Праваабарончы цэнтр «ВЯСНА»

Навіны за Люты 2011

17.02.2011 Аналітычны агляд судовага працэсу па крымінальнай справе Васіля Парфянкова

17.02.2011 г. у судзе Фрунзенскага раёна г. Мінска пад старшынствам суддзі Вольгі Комар, пры ўдзеле дзяржаўнага абвінаваўцы – пракурора Антона Загароўскага, а таксама абаронцы - адваката Ігара Папкоўскага адбыўся судовы працэс Васіля Парфянкова, які абвінавачваецца ў здзяйсненні злачынства, прадугледжанага ч.2 арт.293 КК Рэспублікі Беларусь – масавыя беспарадкі. Гэта першы судовы разгляд у дачыненьні да ўдзельнікаў мірнай акцыі пратэсту супраць фальсыфікацыі прэзідэнцкіх выбараў 19.12.2010 г.

17.02.2011 Прамова адваката ў абарону Васіля Парфянкова (тэкст і аўдыёзапіс)

Папкоўскі Ігар Міхайлавіч: “Мой падабаронны Парфянкоў Васіль Пятровіч паводзіў сябе адмоўна, але не злачынна. Ён парушыў правапарадак, але не здзейсніў злачынства”.

17.02.2011 У Менгарвыканкам падалі заяўку на акцыю 25 сакавіка

Арганізатары акцыі на Дзень Волі падалі заяву ў Менгарвыканкам аб правядзенні мітынга і шэсця ў Мінску 25 сакавіка. Вызначана, што галоўнымі лозунгамі сёлетняга мерапрыемства будуць патрабаванні вызвалення палітычных зняволеных і адстаўкі Аляксандра Лукашэнкі.

17.02.2011 ЖРЭА: «Сядзіба БНФ павінна быць вызваленая 31 сакавіка»

Партыя БНФ атрымала новы ліст атрымала ад ЖРЭА Савецкага раёна Мінска. Ён датаваны 15 лютага. У лісце за подпісам дырэктара Віктара Крука нагадваецца, што арэндная дамова сканчаецца 31 сакавіка, таму партыя будзе павінна вызваліць памяшканне.

17.02.2011 Прысуд Парфянкову: чатыры гады строгага рэжыму

У судзе Фрунзенскага раёна Менску абвешчаны прысуд па справе Васіля Парфянкова: чатыры гады строгага рэжыму.

17.02.2011 Пракуратура не дапаможа вярнуць Ладуцькам сканфіскаваныя пад час ператрусу грошы

Пад час ператрусу 14 студзеня ў кватэры, дзе разам з маці і дзедам пражывае каардынатар выбарчага штабу Уладзіміра Някляева Алег Ладуцька, сярод асабістых рэчаў актывіста былі таксама сканфіскаваныя і асабістыя накапленьні сям’і: 9750 долараў, 450 еўра, некалькі соцен чэшскіх крон.

17.02.2011 Суд над расіянамі будзе адкрытым

Судовы працэс па справе аб масавых беспарадках над грамадзянамі Расіі Іванам Гапонавым і Арцёмам Брэусам будзе адкрытым. Пра гэта паведаміла маці Івана Гапонава Сабіра Атакішыева са спасылкай на адваката.

17.02.2011 Міколу Дземідзенку выклікалі па тэлефоне на допыт у КДБ

Намесьніка старшыні незарэгістраванай арганізацыі "Малады Фронт" Міколу Дземідзенку выклікаюць на допыт у КДБ у якасьці сьведкі па падзеях 19 сьнежня ў Менску.

17.02.2011 Лабачова дапыталі ў магілёўскім КДБ

16 лютага ў 17 гадзін ва ўпраўленьні КДБ па Магілёўскай вобласці быў дапытаны актывіст "Маладога фронту" Валянцін Лабачоў.

17.02.2011 Чэшскі Хельсінкскі камітэт падтрымаў беларускую грамаду, якая супрацьстаіць аўтарытарызму

"Чэшская Рэспубліка, таксама як Еўрасаюз і Рада Еўропы, членам якой Чэхія з’яўляецца, павінныя падтрымліваць намаганні беларусаў як з пункту погляду парушэння і шанавання правоў чалавека ў Беларусі, так і ў інтарэсах Беларусі як сацыяльнай дзяржавы, а з часам і дэмакратычнай прававой дзяржавы", - гаворыцца ў лісце, дасланым з Прагі ў Мінск пры пасярэдніцтве Беларускага Хельсінскага камітэту (Тэкст цалкам)

17.02.2011 Адказ Праваабарончага цэнтру “Вясна” Генпракуратуры: мы не спынім сваю дзейнасць

Мы, сябры Праваабарончага цэнтру “Вясна”, выказваем рашучы пратэст з нагоды дзеянняў Генеральнай пракуратуры і расцэньваем іх як спробу запалохвання актывістаў арганізацыі і ўсяго праваабарончага руху Беларусі. Мы лічым сваю праваабарончую дзейнасць абсалютна законнай, запатрабаванай беларускай грамадскасцю і заяўляем, што не спынім яе.

17.02.2011 Брэсцкую актывістку К.Пашко дапытвалі ўжо трэці раз

Паўтары гадзіны доўжыўся допыт брэсцкай грамадскай актывісткі Кацярыны Пашко ў галоўным упраўленні па барацьбе з арганізаванай злачыннасцю і карупцыяй.

17.02.2011 Прысуд Андрэю Пачобуту абскарджаны ў гарадскі суд

Прысуд журналісту «Газеты выборчай» Андрэю Пачобуту абскарджаны ў Мінскі гарадскі суд, скаргу падаў адвакат Аляксандр Галіеў.

16.02.2011 Спецдакладчыка ААН праінфармавалі пра папярэджанне Алесю Бяляцкаму

Беларускія праваабаронцы накіравалі зварот Спецыяльнаму дакладчыку ААН па пытанні аб становішчы праваабаронцаў спадарыні Маргарэт Сэкагія з просьбай аператыўна адрэагаваць на паведамленне пра папярэджанне, вынесенае Генпракуратурай Алесю Бяляцкаму, і распачаць неабходныя дзеянні ў рамках яе мандата.

16.02.2011 Генеральная пракуратура папярэдзіла Алеся Бяляцкага (дадалася копія пастановы)

Старшыня праваабарончага цэнтру “Вясна” Алесь Бяляцкі пасьля атрыманьня адпаведнай позвы наведаў 16 лютага намесніка начальніка аддзела па нагляду за захаваннем правоў і свабодаў грамадзянаў Генаральнай пракуратуры Паўла Елісеева.