакратычныя выбары

Мясцовая выканаўчая ўлада дае дазвол на правядзенне пікета 4 кастрычніка за свабодныя і дэмакратычныя выбары без прымусу і фальсіфікацыі. Масавае мерапрыемства плануецца правесці ў дазволеным гарвыканкамам месцы, заяўлена, што ў пікеце прыме ўдзел каля 10 чалавек.

29.09.2015 У Маладэчне сустрэча з даверанай асобай Лукашэнкі прайшла ў памяшканні, не вызначаным для гэтых мэтаў

Выкарыстанне для агітацыйных мэтаў Палаца культуры з’яўляецца парушэннем Рашэння № 832 Маладзечанскага райвыканкама ад 8 верасня 2015 г., бо гэтае памяшканне не вызначана для такіх мерапрыемстваў.

29.09.2015 У Віцебску пададзеныя заяўкі на пікеты за байкот выбараў

Пад заяўкамі, пададзенымі ў раённыя адміністрацыі гораду, паставілі свае подпісы пяцёра сябраў Кансерватыўна-хрысціянскай партыі БНФ. Усяго яны хочуць правесці 21 пікет: штодня па адным у кожным з трох раёнаў Віцебску.