Праваабарончы цэнтр «ВЯСНА»

Навіны за 21 студзеня 2011

21.01.2011 Акцыя маўчаньня завяршылася затрыманьнямі

Толькі некалькі чалавек пасьпелі запаліць свечы на Акцыі маўчаньня, якая распачалася ў Менску на Кастрычніцкай плошчы ў 20 гадзінаў вечара. Праз некалькі хвілінаў удзельнікаў акцыі разагналі. Затрымана 5 чалавек, сярод якіх Максім Вінярскі.

21.01.2011 Візіт еўрапейскіх амбасадараў ў Беларускі Дом правоў чалавека

20 студзеня 2011 году ў Вільні ў Доме правоў чалавека прайшла сустрэча прадстаўнікоў беларускіх праваабарончых арганізацыяў з амбасадарамі Еўразьвязу ў Беларусі.

21.01.2011 Ларычава забралі ў КДБ, магчыма надоўга

21 студзеня на кватэры, якую арандаваў Яўген Іванюк, давераная асоба кандыдата ў прэзідэнты Алеся Міхалевіча, прайшоў ператрус. Яго ладзілі супрацоўнікі КДБ. Яны забралі з сабой два сістэмныя блокі ад кампутараў,і дамову на выраб улётак для кандыдыта ў прэзідэнты Алеся Міхалевіча. На гутарку ў КДБ быў адвезены Алег Ларычаў, колішні сябра Задзіночання беларускіх студэнтаў. На момант ператрусу ён знаходзіўся ў кватэры Іванюка.

21.01.2011 Валер Сядоў знайшоўся на Акрэсціна

Дэмакратычны актывіст 90-х гадоў Валер Сядоў, затрыманы падчас акцыі салідарнасьці з палітвязьнямі 19 студзеня, знаходзіцца ў ізалятары для адміністрацыйна пакараных на завулку Акрэсьціна.

21.01.2011 Дваіх удзельнікаў магілёўскай акцыі салідарнасьці будуць судзіць

Васямнаццацігадовага актывіста партыі БНФ Валянціна Лабачова і шматдзетную маці Натальлю Шкадун вінавацяць ва ўдзеле ў несанкцыянаваным пікеце. Ён адбыўся ў нядзелю, 16 студзеня.

21.01.2011 9 сутак - Шашарыну

Да пакараньня 9 суткамі адміністрацыйнага зьняволеньня прыгаварыў сёньня суд Маскоўскага раёну Менску актывіста Аб'яднанай грамадзянскай партыі Ўсевалада Шашарына.

21.01.2011 Ператрусы і допыты працягваюцца (абнаўляецца)

Прыйшлі з ператрусам да Яўгена Іванюка. Ён з’яўляецца даверанай асобай Алеся Міхалевіча. Як стала вядома «Нашай Ніве», у дадзены момант супрацоўнікі КДБ спрабуюць трапіць у кватэру, якую здымае Яўген Іванюк (Аэрадромная,3). На апошніх прэзідэнцкіх выбарах ён быў даверанай асобай Алеся Міхалевіча. На кватэру зараз едзе яе гаспадар.