Праваабарончы цэнтр «ВЯСНА»

Навіны за 1 сакавіка 2012

01.03.2012 Пачалася акцыя «Пакінь дыктатара на лёдзе»

Польскі парламентарый Марэк Мігальскі ініцыяваў у інтэрнэце збор подпісаў за адмену чэмпіянату свету па хакеі ў 2014 г. у Беларусі.

01.03.2012 “Адміністратыўны перасьлед”: дадайце свае факты ў табліцу

На сайце “Вясны” вядзецца табліца “Адміністратыўны перасьлед”, у якой фіксуюцца выпадкі затрыманьняў грамадзянаў і прыцягненьняў да адміністратыўнай адказнасьці па палітычных матывах. Калі вы знойдзеце недакладнасьці ў табліцы альбо маеце інфармацыю, якая там адсутнічае, - калі ласка, паведамляйце праваабаронцам.

01.03.2012 Ад Івана Шылы даходзяць не ўсе лісты

Адносна стану свайго здароўя ў апошняй сваёй вестцы маладзён паведаміў, што алергія, якая пачала абвастрацца напачатку зняволення, пасьля прыёму лекаў прайшла. “У камеры цёпла. З першых дзён давалі спальнік. Два разы хадзіў на шпацыр,” - піша зняволенны актывіст Маладога Фронту.

01.03.2012 Баранавіцкі гарвыканкам адмовіўся мяняць свае рашэнні аб масавых мерапрыемствах

Баранавіцкая ініцыятыўная група па зменах у парадак правядення масавых мерапрыемстваў атрымала 1 сакавіка пісьмовы адказ гарвыканкама на свой калектыўны зварот. У лісце за подпісам намесніка старшыні гарвыканкама паведамляецца, што выканаўчая ўлада супраць такіх зменаў на тэрыторыі горада Баранавічы.

01.03.2012 Асуджаныя па “справе менскіх анархістаў” не могуць дачакацца рашэння па наглядных скаргах з Вярхоўнага суда

Восенню 2011 года праваабарончыя арганізацыі, палітычныя партыі і грамадскія арганізацыі Беларусі і Еўропы прызналі іх палітычнымі вязьнямі. Апошняя акалічнасць і стала прычынай таго, што, прызначаны быць вышэйшым судовым органам краіны, Вярхоўны суд Рэспублікі Беларусь адкрыта і груба парушыў правы гэтых людзей.

01.03.2012 У Брэсцкім раёне пададзена 15 заявак на правядзенне пікетаў

Ініцыятыва правядзення гэтых акцый належыць мясцовым актывістам Беларускай партыі левых “Справядлівы свет”, якія спрабуюць з дапамогай пікетаў звярнуць увагу грамадскасці і ўладаў да шматлікіх лакальных праблемаў.

01.03.2012 Шэрагі страйкаму магілёўскага домабудаўнічага камбінату сталі радзей

Тым не менш, нягледзячы на панесеныя страты ў шэрагах страйкаму, кіраўніцтва Свабоднага прафсаюзу металістаў працягвае падтрымліваць сувязь з работнікамі прадпрыемства і аказваць ім неабходныя кансультацыі.

01.03.2012 Міжнародная Канфедэрацыя Прафсаюзаў: У Беларусі становішча з правамі працоўных пагаршаецца

“Беларускія ўлады паказваюць страх перад сапраўдным прадстаўленнем інтарэсаў і спрабуюць вярнуць працоўных пад кантроль дзяржапарата. У сістэме працоўных адносін, дзе дзяржава кантралюе ўсё, такія простыя змены, як дэмакратыя на працоўных месцах і незалежныя прафсаюзы, успрымаюцца як жыццёва небяспечныя для яе будучыні”, - адзначыў генеральны сакратар МКП Шэран Бароў.

01.03.2012 «Ліберальнаму клубу» адмовілі ў правядзенні дэбатаў пра адносіны Беларусі і ЕС

Са слоў Мікіты Бяляева, адміністратыўнага дырэктара «Ліберальнага клуба», з галерэяй «Ў» была дамоўленасць аб выкарыстанні памяшкання для правядзення дэбатаў. Аднак сёння яму па тэлефоне паведамілі, што адмовіліся. Маўляў, няўважліва прачыталі заяўку і не ведалі, што мерапрыемства палітычнае, а ў галерэі іншая скіраванасць.

01.03.2012 Улады Беларусі ствараюць "спіс невыязных"?

Улады разглядаюць магчымасць абмежавання выезду з краіны для асобаў, якія прама заклікалі да ўвядзення санкцый супраць Беларусі, паведаміла TUT.BY крыніца, блізкая да кіраўніцтва краіны.

01.03.2012 Бабруйскага актывіста выклікала міліцыя

Арцёма Мархасёва выклікалі ў аддзяленне міліцыі вечарам 29 лютага, па тэлефоне. Падставай для сустрэчы стала, нібыта, удакладненне па адміністратыўнай справе за запаленыя на Дзяды свечкі. Нагадаем, што суд па гэтай справе ўжо адбыўся, і актывіст “Маладых дэмакратаў” і яшчэ трое яго палечнікаў атрымалі па 700 тысяч штрафа кожны.

01.03.2012 Брэсцкі абласны суд задаволіў касацыйную скаргу Мікалая Чарнавуса

Мікалай Чарнавус прасіў абласны суд адмяніць рашэнне суда горада Баранавічы, згодна з якім ён быў пакараны штрафам у 70 тысяч рублёў нібы за самаўпраўства пры стварэнні грамадскага аб’яднання. У зале суда прысутнічала віцэ-консул Генеральнага консульства Украіны ў Брэсце Ірына Чабатарова.