Праваабарончы цэнтр «ВЯСНА»

Навіны за 23 сьнежня 2013

23.12.2013 Удзельнікі акцыі "Стоп-падатак" – у судзе

У судзе Ленінскага раёна Менска пачаўся разгляд адміністрацыйных спраў затрыманых пад час акцыі "Стоп-падатак" аўтааматараў Канстанціна Глушко і Андрэя Самохіна. Іх вінавацяць у непадпарадкаванні патрабаванням супрацоўнікам міліцыі (арт. 23.4. КаАП РБ). Канстанцін Глушко пакараны адміністрацыйным арыштам на 5 сутак

23.12.2013 Слуцкую актывістку аштрафавалі за паказ фільму пра Слуцкі збройны чын

На 20 базавых велічынь (2 мільёна 600 тысяч рублёў) аштрафаваная судом Слуцкага раёну актывістка Зінаіда Цімошак паводле артыкулу аб «парушэньні парадку арганізацыі правядзеньня сходаў».

23.12.2013 Апытанне “Intex-press”: “Навошта ідуць ў дэпутаты мясцовых саветаў?”

73% чытачоў сайта недзяржаўнай газеты “Intex-press” лічаць, што ў дэпутаты людзі ідуць, каб вырашаць свае асабістыя пытанні і толькі 2,6 % лічаць, што дэпутатамі становяцца, каб вырашаць мясцовыя праблемы і абараняць інтарэсы выбаршчыкаў.

23.12.2013 Прысуд Аляксандру Грунову будзе вынесены заўтра

Падыходзіць да канца паўторнай слуханне па справе Грунова. Да гэтага яму ўжо быў вынесены смяротны прысуд, але Вярхоўны суд накіраваў справу на паўторны разгляд.

23.12.2013 Валянцін Стэфановіч падаў скаргу на Генеральную пракуратуру

Праваабаронца аспрэчвае вынесенае Генпракуратурай абмежаванне на доступ да сайта ПЦ "Вясна" і расцэньвае дадзеныя захады як цэнзуру.

23.12.2013 У Магілёве “Вясна” прэзентавала новую анімацыйную стужку супраць смяротнага пакарання

21 снежня прагледзець мультфільмы “Палёт”, “Чарга” і новы фільм “Исполнитель” cабраліся ў грамадскім цэнтры “Кола” больш за 20 магілёўцаў. Прэзентацыю праводзіў каардынатар кампаніі “Праваабаронцы супраць смяротнага пакарання ў Беларусі” Андрэй Палуда.

23.12.2013 Магілёўскі сацыял-дэмакрат абскардзіў сваё высяленне з інтэрнату

“Мне 67 гадоў. Я пражываю ў асобным пакоі інтэрната па вуліцы Касманаўтаў, 45. Згодна з пастановай раённага суда прынята рашэнне перасяліць мяне ў іншы інтэрнат на вуліцу Залуцкага, 3, дзе пражываюць два маладых хлопцы. Я з гэтым катэгарычна не згодзен. Як ветэрана працы можна ўзяць і высяліць?”, - абураецца Залозны.

23.12.2013 Алег Алкаеў: Выкананне смяротнага прысуду - гэта забойства

Што адчувае выканаўца смяротнага прысуду? Пра гэта актывістам кампаніі "Праваабаронцы супраць смяротнага пакарання ў Беларусі" распавёў Алег Алкаеў, начальнік СІЗА № 1 Мінска ў 1996-2001 гадах, пры ўдзеле якога былі здзейсненыя 134 смяротныя кары праз расстрэл.

23.12.2013 Аляксандра Францкевіча і дзяўчат, якія яго абаранялі, судзяць (аднаўляецца)

У судзе Цэнтральнага раёна Менска 23 снежня адбудзецца разгляд адміністрацыйных спраў Аляксандра Францкевіча, Анастасіі Кухта і Анастасіі Шатэрнік. Яны былі затрыманыя падчас акцыі аўтааматараў “Стоп-падатак” у Менску 20 снежня.

23.12.2013 Уладзімір Яроменак будзе адбываць прысуд суду ў Баранавічах

Актывіст міжнароднай арганізацыі «Малады фронт» (Чэхія ) Уладзімір Яроменак будзе адбываць пакаранне ў арыштным доме ў Баранавічах (Брэсцкая вобласць). Пра гэта яго жонку апавясцілі ў дэпартаменце выканання пакаранняў МУС, паведамляе сайт «Маладога фронту».

23.12.2013 Брэст: сябры АГП пачалі ўласны збор подпісаў супраць ўвядзення падатку на аўтамабіль

Сабраныя подпісы спачатку будуць накіраваныя ў цэнтральны офіс Аб’яднанай грамадзянскай партыі, а пасля трапяць ва ўрад краіны, Нацыянальны сход РБ, Канстытуцыйны суд і ў Адміністрацыю прэзідэнта.

23.12.2013 1000 старонак турэмнай нядолі

Анталогія твораў беларускіх палітзняволеных выходзіць у Вільні. Вялізны том пабачыць свет у пачатку наступнага года. Прымеркавана выданне да чарговай гадавіны разгону Плошчы-2010. Уступам да кнігі Рыгор Барадулін напісаў верш, радок з якога і даў назву ўсёй кнізе.