Праваабарончы цэнтр «ВЯСНА»

Навіны за 11 жніўня 2011

11.08.2011 Лукашэнка памілаваў 9 асуджаных за 19 сьнежня

Прэзыдэнт Беларусі Аляксандар Лукашэнка вызваліў ад адбыцьця пакараньня 9 удзельнікаў падзеяў на плошчы Незалежнасьці 19 сьнежня 2010 года, паведамляе БелТА са спасылкай на прэс-службу кіраўніка дзяржавы.

11.08.2011 Алег Гулак: "На жаль, суд не прыняў да ўвагі довады пра тое, што свабода асацыяцый з'яўляецца канстытуцыйным правам грамадзян"

Касацыйная скарга старшыні Праваабаронага цэнтру “Вясна” Алеся Бяляцкага на рашэньне суда Цэнтральнага раёну Менска, які адмовіўся задаволіць скаргу праваабаронцы на папярэджаньне Генпракуратуры, разглядалася ў яго адсутнасьць – сам Алесь у гэты час знаходзіцца пад вартай.

11.08.2011 Міліцыя збірае звесткі пра сваякоў Віталя Рымашэўскага

Сустаршыня аргкамітэту БХД Віталь Рымашэўскі, асуджаны за мірную акцыю пратэсту 19 нежня 2010 гадоў да двух гадоў пазбаўлення волі ўмоўна, прыбыў у Фрунзэнскі РАУС для пастаноўкі на ўлік па адбыцці пакарання.

11.08.2011 На арышт Алеся Бяляцкага

"Улады знаходзяцца ў прадчуванні “гарачай” восені, зімы, а, магчыма, і вясны 2012 г. Знішчэнне структуры, якая аказвае рэальную дапамогу ахвярам палітычных рэпрэсіў, у дадзенай сітуацыі прыярытэт для спецслужбаў. У “Вясне”, якая так доўга муляла ім вочы, беларускія улады ўгледзелі сур’ёзную пагрозу. Прычым настолькі сур’ёзную, што, нават разумеючы і ведаючы пра вялікі негатыўны розгалас і магчымыя не менш негатыўныя наступствы, вырашылі-такі ізаляваць Бяляцкага. Трэба адзначыць, што ўлады даўно і грунтоўна рыхтаваліся для гэтай “спецаперацыі”", - піша Валянцін Стэфановіч.

11.08.2011 Дэпутат Бундэстага Рэнэ Рошпель прымае шэфства над Фёдарам Мірзаянавым

Рэнэ Рошпель, сябра парламенцкай групы нямецка-беларускага сяброўства, узяў шэфства над палітзняволеным Фёдарам Мірзаянавым. Рэнэ Рошпель стаў 14-м апякуном беларускіх палітвязняў.

11.08.2011 Амбасадар Нямеччыны пабываў з візітам у “Вясне”

11 жніўня Крыстаф Вайль, Надзвычайны і паўнамоцны амбасадар Федэратыўнай Рэспублікі Германія ў Беларусі, наведаў офіс “Вясны”. Спадар Вайль выказаў словы падтрымкі сям’і, родным Алеся Бяляцкага і калегам з праваабарончага цэнтру.

11.08.2011 Human Rights Watch накіравала пракурору Мінска петыцыю па справе Алеся Бяляцкага

10 жніўня Міжнародная праваабарончая арганізацыя Human Rights Watch сумесна з іншымі арганізацыямі накіравала пракурору горада Мінска Мікалаю Куліку петыцыю з патрабаваньнем спынення крымінальнага пераследу ў дачыненні Алеся Бяляцкага.

11.08.2011 Рашэнне пра штраф праваабаронцы Святлане Рудкоўскай застаецца ў сіле

Перагляд адміністратыўнай справы Святланы Рудкоўскай, заведзенай сёлета ў красавіку, адбыўся 1 жніўня без яе прысутнасці. Новае рашэнне, якое прымаў ужо намеснік начальніка Ленінскага РАУС Віталь Стасюкевіч, слова ў слова было скапіявана з ранейшага і Рудкоўскую зноў абавязваюць выплаціць штраф.

11.08.2011 Адвакату Дашкевіча ізноў адмовілі ў сустрэчы з падабаронным

11 жніўня адвакат палітзьняволенага Зьмітра Дашкевіча чарговы раз паспрабаваў сустрэцца са сваім падабаронным у папраўчай калоніі №9 у Горках. Аднак адміністрацыя калоніі адмовіла ў сустрэчы, спаслаўшыся на “службовую неабходнасьць”.

11.08.2011 Вышэйшы гаспадарчы суд адмовіў Партыі БНФ

11 жніўня касацыйная калегія Вышэйшага гаспадарчага суду Беларусі разгледзела скаргі Партыі БНФ і грамадзкага аб'яднаньня БНФ "Адраджэньне" на рашэньне Менскага гарадзкога суду аб высяленьні гэтых арганізацыяў з памяшканьня па праспэкце Машэрава, 8.

11.08.2011 У Сэйме Літвы ініцыюецца расьсьледаваньне аб выдачы рахункаў Бяляцкага

Камітэт нацыянальнай бясьпекі і абароны Сэйму плянуе пачаць расьсьледаваньне аб садзеяньні Беларусі з боку Міністэрства юстыцыі Літвы, што дапамагло затрымаць праваабаронцу Алеся Бяляцкага. Увосень парлямэнтары будуць высьвятляць як вінаватых у гэтым інцыдэнце, так і яго прычыны.

11.08.2011 Справа Яўдахі — суд без сведак

11 жніўня ў суд ізноў не з’явіліся сведкі па справе.

11.08.2011 Бярозаўскія актывісты падалі заяву на пікет у падтрымку Алеся Бяляцкага

Бярозаўскія праваабаронцы звярнуліся ў райвыканкам з заявай на правядзенне пікету. Яны хочуць правесці яго 24 жніўня 2011 на дазволеным ўладамі месцы – гарадскім стадыёне.

11.08.2011 Мін'юст пагражае БХК жорсткімі мерамі адказнасьці

Міністэрства юстыцыі Беларусі зьвярнула ўвагу Беларускага Хэльсынскага камітэта на неабходнасьць выкананьня заканадаўства, і, у прыватнасьці, на захаваньне правоў грамадзяащ краіны і замежных грамадзян на атрыманьне поўнай, дакладнай і аб'ектыўнай інфармацыі.

11.08.2011 Ці даставяць Бяляцкага ў суд?

11 жніўня ў Менскім гарадзкім судзе адбудзецца разгляд касацыйнай скаргі на рашэньне суда Цэнтральнага раёну, які адмовіўся задаволіць скаргу Алеся Бяляцкага на папярэджаньне Генпракуратуры Беларусі. На судовае пасяджэньне павінны даставіць зьняволенага Алеся Бяляцкага.