Праваабарончы цэнтр «ВЯСНА»

Навіны за 21 жніўня 2009

21.08.2009 Эксперт FIDH: "Праваабаронцы гулялі на полі Мінюста і відавочна не мелі шанцаў выйграць"

Кірыл Карацееў даў ацэнку сітуацыі з нерэгістрацыяй Грамадскага праваабарончага аб'яднання "Наша Вясна" і становішчу няўрадавых арганізацыяў у Беларусі ў цэлым. Прадстаўнік Міжнароднай федэрацыі правоў чалавека (FIDH) прысутнічаў на працэсе па скарзе праваабаронцаў у Вярхоўным Судзе ў якасці назіральніка для Абсерваторыі па абароне правоў праваабаронцаў (сумесная праграма FIDH (Парыж) і Сусветнай арганізацыі супраць катаванняў (Жэнева)). Рашэнне Вярхоўнага Суда эксперт назваў ганьбай беларускай юстыцыі.

21.08.2009 Беларуская мова жыве і перамагае

Праваабаронца з Баранавічаў Сяргей Гоўша нарэшце атрымаў дакументы аб дзяржаўнай рэгістрацыі сваёй маёмасьці, аформленыя па-беларуску. Пачынаючы з сакавіка ён дамагаўся, каб ягонае канстытуцыйнае права на выкарыстаньне ў справаводстве беларускай мовы, было рэалізаванае.

21.08.2009 Дэмактывісты Гомеля паскардзіліся ў ААН

Сёньня гомельскія актывісты апазыцыі Андрэй Толчын, Аляксандар Процка й Ігар Рэйзьлін накіравалі скаргі ў камітэт ААН па правах чалавека. Яны пішуць пра абмежаваньне з боку Беларусі іхніх правоў на правядзеньне мірных сходаў і свабоду распаўсюду інфармацыі.

21.08.2009 Прафсаюзнага лідэра звольнілі за актыўную дзейнасць

Дырэктар Лукомльскай ГРЭС папярэдзіў лідэра першаснай арганізацыі Беларускага незалежнага прафсаюза Аляксея Габрыэля пра тое, што кантракт з ім працягнуты не будзе.

21.08.2009 Пракуратура папярэдзіла магілёўскую журналістку за сюжэт для тэлеканала “Белсат”

Сябра Беларускай асацыяцыі журналістаў Вольга Шарапкіна з Магілёва атрымала папярэджаньне ад пракуратуры Чавускага раёну за дзейнасьць без акрэдытацыі. Нагодай для пакараньня, паводле журналісткі, стаў сюжэт пра чавускі дзіцячы прытулак, які зьявіўся на сайце недзяржаўнага тэлеканалу “Белсат”.

21.08.2009 У Магiлёве iнiцыююць Год роднай мовы

Комплекс мераў па прапагандзе беларускай мовы распрацоўваецца ў Магiлёўскай вобласцi.

21.08.2009 Беларускі дыктатар у чарговы раз напляваў на Еўропу

Аляксандр Лукашэнка заявіў, што не мае намеру вызваляць палітычных вязняў і праводзіць свабодныя выбары.

21.08.2009 Дзень памяці ахвяраў сталінізму і нацызму

На Дзень памяці ахвяраў сталінізму і нацызму, які ў Эўропе адзначаецца 23 жніўня, прадстаўнікі грамадзкіх арганізацый Беларусі рыхтуюць паездку ў мэмарыял Катынь на Смаленшчыне і шэраг мерапрыемстваў у Беларусі.