Праваабарончы цэнтр «ВЯСНА»

Навіны за Кастрычнік 2014

29.10.2014 Брэст: прадстаўнікі дэмакратычнай грамадскасці ўшанавалі памяць ахвяраў палітычных рэпрэсій (фота)

29 кастрычніка сябры Беларускай сацыял-дэмакратычнай партыі (Грамада), актывісты грамадзянскай кампаніі “Гавары праўду” і праваабаронцы наведалі Трышынскія могілкі ў Брэсце, дзе ўсклалі кветкі да манумента ахвярам палітычных рэпрэсій.

29.10.2014 Віцебскі праваабаронца даводзіць абсурднасць патрабаванняў выканкаму

Праваабаронца Павел Левінаў праінфармаваў Віцебскі гарвыканкам аб правядзенні адзінаасобнага вулічнага шэсця. У якасці маршруту ён пазначыў дарогу ад свайго дому да крамы "Віцебскія прадукты". І атрымаў пісьмовую забарону на падставе таго, што не выканаў патрабаванні рашэння гарвыканкаму "Аб арганізацыі масавых мерапрыемстваў у г.Віцебску".

29.10.2014 Сёння ў Бабруйску прэзентуецца фільм пра Міхася Кукабаку

"Дысідэнт" - пра асаблівасці лёсу і характару Міхася Кукабакі, які ў супрацьстаянні таталітарнай сістэме СССР здолеў не зламацца ў невыносных умовах савецкіх турмаў, перамагчы страх, захаваць годнасць і не страціць перакананні.

29.10.2014 Суд не стаў на бок звольненага магілёўца Валадара Цурпанава

Суддзя Магілёўскага раённага суда палічыла, што вынесеныя яму кіраўніцтвам арматурнага завода вымова за парушэнне ўнутранага распарадку прадпрыемства і дэпрэміраванне цалкам палягаюць у рэчышчы працоўнага заканадаўства.

29.10.2014 Васіль Парфянкоў 90% часу зьняволеньня правёў у адзіночцы

Палітвязень Васіль Парфянкоў выйшаў з чарговага карцэру, дзе адбыў 10 дзён паводле прыдуманага, як ён мяркуе, адміністрацыяй парушэньня. Пра гэта палітвязень паведаміў у лісьце актывістцы Вользе Мікалайчык, зь якой лістуецца.

29.10.2014 Спэцдакладчык ААН: сытуацыя з правамі чалавека ў Беларусі істотна не зьмянілася

Харасьці адзначыў, што дзейнасьць грамадзянскай супольнасьці паралізуюць тры асноўныя фактары: дазвольны прынцып рэгістрацыі аб’яднаньняў і масавыя адмовы ў рэгістрацыі, крымінальная адказнасьць за дзейнасьць ад імя незарэгістраванай арганізацыі і яе фінансаваньне.

28.10.2014 Касацыйная скарга бабруйскай журналісткі не задаволена

Судовая калегія Магілёўскага аблсуда пад старшынствам Паўла Клімава разгледзела касацыйную скаргу Марыны Малчанавай і пакінула рашэнне бабруйскай суддзі Наталлі Чарапуха без зменаў.

28.10.2014 Супрацоўніка ДАІ пакаралі за нецэнзурную лаянку і пагрозы

Цікава, што суд адбыўся не паводле заявы пакрыўджанага: міліцыянты склалі пратакол на свайго калегу на падставе запісу з відэарэгістратара, выкладзенага з інтэрнэце. На запісу відаць, як чалавек у грамадзянскай машыне, але ў форме супрацоўніка ДАІ, спыняе аўто і абражае кіроўцу.

28.10.2014 Эўрапейскія амбасадары ў Беларусі стварылі маніторынгавую групу па правах чалавека

Сытуацыя з правамі чалавека ў Беларусі стала адной з галоўных тэмаў сустрэчы лідэраў беларускай апазыцыі з прадстаўнікамі 16 дыпляматычных місіяў краін Эўразьвязу, якая адбылася сёньня ў Менску.

28.10.2014 Парада МУС ад праваабаронцы: «Ня трэба акцэнтаваць увагу на нацыянальнасьці падазроных»

У Менскім раёне затрымалі дзевяць чалавек, якіх падазраюць у арганізацыі незаконнай працоўнай эксплюатацыі. Паведамленьне пра гэта зьявілася сёньня на афіцыйным сайце Міністэрства ўнутраных спраў Беларусі.

28.10.2014 У ААН перададзеная неафіцыйная справаздача Беларусі аб стане з правамі чалавека за два гады

У дакуменце падаецца справаздача дзяржавы аб тым, што зрабіла Рэспубліка Беларусь у галіне правоў чалавека і супрацоўніцтва з праваабарончымі механізмамі ААН за апошнія два гады.

28.10.2014 Трэнінгі “Студрады”: грамадскі ўдзел для пачаткоўцаў

1-2 лістапада і 22-23 лістапада “Студэнцкая Рада” праводзіць двухдзённыя трэнінгі па грамадскай актыўнасці з элементамі грамадска-карыснай дзейнасці.. У рамках кожнага трэнінгу - наведванне дзіцячага дому, дзе з'явіцца ўнікальная магчымасць адчуць сябе часткай нашага грамадства і падзяліцца сваім унікальным вопытам з дзецьмі.

28.10.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: насуперак міжнародным пагадненням Беларусь вяртаецца да прымусовай працы і барацьбы з тунеядствам; “Асоба. Дзяржава. Грамадства”: сябра Рады Праваабарончага цэнтру «Вясна» Таццяна Рэвяка пра прадстаўленне даклада спецдакладчыка ААН па пытанні аб становішчы праваабаронцаў.

28.10.2014 Беларускія жанчыны аб’ядноўваюцца ў Жаночую сетку

25 кастрычніка ў Менску прайшла сустрэча актывістак партыяў і грамадзкіх арганізацыяў Беларусі, дзе была падпісаная дэклярацыя аб намеры стварэньня Жаночай сеткі.

28.10.2014 У Менску арыштаваныя актывісты з Санкт-Пецярбурга

У суботу 25 кастрычніка ў Менску днём без тлумачэння прычынаў супрацоўнікамі міліцыі былі затрыманыя грамадзкія актывісты з Санкт-Пецярбурга (Расія) - ФедаркоўАндрэй і Салаўёў Іван. З імі былі затрыманы таксама і жыхар сталіцы.