Праваабарончы цэнтр «ВЯСНА»

Навіны за 4 чэрвеня 2009

04.06.2009 Маладафронтаўцы - за правы беларускамоўных карыстальнікаў мабільнай сувязі

4 чэрвеня актывісты Маладога Фронту паўторна зьвярнуліся да кіраўніцтва кампаніі мабільнай сувязі "Velcom" з просьбаю перакласьці інтэрфэйс апэратара на беларускую мову, паведамляе прэс-служба арганізацыі.

04.06.2009 Праваабаронцам нельга забараніць выконваць свае прафесійныя абавязкі

Супольная прэс-канфэрэнцыі заснавальнікаў ГПА “Наша Вясна” і Асамблеі НДА адбылася 3 чэрвеня ў Менску. Нагодай для яе паслужылі адмовы ў рэгістрацыі гэтых ды іншых грамадскіх аб’яднаньняў.

04.06.2009 Суд у справе Івана Шылы адбыўся безь яго

Салігорскі суд разгледзеў пазоў маладафронтаўца Івана Шылы да вайскоўцаў. Іван намагаецца, каб суд прызнаў дзеяньні вайскоўцаў і мэдыкаў падчас гвалтоўнага вайсковага прызыву незаконнымі. Камандаваньне часткі пад Лепелем, дзе служыць маладафронтавец, не адпусьціла Івана на суд. Нягледзячы на хадайніцтва бацькі і адваката хлопца, суд палічыў магчымым разглядаць пазоў без Івана.

04.06.2009 Шведы далучаюцца да кампаніі за адмену артыкула 193-1

Сябры швэдзкай праваабарончай ініцыятывы Östgruppen заявілі, што падтрымліваюць распачатую ў Беларусі кампанію за адмену артыкула Крымінальнага кодэксу 193-1, які прадугледжвае крымінальную адказнасьць за ўдзел у незарэгістраванай арганізацыі. Гэтую акцыю ініцыявала беларуская Асамблея няўрадавых арганізацый.

04.06.2009 Пакараных у “справе 14-ці” амністуюць?

Фігурантаў “справы 14-ці” Алеся Стральцова і Алеся Чарнышова выклікаюць у суд Цэнтральнага раёну Менску. Яны лічаць, што ў судзе будзе вырашацца пытаньне адносна зьмены рэжыму адбыцьця пакараньня.

04.06.2009 Беларуская недзяржаўная газета "Новы час" атрымала прэмію фонду "Цайт"

Беларуская недзяржаўная газета "Новы час" узнагароджана прэміяй нямецкага фонду "Цайт". Пра гэта БелаПАН паведаміў рэдактар выдання Аляксей Кароль.

04.06.2009 Моладзевыя актывісты ізноў пад прыцэлам вайскоўцаў

Сёння, 4 чэрвеня, актывіста Берасьцейскага Маладога Фронту Яўгена Скрабца затрымалі ля пад'езду супрацоўнікі ваенкамата і міліцыі.

04.06.2009 Пазоў Асамблеі няўрадавых дэмакратычных аб'яднанняў да Мінюста не задаволены

Вярхоўны суд не задаволіў пазоў Асамблеі няўрадавых дэмакратычных аб'яднанняў да Міністэрства юстыцыі, якое адмовіла ў рэгістрацыі гэтага грамадскага аб'яднання.

04.06.2009 9 чэрвеня - Свята ДзеціДзяцінства

На 9 чэрвеня ў КЗ "Менск" (вялікая сцэна) запрошаныя ўсе вечныя дзеці, хто не згодны мірыцца з тым, што з узростам свята перастае быць чараўніцтвам.

04.06.2009 Барыса Хамайду аштрафавалі за “Пагоню”

На 105 тысяч рублёў аштрафаваны віцебскі распаўсюднік недзяржаўнай прэсы Барыс Хамайда. У сераду яго справу разглядала адміністратыўная камісія Чыгуначнага райвыканкама Віцебска.

04.06.2009 Сьледства ў справе Дубскага падоўжылі на няпэўны тэрмін

Актывіст “Маладога фронту” Арцём Дубскі даведаўся 3 чэрвеня, што сьледчы падоўжыў тэрмін сьледзтва на нявызначаны тэрмін. Арцёма, фігуранта “справы 14-ці”, абвінавачваюць у парушэньні правілаў адбыцьця пакараньня.