Праваабарончы цэнтр «ВЯСНА»

Навіны за 19 сакавіка 2015

19.03.2015 Намеснік старшыні БСДП і журналіст Ігар Барысаў адмовіўся ад дачы паказанняў

Сёння, 19 сакавіка, ён разам са сваёй жонкай Аленай Барысавай позвамі быў выкліканы маёрам Уладзімірам Казаковым для дачы тлумачэнняў з нагоды заявы дырэктара ААТ “Стужка” Сяргея Пятрова.

19.03.2015 Грамадская ініцыятыва "Хайсы" будзе дамагацца ўшанавання памяці ахвяр сталінізму на Віцебшчыне

Ідэя стварэння ініцыятывы "Хайсы" належыць сябру КХП БНФ Яну Дзяржаўцаву, а назвалі яе паводле назвы вёскі ў Віцебскім раёне. Паводле мясцовых жыхароў, у бліжэйшым лесе ў 1930-я гады расстрэльвалі людзей. У лістападзе 2014 г. актывісты ўсталявалі тут памятныя крыжы.

19.03.2015 Грамадскі актывіст з Хоцімска ставіць пытанне аб невыкананні дэпутацкіх абавязкаў Уладзімірам Краўцовым

Грамадскі актывіст з Хоцімска Валерый Каранкевіч падрыхтоўвае скаргі ў ЦВК і Палату прадстаўнікоў наконт таго, што дэпутат Палаты прадстаўнікоў па Крычаўскай выбарчай акрузе №83 Уладзімір Краўцоў ухіляецца ад выканання сваіх дэпутацкіх абавязкаў і на працягу шэрагу месяцаў не праводзіць прыёмы і сустрэчы з выбаршчыкамі ў сваёй выбарчай акрузе.

19.03.2015 МЗС: “Скаргі зняволеных старанна разглядаюцца”. Толькі вынік – нулявы

Апублікаваны Нацыянальны даклад да ўніверсальнага перыядычнага агляду, падрыхтаваны Міністэрствам замежных спраў Беларусі. Пытанням, якія раней вывучаліся ў ходзе маніторынгу месцаў прымусовага ўтрымання, які праводзіць ПЦ "Вясна", у дакладзе прысвечана некалькі пунктаў, якія параўноўваюцца на адпаведнасць рэчаіснасці з дакладам дзяржавы.

19.03.2015 Белсат: Вітаем у краіне катаў (відэа)

Першы ў гэтым годзе, але далёка не першы ў Беларусі, вынесены смяротны прысуд. Ён жыў 21 год - цяпер прысуджаны да расстрэлу.

19.03.2015 Чаму беларусаў палохаюць смяротнай карай?

Паводле старшыні ПЦ "Вясна" Алеся Бяляцкага, беларускія ўлады ўпарта хочуць даказаць, што пазіцыя аўтарытарызму мае права на існаванне ў еўрапейскім абсягу. Праваабаронца раіць прадстаўнікам ЕС і Рады Еўропы звярнуць увагу на рэальную сітуацыю ў нашай краіне і ацэньваць беларускае кіраўніцтва па ягоных справах.

19.03.2015 Фільм «Сэрца льва» ў Міжнародны дзень супраць расізму

Маладыя праваабаронцы запрашаюць паглядзець фільм "Сэрца льва" і падыскутаваць на тэму расізму і спосабаў супрацьстаяння яму ў сучасным свеце.

19.03.2015 “Правабаронцы супраць смяротнага пакарання” прадстаўлялі Беларусь на баркэмпе ў Кутаісі

Пераканаўчая прэзентацыя каардынатара кампаніі “Правабаронцы супраць смяротнага пакарання” Андрэя Палуды тычылася незваротнасці характару смяротнага пакарання, магчымасці судовых памылак, а таксама сакрэтнасці, якая існуе вакол вышэйшай меры

19.03.2015 Каштарыс за абслугоўванне пікета ў Капылі: паўмільёны рублёў

Сумарны кошт абслугоўвання дзяржавай пікета камусці можа падацца не надта вялікім. Калі ж да гэтай лічбы прыплюсаваць выдаткі на выраб візуальнай прадукцыі і іншыя тэхнічны моманты, дык стане відавочным, што звычайны пенсіянер, якім і з’яўляецца Віктар Дашкевіч, зможа дазволіць сабе правесці не надта шмат пікетаў.