Праваабарончы цэнтр «ВЯСНА»

Навіны за 3 сьнежня 2013

03.12.2013 Прызначаны разгляд касацыйнай скаргі па справе аб’яднання баранавіцкіх украінцаў “Кабзар”

Вось ужо шмат гадоў грамадскі актывіст спрабуе дабіцца памяшкання для грамадскага аб’яднання. Ён неаднаразова звяртаўся ў Баранавіцкі гарвыканкам, Брэсцкі аблвыканкам, але безвынікова. Таму Мікалай Чарнавус вырашыў звярнуцца ў суд.

03.12.2013 Брэсцкі абласны суд падтрымаў забарону пікета ў Бярозе

Брэсцкі абласны суд не задаволіў касацыйную скаргу праваабаронцаў з Бярозы, якія прасілі прызнаць незаконннай забарону пікета 4 жніўня і адмяніць рашэнне суду Бярозаўскага раёну, які прызнаў рашэнне райвыканкаму правамоцным.

03.12.2013 Чыноўнікі ігнаруюць беларускую мову

На беларускамоўную скаргу з нагоды размяшчэння кіроўцамі расейскіх сцяжкоў на лабавым шкле аўтобусаў намеснік генеральнага дырэктара “Магілёўаблаўтатранс” Скварцоў адказаў па-руску. Правааабаронца Барыс Бухель адзначае, што ў дадзеным выпадку адбылося парушэнне ч.1 арт.18 закона “Аб звароце грамадзян і юрыдычных асоб”.

03.12.2013 Слонім: райвыканкам адмовіў у правядзенні 5 пікетаў

У Слоніме працягваецца афіцыйная перапіска паміж грамадскім актывістам Алесем Масюком і мясцовым райвыканкамам. Алесь Масюк падае чарговыя заяўкі на правядзенне пікетаў – чыноўнікі не дазваляюць іх правядзенне. У лістападзе грамадскі актывіст падаў ажно 5 заявак на правядзенне пікетаў.

03.12.2013 Гарадзенскі журналіст Алесь Дзянісаў папярэджаны пракуратурай

Гарадзенскі незалежны журналіст Алесь Дзянісаў быў сёння, 3 снежня, афіцыйна папярэджаны абласной Гарадзенскай пракуратурай за працу на сродак масавай інфармацыі, які не мае афіцыйнай акрэдытацыі. Алесь Дзянісаў быў выкліканы ў пракуратуру з нагоды таго, што ён рабіў відэаздымкі ў Свіслачы і Якушоўцы 27 кастрычніка.

03.12.2013 Брэст: пададзена заяўка на шэсце ў падтрымку народа Украіны

З ініцыятывай правядзення такога шэсця 21 снежня па праспекце Машэрава і вуліцы Леніна выступіла Брэсцкая абласная арганізацыя Аб'яднанай грамадзянскай партыі. Як паведаміў мясцовы кіраўнік АГП Уладзімір Вуек, мэтай масавага мерапрыемства з'яўляецца праява салідарнасці з украінскім народам у яго імкненні мець еўрапейскую перспектыву.

03.12.2013 Мікалай Статкевіч накіраваў індывідуальны зварот у ў Камітэт па правах чалавека ААН

18 лістапада ў Камітэт па правах чалавека ААН накіравана скарга экс -кандыдата ў прэзідэнты на выбарах 2010 года Мікалая Статкевіча. Яго інтарэсы ў КПЧ прадстаўляе жонка - Марына Адамовіч.

03.12.2013 Міхась Кукабака. 77 гадоў – без фальшу і крывадушша...

Сёння, 3 снежня, вядомы беларускі дысідэнт савецкага часу, праваабаронца і публіцыст Міхась Кукабака сустракае свой 77-ы дзень нараджэння. У яго біяграфіі - з дзетдомаўскім дзяцінствам, сасланым у Сібір юнацтвам і 17-ю гадамі турмаў, лагераў і псіхушак - дагэтуль застаюцца "белыя плямы", дагэтуль грыф сакрэтнасці ляжыць на яго матэрыялах у архівах КДБ. Але сам Міхась Ігнатавіч заўсёды быў абсалютна адкрытым, што, як ён упэўнены, і спрыяла выжыванню.

03.12.2013 Спецыялісты Офіса па правах людзей з інваліднасцю падрыхтавалі прапановы па змене Кодэкса аб адукацыі

Верагодна, у наступным годзе ў Кодэкс аб адукацыі могуць быць унесены змены. Удасканаляць яго пасля правядзення маніторынгу, заснаванага на рэальна існуючых праблемах дадзенай сферы.

03.12.2013 Прадпрымальнікам далі адтэрміноўку з сертыфікатамі на паўгода

Улады адклалі ўвядзенне новых правілаў у адносінах да ІП. Пра гэта гаворыцца ў дакуменце, які атрымала РГА «Перспектыва» ад намесніка Міністра эканомікі. У ім пацвярджаецца інфармацыя аб тэрмінах сертыфікацыі, якія дзейнічалі раней.

03.12.2013 На галоўнага ідэолага Беларусі ўсклалі каардынацыю працы тэлевізійных і інтэрнэт-СМІ

На памочніка прэзідэнта — начальніка галоўнага ідэалагічнага ўпраўлення (на гэты час Усевалада Янчэўскага) ўскладзены некаторыя функцыі ў сферы інфарматызацыі, у тым ліку каардынацыя СМІ, якія распаўсюджваюцца праз тэлевяшчанне і інтэрнэт.

03.12.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу” - гучныя судовыя справы і заканадаўчыя змены ў Кодэкс аб адукацыі, "Падзея тыдня" - акцыя “Гарады за жыццё - гарады супраць смяротнага пакарання”, госць рубрыкі “Асоба. Дзяржава. Грамадства” - дысідэнт і правааабронца Міхась Кукабака.

03.12.2013 Андрэй Палуда: “Я выбіраю жыццё!”

Каардынатар кампаніі “Праваабаронцы супраць смяротнага пакарання ў Беларусі” Андрэй Палуда, разам з праваабаронцай Тамарай Чыкуновай наведалі Рым, дзе прымалі ўдзел у мерапрыемствах, прысвечаных смяротнаму пакаранню і парушэнням правоў чалавека.