Праваабарончы цэнтр «ВЯСНА»

Навіны за 24 сьнежня 2014

24.12.2014 Друкарня адмовілася выпускаць газету «СН плюс»

Пра нявыхад газеты паведаміла чытачка НН, якая хацела набыць чарговы нумар «Свободных новостей плюс» у адным з кіёскаў «Белсаюздруку». Аднак нумара ў продажы не было.

24.12.2014 Светлагорск: Юрый Ляшэнка просіць разабрацца з медыкамі, якія «затрымалі» яго на пікеце

Грамадскі актывіст просіць міністра аховы здароўя разабрацца з медыкамі, якія «затрымалі» яго на пікеце і даставілі ў шпіталь, дзе ўкалолі ін'екцыю нібыта з-за высокага ціску. Ён лічыць, што ў дадзеным выпадку ідзе размова пра выкарыстанне медыцынскіх работнікаў у палітычным пераследзе грамадзян.

24.12.2014 Касацыйныя скаргі ўдзельнікаў фотасесіі "з клеткамі і птушкамі" суд не задаволіў

У Віцебскім абласным судзе прайшлі разгляды касацыйных скаргаў мясцовых журналістаў і актывістаў, якіх аштрафавалі за несанкцыянаванае пікетаванне. Спагнанні аспрэчыць не ўдалося.

24.12.2014 Брэсцкі журналіст Алесь Ляўчук аштрафаваны на 6 млн. рублёў

Суд Ленінскага раёна Брэста аштрафаваў на 40 базавых велічыняў (6 млн. рублёў) брэсцкага журналіста Алеся Леўчука, які абвінавачваецца ў незаконным вырабе і распаўсюджванні прадукцыі СМІ (па частцы 2 артыкула 22.9 Кодэкса аб адміністрацыйных правапарушэннях).

24.12.2014 Яўгену Васьковічу перададзена медычная і рэчавая перадача

Маці Яўгена Васьковіча расказала, што перадала ў магілёўскую папраўчую калонію № 15 лекі і вітаміны, бо ў сына ўзніклі праблемы са здароўем. Сябры і аднапартыйцы сабралі для Яўгена перадачы з цёплымі рэчамі, гігенічнымі сродкамі, аформілі падпіску на газеты і часопісы.

24.12.2014 РПГА "Пакт" атрымала афіцыйную рэгістрацыю ў Літве

Рэспубліканскае праваабарончае грамадскае аб'яднанне "Рух прыхільнікаў за рэалізацыю Міжнароднага пакта аб грамадзянскіх і палітычных правах "Пакт" зарэгістравана ў Літве.

24.12.2014 Юрася Беленькага трэці раз аштрафавалі за Курапаты

Агульны штраф Беленькаму па выніках трох судоў за сёлетнія жалобныя акцыі ў Курапатах і Лошыцы склаў 11 мільёнаў 250 тысяч рублёў.

24.12.2014 “Кухня TV”: Абмеркаванне праблем пенітэнцыярнай сістэмы ў Беларусі

Новы выпуск праваабарончага відэапраекта “Кухня TV» прысвечаны ўмовам утрымання ў месцах зняволення. У абмеркаванні ўдзельнічаюць Алесь Бяляцкі, Валянцін Стэфановіч і Павел Сапелка.

24.12.2014 Камітэт па правах чалавека ААН устанавіў парушэнне права на распаўсюд інфармацыі Віталя Сымоніка

У ліпені 2006 года Віталь Сымонік разам з актывістам Андрэем Шарэндай раздаваў улёткі з запрашэннем на мітынг 27 ліпеня. Падчас раздачы іх затрымалі, улёткі канфіскавалі, а самі актывісты былі прыцягнуты да адміністрацыйнай адказнасці за распаўсюд інфармацыі пра забаронены мітынг.

24.12.2014 «Халоднае крыло Радзімы»: кніга, якая стваралася 30 год

Новая, пятая па ліку, кніга былога палітвязня, праваабаронцы і літаратара Алеся Бяляцкага «Халоднае крыло Радзімы» была прэзентаваная 23 снежня на сядзібе БНФ. Выступы аўтара, вядомых пісьменнікаў, грамадскіх дзеячоў і палітыкаў, аздабляліся дыхтоўнымі мелодыямі дудара Вячкі.