Праваабарончы цэнтр «ВЯСНА»

Навіны за 19 траўня 2015

19.05.2015 У Наваполацку затрымалі Зьмітра Дзякава — за плякат «Свабоду палітвязьням»

Паводле сайта БХД, плякат быў вывешаны ў Віцебску 14 траўня. Актывіст — сябар аргкамітэту па стварэньні партыі «Беларуская хрысціянская дэмакратыя» Зьміцер Дзякаў — ня стаў хаваць свайго імя.

19.05.2015 Леанід Кулакоў: Я называў гэта "камерай катаванняў"

Актывіст “Еўрапейскай Беларусі” Леанід Кулакоў распавёў ПЦ “Вясна” пра ўмовы ўтрымання ў Смалявічскім ізалятары часовага ўтрымання, дзе правёў 7 сутак адміністрацыйнага арышту.

19.05.2015 Дзярждэпартамэнт нагадаў беларускім дыпляматам пра палітвязьняў

Дзярждэпартамэнт ЗША паведаміў пра сустрэчу амэрыканскіх і беларускіх дыпляматаў, якая адбылася 14 траўня ў Вашынгтоне.

19.05.2015 Мінскія чыноўнікі адмовілі ў правядзенні мітынга

Мінгарвыканкам у трэці раз адмовіў грамадзянам у правядзенні мітынга ў парку ім.Дружбы народаў. Акцыю збіраліся правесці дольшчыкі, якія пацярпелі ад сталічнай будаўнічай кампаніі “Валынь”, якая будуе дом па вуліцы Валгаградская.

19.05.2015 Магілёўскім галадоўніцам выклікалі хуткаю дапамогу

Сёння, 19 траўня, на другі дзень галадоўкі, да Наталлі Кастагладавай, а таксама Наталлі Машкоўскай прыехала хуткая дапамога. У Наталлі Кастагоравай пачалася рвота, бо яна пакутуе на язву, а ў Наталлі Машкоўскай падскочыў ціск, бо жанчына мае хворае сэрца.

19.05.2015 Вярхоўны суд не задаволіў скаргу магілёўскага журналіста

Вярхоўны суд Рэспублікі Беларусь у асобе намесніка старшыні Руслана Аніскевіча разгледзеў скаргу магілёўскага журналіста Алеся Буракова на пастанову суда Ленінскага раёна Магілёва ад 8 кастрычніка 2014 года аб вынясенні штрафу ў памеры 6 мільёнаў рублёў за незаконны выраб прадукцыі СМІ.

19.05.2015 Баранавічы: праваабаронца просіць пракуратуру праверыць факты збіцця міліцыяй аматараў футбола

Праваабаронца Сяргей Гоўша накіраваў скаргу ў Баранавіцкую міжраённую пракуратуру на дзеянні адказных асоб Міністэрства ўнутраных спраў Рэспублікі Беларусь, якія заключаліся ў збіцці футбольных фанатаў.

19.05.2015 Канстытуцыйны суд пакінуў без разгляду зварот грамадзянаў

Канстытуцыйны суд адмовіўся разглядаць зварот грамадзянаў наконт калізій паміж нормамі Канстытуцыі Рэспублікі Беларусь і Грамадзянскага працэсуальнага кодэксу Рэспублікі Беларусь (ГПК), што вызначаюць прадстаўніцтва ў грамадзянскім судаводстве. Пра гэта паведаміла карэспандэнту НЧ жыхарка гораду Бабруйск Валянціна Каваленка.

19.05.2015 Як кітайцы першымі заўважылі расьцяжку «Свабоду палітвязьням» па дарозе ў аэрапорт

Актывіста Леаніда Кулакова аштрафавалі на 30 базавых велічынь за расьцяжку «Свабоду палітвязьням».

19.05.2015 Вярхоўны суд не задаволіў скаргу грамадскага актывіста са Светлагорска Юрыя Ляшэнкі

Ён прасіў ВС адмяніць пастанову суда Светлагорскага раёна аб прыцягненні яго да адміністрацыйнай адказнасці за правядзенне пікету ў абарону людзей з абмежаванымі магчымасцямі на цэнтральнай плошчы Светлагорска.

19.05.2015 Праваабарончая праграма “Вясна” на Беларускім Радыё Рацыя

“Падзея”: Як павінна на самой справе выглядаць сістэма адукацыі Беларусі пасля ўступлення ў Балонскі працэс. “Па-за межамі”: Amnesty International абвесціла акцыю ў падтрымку вязня сумлення Набіла Раджаба, асуджанага за "абразу афіцыйных устаноў” у Твітэры. Беларускія праваабаронцы падтрымалі калегу з Бахрэйна.