Праваабарончы цэнтр «ВЯСНА»

Навіны за 1 ліпеня 2014

01.07.2014 Баранавічы: пададзена заява на правядзенне пікета з нагоды прыняцця Дэкларацыі аб дзяржаўным суверэнітэце Беларусі

Баранавіцкія грамадскія актывісты і прадстаўнікі палітычных партый Рыгор Грык, Вячаслаў Болбат і Сяргей Гоўша 1 ліпеня падалі заяву ў гарвыканкам на правядзенне пікета з нагоды 24-х угодкаў прыняцця Дэкларацыі аб дзяржаўным суверэнітэце Беларусі.

01.07.2014 Кніга палітвязня Ігара Аліневіча выйшла на чатырох мовах

Гэтай вясной у рукі замежных чытачоў трапіла кніга беларускага палітвязня Ігара Аліневіча «Еду ў Магадан». На паліцах кніжных крамаў Чэхіі, Гішпаніі, Францыі, Англіі і Нямеччыны можна знайсці копію кнігі на роднай для жыхароў краіны мове.

01.07.2014 Баранавіцкія прадпрымальнікі абралі прадстаўнікоў для перамоваў з прэзідэнтам

Удзельнікі сходу вырашылі: калі гарадская адміністрацыя іх слухаць не хоча, то трэба ехаць у Мінск. Заўтра дэлегацыя баранавіцкіх “ІПэшнікаў” збіраецца ў Адміністрацыю прэзідэнта. Але большасць вырашыла 2 ліпеня пайсці ў гарадскі цэнтр занятасці, каб зарэгістравацца беспрацоўнымі.

01.07.2014 У Баку крытыкавалі афіцыйны Менск за палітвязьняў

Два камітэты Парлямэнцкай асамблеі АБСЭ прынялі рэзалюцыі па Беларусі. Камітэт па дэмакратыі і правах чалавека уключыў у рэзалюцыю заклік да неадкладнага вызваленьня і рэабілітацыі ўсіх палітычных зьняволеных у Беларусі.

01.07.2014 Макей: пераменаў у стаўленні Захаду да Беларусі пасля вызвалення Бяляцкага чакаць не варта

Такі сэнс выказванняў міністра замежных спраў Беларусі Уладзіміра Макея ў інтэрв'ю праграме «Галоўны эфір» тэлеканала «Беларусь 1». Пры гэтым прозвішча праваабаронцы ні інтэрв'юер, ні інтэрв'юяваны не называлі.

01.07.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: падаўжэнне Саветам па правах чалавека ААН мандата Спецыяльнага дакладчыка па Беларусі. “Асоба. Дзяржава. Грамадства”: госць рубрыкі – кіраўнік шведскай праваабарончай арганізацыі Östgruppen Марцін Угла.

01.07.2014 Поўная відэаверсія прэс-канферэнцыі Алеся Бяляцкага для літоўскіх СМІ

Кіраўнік Праваабарончага цэнтра “Вясна”, віцэ-прэзідэнт Міжнароднай федэрацыі за правы чалавека (FIDH) і адзін з заснавальнікаў Беларускага дома правоў чалавека Алесь Бяляцкі 27 чэрвеня ў Вільні даў прэс-канферэнцыю для літоўскіх СМІ.