Праваабарончы цэнтр «ВЯСНА»

Навіны за 30 красавіка 2009

30.04.2009 Швецкія праваабаронцы заклікаюць не пускаць Навумава на чэмпіянат свету па хакеі

Швецкая ініцыятыва за дэмакратыю і правы чалавека звяртаецца ў Федэрацыю Хакея Швецыі, а таксама Швейцарскую Асацыяцыю Хакея і Швейцарскі Федэральны Аддзел замежных справаў з просьбаю пасадзейнічаць у тым, каб Уладзіміра Навумава не пусцілі на чэмпіянат свету ў Швейцарыю, паколькі ён падазраецца ў датычнасці да палітычных знікненняў людзей у Беларусі і ўваходзіць у спіс неўязных у краіны ЕС беларускіх чыноўнікаў. Зварот швецкіх праваабаронцаў падтрымаў віцэ-прэзідэнт Міжнароднай федэрацыі правоў чалавека Алесь Бяляцкі.

30.04.2009 У Баранавічах парадак правядзення масавых мерапрыемстваў суд пакінуў без зменаў

Сёння, 30 красавіка ў судзе г. Баранавічы і Баранавіцкага раёна адбыўся разгляд скаргі праваабаронцы Сяргея Гоўшы, юрыста Карнея Пятровічя і сябра “Руху “За Свабоду” Віктара Сырыцы, якія выступаюць за адмену рашэння Баранавіцкага гарвыканкама ад 17.01.2006 года №4 “Пра парадак правядзення ў г. Баранавічы масавых мерапрыемстваў”. Суддзя Мікалай Сільмановіч адмовіў актывістам дэмсілаў у задавальненні скаргі.

30.04.2009 Заява Міжнароднага Фонду па абароне праваабаронцаў Front Line адносна адмовы ў рэгістрацыі праваабарончай аргінізацыі “Наша Вясна”

Front Line занепакоены рашэньнем Вярхоўнага Суда Рэспублікі Беларусь ад 22 красавіка 2009 году пакінуць у сіле папярэднее рашэньне Міністэрства Юстыцыі аб адмове ў рэгістрацыі праваабарончай арганізацыі “Наша вясна”. “Наша вясна” – гэта новая назва праваабарончага цэнтра, раней вядомага як “Вясна”, які быў ліквідаваны Вярхоўным Судом па запатрабаваньні Міністэрства юстыцыі 28 Лістапада 2003 году. Праваабарончы цэнтар “Вясна” – адна з самых актыўных беларускіх праваабарончых арганізацый, якая спецыялізуецца на абароне і прапагандзе палітычных і сацыяльных правоў.

30.04.2009 Кіраўнік Сусветнай асацыяцыі беларускіх яўрэяў Якаў Гутман заклікаў Аляксандра Лукашэнку спыніць разбор сінагогі ў Любані

Кіраўнік Сусветнай асацыяцыі беларускіх яўрэяў (ВАБЕ; Нью-Йорк, ЗША) Якаў Гутман заклікаў прэзідэнта Беларусі Аляксандра Лукашэнку неадкладна спыніць разбор сінагогі пачатку XX стагоддзя ў горадзе Любань Мінскай вобласці.

30.04.2009 Дэмакратам пагражаюць звальненнем з працы за нацыянальны сцяг

Супрацоўнікі КДБ шантажуюць былую жонку актывіста руху «За свабоду» Сяргея Панамарова.

30.04.2009 Асамблея няўрадавых арганізацый будзе судзіцца з Мінюстам

Сябры працоўнай групы па стварэньні Асамблеі няўрадавых дэмакратычных арганізацый (Асамблеі НДА) Сяргей Мацкевіч, Алег Гулак і Алесь Бяляцкі падалі ў Вярхоўны суд Беларусі пазоў на Міністэрства юстыцыі Беларусі. Заяўнікі просяць прызнаць неправамерным рашэньне Мін’юсту аб адмове ў рэгістрацыі Асамблеі НДА.

30.04.2009 Беларускія ўлады забаранілі святкаванне Дня Еўропы

Менскі гарвыканкам адмовіў у правядзенні пікетаў для збору подпісаў за ўступленне Беларусі ў Еўрапейскі Звяз. Сваю адмову чыноўнікі матывавалі неіснуючай прававой нормай.

30.04.2009 КДБ параіла гродзенскаму журналісту пісаць пазітыўна

29 красавіка ў Гродне супрацоўнікамі УКДБ вобласці быў затрыманы журналіст, сябар Беларускай асацыяцыі журналістаў Іван Роман. Ён з’яўляецца карэспандэнтам радыё «Рацыя» і аўтарам часопісу «Магазын Польскі», які выдаецца апальным Саюзам палякаў у Беларусі на чале з Анжалікай Борыс. У КДБ журналіста пісьмова папярэдзілі пра адказнасць за дыскрэдытацыю РБ.