Праваабарончы цэнтр «ВЯСНА»

Навіны за 23 верасьня 2013

23.09.2013 Гродна: суд прызнаў законнай забарону пікету

Дзве з паловай гадзіны працягваўся 23 верасня разгляд скаргі гродненскіх праваабаронцаў на рашэнне Гродненскага гарвыканкаму, якім было забаронена правядзенне ў горадзе інфармацыйнага пікету ў падтрымку палітзняволенага Алеся Бяляцкага. У выніку суддзя Жана Краўчанка не задаволіла скаргу Віктара Сазонава, Уладзіміра Хільмановіча і Рамана Юргеля.

23.09.2013 Публіцыст Андрэй Пачобут вызвалены ад крымінальнай адказнасці

Паўгадзіны доўжылася сёння “вызваленне” Андрэя Пачобута ў Ленінскім раённым судзе Гродна. Працэс закрыцця крымінальнай справы аформіў суддзя Юрый Казакевіч. Публіцыст Андрэй Пачобут вызвалены ад адбыцця пакарання ў звязку з тым, што ён не парушыў заканадаўства.

23.09.2013 Пачобута вызвалілі ад пакарання

У судзе Ленінскага раёну Горадні адбыўся разгляд справы журналіста Андрэя Пачобута, які ў ліпені 2011 года быў асуджаны за «паклёп на прэзыдэнта» на 3 гады пазбаўленьня волі з адтэрміноўкай на два гады. Было прынята рашэньне вызваліць журналіста ад пакараньня.

23.09.2013 Сястра Ігара Пцічкіна абскардзіла сваё затрыманне

Ірына Мірановіч лічыць незаконным сваё затрыманне ў дзень памяці брата, памерлага ў мінскім СІЗА-1 Ігара Пцічкіна, і абскардзіла ў Мінскі гарадскі суд адміністратыўнае спагнанне, накладзенае на яе судом Цэнтральнага раёна сталіцы.

23.09.2013 Гомельскія дэмакраты патрабуюць узбудзіць крымінальную справу за незаконнае затрыманне

«У выніку неабгрунтаванай перашкоды з боку супрацоўнікаў міліцыі дэлегаты не змаглі прыняць удзел у працы рэспубліканскай Канферэнцыі ў Мінску, тым самым у іх дзеяннях ўгледжваецца склад крымінальнага злачынства, прадугледжанага артыкулам 194 КК, а менавіта перашкода законнай дзейнасці грамадскіх аб'яднанняў", - піша ў заяве Уладзімір Кацора .

23.09.2013 Законапраект аб альтэрнатыўнай службе ў Беларусі будзе ўнесены ўрадам у парламент у кастрычніку

Пра гэта паведаміў намеснік міністра працы і сацыяльнай абароны Беларусі Ігар Старавойтаў на онлайн-канферэнцыі.

23.09.2013 Мінскі гарадскі суд накіраваў справу Контуша на перагляд

Суддзя Валер Камісараў адмяніў пастанову і накіраваў справу на новы разгляд у суд Цэнтральнага раёна.

23.09.2013 Сёння - суд над Андрэем Пачобутам

Справа журналіста будзе разглядацца ў судзе Ленінскага раёна Гродна. Пачатак працэсу - у 15:30.

23.09.2013 Амбасадар Вальфрам Маас: Падыход Нямеччыны да Беларусі не зьменіцца

Якім бы не быў новы ўрад ФРГ, падыход да Беларусі не зьменіцца, заявіў журналістам амбасадар ФРГ Вальфрам Маас.

23.09.2013 Віталь Коўш асуджаны на чатыры гады зняволення

Суд Брэсцкага раёна паўторна разгледзеў справу грамадскага актывіста і прызнаў яго вінаватым у арганізацыі нелегальнага пераходу праз беларуска-польскую мяжу грамадзянамі Індыі. Суддзя Уладзімір Шаламіцкі абвесціў, што раней вынесенае пакаранне застаецца без зменаў.

23.09.2013 Васіль Парфянкоў знаходзіцца ў светлагорскім ЛПП

Васіль Парфянкоў знаходзіцца ў лячэбна-працоўным прафілакторыі №1 г. Светлагорска, куды быў пераведзены з ЦІП ГУУС Мінгарвыканкама 21 верасня. Пра гэта ПЦ “Вясна” стала вядома з афіцыйнай інфармацыі сістэмы ЛПП.

23.09.2013 За адмову слухаць афіцыйны гімн настаўніца збіла школьніцу ў Баранавічах

У Баранавічах настаўніца сярэдняй школы № 14 збіла чацвяракласніцу, вучаніцу адзінага ў горадзе беларускамоўнага класса, Ясю Малашчанку за адмову слухаць афіцыйны гімн.

23.09.2013 «Правы Чалавека «на пальцах» - 28 верасня ў Баранавічах

Да ўдзелу ў праграме запрашаюцца беларуская моладзь і студэнты, а таксама ўсе ахвочыя - незалежна ад узросту, сацыяльнага палажэння, веравызнання і г.д. Дэдлайн падачы заявак 26 верасня ўключна.

23.09.2013 Мясцовыя ідолагі праверылі дзейнасць Салігорскага тэлеканала

Салігорскі райвыканкам рэкамендаваў кіраўніцтву Салігорскага тэлеканала стварыць фонд беларускамоўных верашаў і выканаўцаў і ўкулючыць іх у папку віншаванняў. Да таго ж чыноўнікі прызналі, што даваць адказы не на мове завроту з’яўляецца парушэннем дзеючага заканадаўства.

23.09.2013 Становішча ў галіне правоў чалавека ў Беларусі

Даклад Спецыяльнага дакладчыка ААН па пытанні аб становішчы ў галіне правоў чалавека ў Беларусі Міклаша Харашці, прадстаўлены на 68 сесіі Генеральнай Асамблеі ААН.