Праваабарончы цэнтр «ВЯСНА»

Навіны за 17 красавіка 2009

17.04.2009 У Берасці суд пакараў штрафамі ўдзельнікаў акцыі салідарнасці

Суд Ленінскага раёна Берасця пакараў штрафамі затрыманых учора ўдзельнікаў акцыі салідарнасці. Пра гэта паведамілі берасцейскія праваабаронцы Уладзімір Малей і Раман Кісляк.

17.04.2009 З’езд беларусаў свету пад пагрозай зрыву

Запланаванае на 18-19 ліпеня 2009 г. правядзенне чарговага, V з’езда беларусаў свету МГА "ЗБС “Бацькаўшчына” можа апынуцца пад пагрозай.

17.04.2009 Мінюст не тлумачыць далейшага развіцця сітуацыі з рэгістрацыяй БХД

Міністэрства юстыцыі не называе тэрміны прыпынення рашэння аб нерэгістрацыі партыі "Беларуская Хрысьціянская Дэмакратыя". На сустрэчы сустаршынь аргкамітэту БХД Аляксея Шэіна і Віталя Рымашэўскага з намеснікам міністра юстыцыі Ігарам Тушынскім і начальнікам упраўлення грамадскіх аб'яднанняў Алегам Сліжэўскім апошнія не змаглі патлумачыць, на падставе чыіх паказанняў Мінюст прыняў рашэнне аб адмове ў рэгістрацыі партыі, а таксама аб тым, на які тэрмін прыпынена рашэнне аб нерэгістрацыі.

17.04.2009 Аляксандр Мех рыхтуецца звярнуцца ў ААН

Вярхоўны суд пакінуў у сіле рашэнні судоў папярэдніх інстанцый у дачыненні да кобрынскага актывіста Партыі БНФ Аляксандра Меха. Такім чынам, ягонае звальненне з працы прызнана беларускай судовай сістэмай законным.

17.04.2009 Справа Яны Паляковай спыненая ў сувязі з яе смерцю

Калегія Менскага абласнога суду спыніла вытворчасьць па справе Яны Паляковай за немагчымасьцю выканаць прысуд. Прычына – сьмерць абвінавачанай.

17.04.2009 Незалежнага фотажурналіста затрымалі і збілі за здымкі пажару ў будынку міліцыі

Незалежнага фотакарэспандэнта, сябра БАЖ Уладзіміра Грыдзіна людзі ў цывільным затрымалі ў момант, калі ён здымаў на камеру пажар ў памяшканнях будынку міліцыі Першамайскага раёна Мінска.

17.04.2009 Актывіст бароніць гонар у судзе

Александр Жыткевіч падаў зыск у суд да "Гарадоцкага весніка" і журналісткі Людмілы Мукамол па абароне гонару, годнасці і рэпутацыі на агульную суму 22 млн. руб.

17.04.2009 У Менгарвыканкаму свой “Чарнобыльскі шлях”

Улады Менску прапанавалі свой маршрут правядзеньня вулічнай акцыі.

17.04.2009 Мінюст: Рашэнне аб нерэгістрацыі БХД прыпыненае

16 красавіка аднаму з сустаршыняў БХД Аляксею Шэіну патэлефанаваў супрацоўнік Мін’юсту, які паведаміў, што рашэнне аб нерэгістрацыі партыі прыпыненае.

17.04.2009 У Брэсце затрымалі ўдзельнікаў акцыі салідарнасці

У Брэсце затрымалі ўдзельнікаў акцыі салідарнасці з сем'ямі зніклых палітыкаў.

17.04.2009 Здымаць людзей у цывільным забаронена?

Суд над Алесем Любенчуком перанесены на 21 красавіка.

17.04.2009 Суд не задаволіў скаргу Хведарука

Суд Першамайскага раёну Менску не задаволіў скаргу моладзевага актывіста Зьмітра Хведарука на незаконныя дзеяньні вайскоўцаў падчас прызыву.

17.04.2009 Акцыя салідарнасці ў Менску скончылася разгонам

Акцыя салідарнасці з рэпрэсаванымі і сем'ямі зніклых палітыкаў на Кастрычніцкай плошчы Мінска завяршылася выцясненнем часткі яе ўдзельнікаў уздоўж ракі Свіслач за вуліцу Арлоўскую, што прыкладна за шэсць кіламетраў ад плошчы.