Праваабарончы цэнтр «ВЯСНА»

Навіны за 16 жніўня 2011

16.08.2011 Францыя заклікае ўлады Беларусі вызваліць усіх палітзняволеных

Францыя зноў заклікае ўлады Беларусі вызваліць усіх палітзняволеных, сярод якіх трое экс-кандыдатаў у прэзідэнты. "Гэта з'яўляецца папярэдняй умовай для аднаўлення канструктыўнага дыялогу", — гаворыцца ў камюніке МЗС Францыі, размешчаным на афіцыйным сайце французскага пасольства ў Беларусі.

16.08.2011 Гарвыканкам Бярозаўкі адмовіў у правядзенні пікету ў падтрымку палітзняволеных

Чыноўнікі з Бярозаўскага гарадскога камітэту Лідскага раёну адмовілі грамадскім актывістам Сяргею Трафімчыку, Юрыю Дзяшуку і В. Ашурку ў правядзенні пікету ў падтрымку палітычных зняволеных.

16.08.2011 У Гародні пікет у падтрымку Алеся Бяляцкага не дазволілі

Гарадзенскі гарвыканкам адмовіў мясцовым грамадскім правабаронцам Віктару Сазонаву і Уладзіміру Хільмановічу ў правядзенні пікету 22 жніўня ў падтрымку Алеся Бяляцкага. Адказ за подпісам намесніка старшыні гарвыканкаму Дзмітрыя Куранцова па бюракратычнаму просты як аглобля: "на основании несоблюдения заявителями пункта 4 статьи 5 Закона Республики Беларусь "О масссовых мероприятиях в Республике Беларусь".

16.08.2011 Адвакату зноў не далі сустрэцца з Дашкевічам

16 жніўня адвакату ў чарговы раз не дазволілі наведаць у горацкай калёніі зьняволенага на два гады старшыню "Маладога Фронту" Зьмітра Дашкевіча.

16.08.2011 У Польшчы звальненні за справу Бяляцкага

Генэральны пракурор Польшчы Анджэй Сэрэмэт заявіў сёньня на адмысловай прэсавай канфэрэнцыі, што вінаватыя ў перадачы дадзеных з банкаўскіх рахункаў Алеся Бяляцкага шэраг супрацоўнікаў пракуратуры, якія не выконвалі належным чынам свае службовыя абавязкі.

16.08.2011 Літоўскі прэм'ер-міністр прынёс выбачэнні Бяляцкаму і членам яго сям'і

Інфармацыйны партал Delfi паведаміў, што прэм'ер-міністр Літвы Андрус Кубілюс папрасіў прабачэння за "непаразуменне", якое пацягнула за сабой арышт вядомага беларускага праваабаронцы Алеся Бяляцкага.

16.08.2011 Суд аштрафаваў жыхара Мазыра за запіс на старонцы ў сацыяльнай сетцы аб акцыі маўклівага пратэсту

Суд Мазырскага раёна 16 жніўня прызнаў Міхаіла Караткевіча вінаватым на падставе арт. 23.34 КаАП (парушэнне парадку правядзення масавага мерапрыемства) і пакараў штрафам у тры базавыя велічыні. Жыхара Мазыра асудзілі за запіс на старонцы ў сацыяльнай сетцы аб правядзенні акцыі маўклівага пратэсту.

16.08.2011 Магілёўскі праваабарончы форум па праблеме палітвязняў

Аргкамітэт па стварэнні партыі "Беларуская Хрысціянская Дэмакратыя" запрашае прыняць удзел у праваабарончым форуме па праблеме палітвязняў, які пройдзе 17 жніўня ў Магілёве.