Праваабарончы цэнтр «ВЯСНА»

Навіны за 12 жніўня 2009

12.08.2009 Юрый Чавусаў: “Змены ў Беларусі не дасягнулі нават ўзроўню 2003 года, калі была ліквідаваная “Вясна”

Вядомы эксперт-палітолаг Юрый Чавусаў, каментуючы рашэнне Вярхоўнага суда пакінуць без задавальнення скаргу заснавальнікаў ГПА “Наша Вясна”, перакананы ў тым, што “гэтае судовае рашэньне сведчыць пра адно: рэальныя змены ў Беларусі яшчэ не дасягнулі той ступені, каб можна было зарэгістраваць “Нашу Вясну”.

12.08.2009 Скаргу праваабаронцаў на адмову ў дзяржрэгістрацыі Вярхоўны Суд пакінуў без задавальнення

Грамадскае праваабарончае аб’яднанне“Наша Вясна” не дамаглося адмены рашэння Міністэрства юстыцыі аб адмове ў рэгістрацыі ў Вярхоўным Судзе.

12.08.2009 Справу па нерэгістрацыі “Берасцейскай Вясны” разгледзіць Вярхоўны Суд

Грамадзянская справа па скарзе заснавальнікаў “Берасцейскай Вясны” на адмову Галоўнага ўпраўлення юстыцыі Брэсцкага аблвыканкама ў рэгістрацыі грамадскага аб’яднання разам з касацыйнай скаргай на рашэнне абласнога суду накіраваныя ў Вярхоўны Суд. Разгляд справы прызначаны на 3 верасня.

12.08.2009 Адкрытае паседжанне каардынацыйнай мемарыяльнай рады

13-га жніўня пройдзе адкрытае паседжанне каардынацыйнай мемарыяльнай рады ініцыятываў, што займаюцца даследаваннем злачынстваў камунізму і ўшанаваннем памяці рэпрэсаваных.

12.08.2009 Пракурор вынес Ільіну папярэджаньне

Кіраўніка Берасьцейскай філіі “Маладога фронту” Міхася Ільіна адпусьцілі пасьля размовы з пракурорам Берасьця.

12.08.2009 Штраф за бел-чырвона-белы сцяг

Суд Чыгуначнага раёна Віцебску аштрафаваў актывіста «Маладой Беларусі» Тараса Сургана.

12.08.2009 Стэфановіч: “Уладам ня ўдасца заткнуць нам рот”

Падчас працэсу ў Вярхоўным судзе прадстаўніца пракуратуры папрасіла адхіліць скаргу на адмову Міністэрства юстыцыі ў рэгістрацыі грамадзкага праваабарончага аб’яднаньня “Наша вясна”.