Праваабарончы цэнтр «ВЯСНА»

Навіны за 26 студзеня 2011

26.01.2011 Студэнтку педунівэрсытэта адлічылі пасля Плошчы

Актывістцы моладзевага крыла АГП студэнтцы першага курсу гістарычнага факультэта Беларускага дзяржаўнага педагагічнага ўніверсітэта Таццяне Грыбоўскай паведамілі аб тым, што яна адлічаная з ВНУ за «непаспяховасць».

26.01.2011 Куляшоў распавёў, чаму да затрыманых не трапляюць адвакаты

Анатоль Куляшоў патлумачыў, чаму да кандыдатаў у прэзідэнты ды іх давераных асобаў не могуць трапіць адвакаты.

26.01.2011 Па справе аб масавых беспарадках абвінавачанні прад’яўлены Дзмітрыю Буланаву, Аляксандру Квяткевічу і Васілю Парфянкову

Абвінавачанні па справе аб масавых беспарадках прад’яўлены Дзмітрыю Буланаву, Аляксандру Квяткевічу і Васілю Парфянкову. Усяго праваабаронцам вядомы прозвішчы 36 асобаў, якія знаходзяцца ў статусе абвінавачаных па дадзенай справе (па звестках міністра ўнутраных спраў А. Куляшова, абвінавачанымі з’яўляюцца 37 чалавек).

26.01.2011 Беларускія журналісты перадалі міністру ўнутраных спраў супольны зварот

Пад тэкстам паставілі подпісы каля палутара дзесяткаў прадстаўнікоў СМІ. Дакумент быў уручаны асабіста А. Куляшову пасля прэс-канферэнцыі 26 студзеня. Поўны тэкст

26.01.2011 ПЭН-цэнтры 4 краін сумесна заклікаюць вызваліць Някляева

Прадстаўнікі ПЭН-цэнтраў чатырох краін заклікаюць да вызвалення з турмы паэта, ганаровага старшыню Беларускага ПЭН-цэнтра кандыдата ў прэзідэнты Ўладзімера Някляева. Пра гэта гаворыцца ў заяве прадстаўнікоў польскага, чэшскага, літоўскага і кітайскага ПЭН-цэнтраў, прынятай ў Варшаве.

26.01.2011 Гродзенскія інваліды патрабуюць "Безбар’ернага асяроддзя"

Амаль траціна насельніцтва Гродзенскай вобласці мае патрэбу ў найхутчэйшым выкананні праграмы "Безбар’ернае асяроддзе".

26.01.2011 У пачатку лютага ў суд перададуць першыя справы "аб масавых беспарадках"

Першыя справы ўдзельнікаў акцыі 19 снежня ў Мінску будуць перададзеныя ў суд у пачатку лютага. Пра гэта паведаміў на прэс-канферэнцыі ў Мінску міністр унутраных спраў Анатоль Куляшоў.

26.01.2011 Ціснуць на актывістку БХД з Мастоў

Спн. Давідовіч, маці двух малалетніх дзяцей, 28 студзеня выклікаюць на пасяджэнне камісіі па справах непаўнагадовых. Прычынай сталі нібыта ананімныя скаргі ад жыхароў дома, дзе жыве Алена, аб невыкананні ёй бацькоўскіх абавязкаў. Алена Давідовіч звязвае гэта са сваёй палітычнай дзейнасцю.

26.01.2011 Звольнілі настаўніцу Наталлю Ільініч з Талькі

Спадарыня Ільніч прычыну бачыць у леташніх прэтэнзіях да яе начальніка ўпраўлення адукацыяй Мінаблвыканкама Таісы Данілевіч. Год таму чыноўніца патрабавала ў шэрагу настаўнікаў, якія з’яўляюцца сябрамі апазіцыйных партый, выйсці з іх. І пагражала звальненнем.

26.01.2011 Расіяніна Івана Гапонава пазбавяць права жыць у Беларусі за ўдзел у Плошчы?

24 студзеня маці змешчанага ў СІЗА КДБ расіяніна Івана Гапонава, Сабіры Акішаўне Атакішыевай, паведамілі аб тым, што супраць яе сына распачатая працэдура пазбаўлення віду на жыхарства ў Беларусі. Інфармацыя аб гэтым паступіла з двух крыніц -- ад адваката Івана і з расійскай амбасады.

26.01.2011 Сяржук Семянюк: “Прыходзяць людзі і падпісваюць паручальніцтва адразу за ўсіх зняволеных”

Ужо больш за два тыдні на Ўправе Партыі БНФ збіраюць подпісы пад паручальніцтвамі за тых, хто знаходзіцца ў СІЗА КДБ і ў следчым ізалятары на Валадарскага. За тых людзей, хто стаў ахвярай падзей 19 студзеня ў цэнтры Мінска. Людзі пад сваю адказнасць просяць змяніць тым, хто знаходзіцца за кратамі меры стрымання – вызваліць іх да суда пад падпіску аб нявыездзе.

26.01.2011 Татальны ператрус у Гомелі

Літаральна паўгадзіны таму завяршыўся паўторны ператрус у грамадска-палітычным офісе на вуліцы Палескай, 52. Адначасова ператрусы праходзяць на кватрах актывістаў Васіля Палякова і Леаніда Судаленкі. Падчас усіх гэтых ператрусаў сканфіскаваныя 6 кампутараў, іншая аргтэхніка.

26.01.2011 Руслана Нікіценку КДБ папярэдзіла пра крымінальную адказнасць за ўдзел у несанкцыянаваных акцыях

25 студзеня ва ўпраўленне КДБ па Гомельскай вобласці быў выліканы позвай 19-гадовы Руслан Нікіценка. Ён быў затрыманы на акцыі 19 снежня і па рашэнню суда 10 сутак правёў на Акрэсціна. Пасля ў маладзёна пачаліся праблемы.

26.01.2011 Сясцёр Пашко пракуратура папярэдзіла і за Плошчу, і за ўдзел у БХД

Юля і Кацярына Пашко з Брэста 25 студзеня атрымалі афіцыйнае папярэджаньне аб недапушчэньні парушэньня заканадаўства, падпісанае саветнікам юстыцыі Аляксандрам Точкам. Падставамі для папярэджаньня стала нібыта актыўная дзейнасьць у Беларускай хрысціянскай дэмакратыі і ўдзел у масавых беспарадках 19 снежня 2010 года ў Мінску.

26.01.2011 Камітэт ААН па правах чалавека прыняў да разгляду заяву аб парушэньні свабоды асацыяцый у Беларусі

Камітэт ААН па правах чалавека зарэгістраваў і прыняў да разгляду паведамленьне вядомых беларускіх праваабаронцаў Алега Воўчака і Раісы Міхайлоўскай. Былыя кіраўнікі правабарончага грамадзкага аб’яднаньня “Прававая дапамога насельніцтву” заявілі аб парушэньні свабоды асацыяцыяў, зьдзейсьненым беларускімі ўладамі ў 2003 годзе, калі гэтая праваабарончая арганізацыя была ліквідаваная судом.