Праваабарончы цэнтр «ВЯСНА»

Навіны за 30 чэрвеня 2009

30.06.2009 Упершыню ўлады Беларусі прымянілі артыкул 193-1 ў дачыненні да рэлігійнай арганізацыі

Пракуратура гораду Менску ўзбудзіла крымінальную справу па артыкуле 193-1 КК Рэспублікі Беларусь супраць прадстаўніка рэлігійнай арганізацыі. 25-гадовага жыхара сталіцы Яўгена Воўкава абвінавачваюць у дзейнасці ад імя незарэгістраванага “Руху яднання” (Царква Муна). Як адзначае прадстаўнік ПЦ “Вясна” Валянцін Стэфановіч, праваабаронцы занепакоеныя вяртаннем уладаў да практыкі выкарыстання гэтага артыкула.

30.06.2009 Антону Ясіновічу ў кампенсацыі маральнага ўрону адмоўлена

23 чэрвеня 2009 года пасля запыту ў Віцебскую абласную пракуратуру аб накіраванні ў суд матэрыялаў праверкі па справе наваполацкага актывіста Антона Ясіновіча адбылося паседжанне суда па справе. Нагадаем, што ён быз затрыманы ў Наваполацку 14 верасня 2007 года разам з іншымі ўдзельнікамі велапрабегу “Свабоду Казуліну!” У пастарунку яны адбылі больш 3 гадзін, потым начальнік ГАУС вынес афіцыйнае папярэджаньне аб недапушчальнасьці правядзеньня масавых мерапрыемстваў.

30.06.2009 Правабаронцы губляюць працу

23 чэрвеня быў скарочаны з працы прадстаўнік РПГА Беларускі Хельсінкскі Камітэт па Гарадзенскай вобласці Раман Юргель, які працаваў цягам апошніх пяці гадоў у ўстанове “Гроднасельбудпраект” вартаўніком. Адміністрацыя прадпрыемства папярэдзіла Рамана Юргеля пра скарачэнне за месяц. Але Раман Юргель лічыць, што ягоныя правы парушаныя.

30.06.2009 Вярхоўны Суд разгледзіць скаргу “Маладых дэмакратаў” да Мінюста

У сераду, 1 ліпеня ў Вярхоўным судзе Рэспублікі Беларусь будзе разгледжаная скарга на рашэньне Мінюста аб адмове ў рэгістрацыі грамадскага аб'яднаньня "МХСС Маладыя дэмакраты", устаноўчы з'езд якога прайшоў 22 лютага ў Мінскім Міжнародным Адукацыйным цэнтры.

30.06.2009 Уладзімір Кацора спыніў сухую галадоўку, якая працягвалася шэсць дзён

Лідэр гомельскіх апазіцыянераў Уладзімір Кацора, які быў арыштаваны судом за акцыю ў памяць зніклага 10 гадоў таму генерала Юрыя Захаранкі, спыніў сухую галадоўку, якая працягвалася шэсць дзён.

30.06.2009 Партыя Свабоды і Прагрэсу абскардзіць нерэгістрацыю ў Вярхоўным судзе

Рашэнне пра гэта прынятае не паседжанні палітрады Партыі, якое адбылося 27 чэрвеня ў Магілёве.

30.06.2009 Аляксандр Мілінкевіч звярнуўся ў Гомельскі абласны суд і пракуратуру

Лідэр Руху "За Свабоду" просіць неадкладна праверыць законнасць пакарання ўдзельнікаў гомельскай акцыі памяці Юрыя Захаранкі 7 траўня.

30.06.2009 У Беларусі вынеслі чарговы сьмяротны прысуд

Брэсцкі абласны суд прысудзіў 30-гадовага мужчыну да пакараньня сьмерцю за здзяйсненьне серыі забойстваў. Яго 28-гадовага саўдзельніка - да пажыццёвага зняволеньня з адбываньнем пакараньня ў выпраўленчай калоніі асобага рэжыму, піша БЕЛАПАН. Асуджаныя пражывалі ў вёсцы Тарацья.