Праваабарончы цэнтр «ВЯСНА»

Навіны за Верасень 2013

27.09.2013 Маці памерлага ў cветлагорскім ІЧУ Аляксандра Акуліча настойвае на допыце судмедэкспертаў

Валянціна Акуліч накіравала пракурору Светлагорскага раёна хадайніцтва, у якім паведамляе, што заключэнне дадатковай судова-медыцынскай экспертызы выглядае нелагічным, і настойвае на допыце экспертаў.

27.09.2013 Мясцовы Савет паабяцаў салігорцам з’яўленне новай паліклінікі да... 2025 года

Салігорскі раённы Савет дэпутатаў першым агучыў пэўныя тэрміны будаўніцтва ў сталіцы шахцёраў новай паліклінікі. Грунтоўны адказ ад дэпутатаў на свой запыт атрымаў мясцовы дэмакратычны актывіст Віктар Малочка.

27.09.2013 Правакацыя супраць праваабаронцы Паўла Левінава ў сетцы "Укантакце"

У сацыяльнай сетцы «Укантакце» ад імя праваабаронцы Паўла Левінава распаўсюджваюцца абразьлівыя матэрыялы супраць вядомых у Віцебску актывістаў грамадзянскай супольнасьці. Сам Павел Левінаў сьцьвярджае, што ён ня мае ніякага дачыненьня да старонкі ў «Укантакце», створанай ад яго імя, і выказвае меркаваньне, што гэта нейкая правакацыя.

27.09.2013 Актывіст незалежнай прафсаюзнай суполкі скардзіцца ў Брэсцкі абласны суд

Леанід Дубаносаў не згодны з рашэннем суда Лунінецкага раёна, які прызнаў законным ягонае звальненне з прадпрыемства “Граніт”, і не выявіў факту дыскрымінацыі па прафсаюзнай прыналежнасці.

26.09.2013 Студэнты Полацкага ўніверсітэта замест вучобы аднаўляюць малочныя фермы

Другі тыдзень моладзь працуе на шасці фермах сельгаспрадпрыемстваў Глыбоцкага раёна. У кожным працоўным атрадзе - па 7-8 чалавек. Студэнты прыбіраюць будаўнічае смецце, спрабуюць класці цагляны мур.

26.09.2013 Беларускі саюз журналістаў рыхтуе змены ў закон “Аб СМІ”?

Прадстаўнікі дзяржаўных і недзяржаўных беларускіх выданняў у чарговы раз абмяркоўвалі ў Мінску праблемы журналісцкай этыкі.

26.09.2013 Стан здароўя палітвязня Мікалая Аўтуховіча нармалёвы

Інфармацыя аб тым, што палітвязень Мікалай Аўтуховіч, які адбывае пакаранне ў Гарадзенскай турме №1, прычыніў сабе цяжкія цялесныя пашкоджанні цалкам падцвердзілася. Па словах адваката, Аўтуховіч нанёс сабе парэзы лязом у вобласці жывата, але цяпер адчувае сябе добра.

26.09.2013 У Бярозе запланаваны пікет супраць смяротнага пакарання

Праваабаронцы Сяржук Русецкі і Тамара Шчапёткіна, а таксама грамадская актывістка Таццяна Тарасевіч вырашылі паўтарыць спробу атрымаць дазвол на пікет на 10 кастрычніка. Мэта масавага мерапрыемства: выказванне пратэсту супраць ужывання смяротнага пакарання ў Рэспубліцы Беларусі.

26.09.2013 Шклоўскі раён: “Дні цвярозасці” не ўплываюць на ўзровень злачыннасці

Пракурор Шклоўскага раёна Дзмітрый Лянчэўскі адзначыў, што ў 2013 годзе колькасць зарэгістраваных злачынстваў у зрасла с 251 да 318, а ўзровень злачыннасці на 10000 насельніцтва склаў 103,6. Узрасла колькасць цяжкіх і асабліва цяжкіх злачынстваў з 25 да 45.

26.09.2013 Нідэрландскія праваабаронцы адзначылі дзень народзінаў Алеся Бяляцкага пікетам ля беларускай амбасады (фота)

25 верасня, у 51-ы дзень народзінаў Алеся Бяляцкага, актывісты нідэрландскага аддзяленне Amnesty International наведалі амбасаду Беларусі ў Гаазе, каб уручыць яе супрацоўнікам адмысловы торт да дня народзінаў праваабаронцы, а таксама - тысячы новых подпісаў пад патрабаваннем свабоды для палітвязня.

26.09.2013 Мэр Парыжа выказаў сваю падтрымку Алесю Бяляцкаму

Мэр горада Парыжа сп. Бертран Дэланаэ адправіў ліст Алесю Бяляцкаму, напісаны неўзабаве пасля гадавіны яго арышту. Міжнародная федэрацыя за правы чалавека (FIDH) і Праваабарончы цэнтр «Вясна» публікуюць гэты ліст з нагоды дня нараджэння Алеся.

26.09.2013 Бяроза: улёткі ў падтрымку палітзняволенага Алеся Бяляцкага (фота)

Раніцай 26 верасня жыхары Бярозы ўбачылі ў шматлікіх публічных месцах улёткі з выявай старшыні Праваабарончага центра “Вясна” Алеся Бяляцкага з патрабаваннем яго вызвалення. Ва ўлётках таксама ўтрымліваецца невялікі тэкст з інфармацыяй пра праваабаронцу, ягоны арышт і зняволенне.

26.09.2013 Слонім: пікеты “глушаць” рознымі мерапрыемствамі (дакумент)

Алесь Масюк падаваў у мясцовы райвыканкам заяўку на правядзення 29 верасня пікету, прысвечанага абароне “Газеты Слонімскай”, а таксама за права жыхароў Слонімшчыны свабодна афармляць падпіску на незалежнае выданне ў аддзяленнях РУП "Белпошта" і набываць яго ў кіёсках "Белсаюздруку".

26.09.2013 Віцебскія праваабаронцы павіншавалі Алеся Бяляцкага з днём народзінаў

25 верасьня выбітны беларускі дзеяч Алесь Бяляцкі, які адбывае пакараньне ў папраўчай калёніі ў Бабруйску, адзначае сваё 51-годзьдзе. Віцебскія калегі праваабаронцы накіравалі ў яго адрас свае віншаваньні і пажадалі яму найхутчэйшага вызваленьня.