Праваабарончы цэнтр «ВЯСНА»

Навіны за 26 сакавіка 2012

26.03.2012 “За справядлівыя выбары” стварае аргкамітэт на Брэстчыне

У Брэсце адбылося паседжанне, мэтай якога было стварэнне ў рэгіёне аргакамітэту кампаніі “За справядлівыя выбары”, якая будзе адсочваць працэс падчас выбараў у Палату прадстаўнікоў, што павінны адбыцца сёлета.

26.03.2012 Перфоманс пра сітуацыю ў Беларусі на вуліцах Кракава (фота)

Студэнты чатыры гадзіны сядзелі з звязанымі ланцугамі рукамі і чорнымі мяшкамі на галовах. Гэты акт сімвалізаваў сітуацыю, якая склалася на сёння ў Беларусі.

26.03.2012 Алесь Бяляцкі ўзнагароджаны дыпломам “За свабоду слова” (фота)

25 сакавіка ў Осла адбылося ўручэнне дыплома “За свабоду слова” зняволенаму кіраўніку Праваабарончага цэнтра “Вясна”, віцэ-прэзідэнту Міжнароднай федэрацыі правоў чалавека Алесю Бяляцкаму. Гэтая ўзнагарода заснаваная Нарвежскім саюзам пісьменнікаў і ўручаецца за асаблівы ўнёсак у абарону свабоды слова і талерантнасці.

26.03.2012 Справаздача назіраньня за масавым мерапрыемствам 25 сакавіка 2012 г. у Менску па адзначэньні Дня Волі

На дадзеным масавым мерапрыемстве знаходзіліся 4 назіральнікі з пасьведчаньнямі, пра якіх было загадзя папярэджана ГУУС Менгарвыканкама. Па выніках назіраньня і запаўненьня тэматычнай анкеты, можна адзначыць наступныя моманты:

26.03.2012 У Познані 25 Сакавіка ўзгадалі беларускіх палітвязняў (фота)

Студэнты-палітолагі Познаньскага універсітэта 25 сакавіка арганізавалі акцыю па зборы лістоў да палітвязняў Беларусі. Большасць людзей ахвотна пагаджаліся і пісалі словы падтрымкі і салідарнасці.

26.03.2012 Алесь Бяляцкі — ляўрэат прэміі Нарвэскай асацыяцыі аўтараў

Беларускі палітвязень Алесь Бяляцкі, які ўтрымліваецца ў Бабруйскай калёніі, пэўна, ня ведае, што ў гэтую нядзелю стаў ляўрэатам прэміі «Freedom of Expression», якую прысуджае Нарвэская асацыяцыя аўтараў.

26.03.2012 Сяргея Каваленку этапавалі ў вар’ятню на «Віцьбу-3»

У ноч на 26 сакавіка галадоўніка Сяргея Каваленку адправілі этапам ў псыхіятрычную турэмную лякарню пры віцебскай калёніі Віцьба-3.

26.03.2012 Бабруйскі пракурор пакрывае дырэктара завода?

Міхаіл Кавалькоў, бабруйскі лідэр Свабоднага прафсаюза Беларускага і старшыня прафсаюзнай суполкі на “Бабруйскім заводзе трактарных дэталяў і агрэгатаў", напісаў тры заявы на імя дырэктара Аляксандра Аграновіча, а пра існаванне “адказаў” ад яго даведаўся толькі праз пракуратуру.

26.03.2012 Пачаліся суды над удзельнікамі суботняга канцэрту ў клубе “Ё-маё” (дадаецца)

У Мінску пачынаюцца суды над затрыманымі 24 сакавіка падчас суботняга канцэрту. У судзе Цэнтральнага раёна будуць разглядацца адміністратыўныя справы Аляксандра Ярашэвіча, Мікіты Уласенкі, Яўгена Уласенкі, Яўгена Рубашкі, Уладзіміра Дзмітракова, Паўла Дзеркача, Паўла Грыневіча, Зміцера Харланчука, Паўла Беланава. У судзе Партызанскага раёна сталіцы - Алены Дубовік.

26.03.2012 Барысаў: Міхаіла Васільева «пасуць» перад кожнай масавай акцыяй

Учора, 25 сакавіка, у дзень, на які ў Менску была прызначаная масавая дазволеная акцыя, прымеркаваная да Дня Волі, пад вокнамі барысаўскага актывіста, старшыні гарадской арганізацыі АГП Міхаіла Васільева ўжо з раніцы дзяжурылі падазроныя асобы ў цывільным.

26.03.2012 Асудзілі да штрафу за бел-чырвона-белы сьцяг

Затрыманых 25 сакавіка ў Менску актывістаў Міхаіла Нарушэвіча і Зміцера Пшэніка асудзілі ў судзе Першамайскага раёна. Па непадцверджанай інфармацыі юнакі спрабавалі вывесіць бел-чырвона-белы сцяг. Суддзя Юрый Гарбатоўскі памічыўіх вінаватым у арганізацыі несанкцыянаванага масавага мерапрыемства і пакараў іх штрафам у 70 тысяч беларускіх рублёў кожнага.

26.03.2012 Касацыйная скарга Сяргея Каваленкі будзе разглядацца 10 красавіка

Віцебскі абласны суд мусіць даць адказ, наколькі законнае і справядлівае рашэнне вынесла суддзя Першамайскага райсуду Алена Жук, якая прысудзіла сябру КХП БНФ Сяргею Каваленку 2 гады 1 месяц зняволення ў калоніі.