Праваабарончы цэнтр «ВЯСНА»

Навіны за 7 лістапада 2019

07.11.2019 Віцебскія ўлады забаранілі ладзіць агітацыйны пікет, які ўжо адбыўся

Актывісты "Народнай Грамады" атрымалі забарону на правядзеньне агітацыйных пікетаў у Віцебску ўжо пасля таго, як гэтыя пікеты правялі.

07.11.2019 Назіральная місія БДІПЧ АБСЕ апублікавала прамежкавую справаздачу аб парламенцкіх выбарах

Парламенцкая выбарчая кампанія ў Беларусі праходзіць стрымана, гаворыцца ў прамежкавай справаздачы назіральнай місіі Бюро па дэмакратычных інстытутах і правах чалавека АБСЕ. Справаздача апублікавана 7 лістапада, паведамляюць naviny.by.

07.11.2019 Юрыя Мельнікава выкінулі з выбарчай гонкі... з другой спробы

Акруговая выбарчая камісія па Віцебскай-Чкалаўскай акрузе №18 разгледзела два звароты грамадзянаў на распаўсюд "ілжывай" інфармацыі кандыдатам Юрыем Мельнікавым у сваіх выступах і адмяніла яго рэгістрацыю.

07.11.2019 Першая перамога "Правіл Нэльсана Мандэлы": МУС унёс змены ў Правілы ўнутранага распарадку турмаў

Праваабаронцы «Магілёўскай вясны» атрымалі абнадзейваючы адказ з Дэпартамента выканання пакаранняў, паведамляе mspring.online. Раней яны накіравалі заяву на імя міністра ўнутраных спраў з просьбай выключыць з Правілаў унутранага распарадку (ПУР) папраўчых устаноў патрабаванне, якое прадпісвае ўсталёўваць на вокны камер металічныя шчыты-жалюзі ("вейкі"), якія ператварылі беларускія СІЗА ў сярэднявечныя вязніцы.

07.11.2019 Гародня: выбары ў Савет Рэспублікі пройдуць у закрытым рэжыме

Назіральнік ад кампаніі "Праваабаронцы за свабодныя выбары" Раман Юргель атрымаў адмову прысутнічаць на пасяджэнні Гарадзенскага абласнога Савета дэпутатаў па выбарах членаў Савету Рэспублікі Нацыянальнага сходу.

07.11.2019 Залессе: адміністрацыйны рэсурс падчас сустрэчы з кандыдатам у дзеянні

Шостага лістапада кандыдат ў дэпутаты Палаты прадстаўнікоў, намеснік старшыні Астравецкага райвыканкаму Віктар Свіла ў прамежку з 14 да 15 гадзін правёў чарговую сустрэчу з выбаршчыкамі. Яна прайшла ў аграгарадку Залессе Смаргонскага раёна. На ёй прысутнічала каля 25 чалавек.