Праваабарончы цэнтр «ВЯСНА»

Навіны за 12 траўня 2015

12.05.2015 Праваабарончая праграма “Вясна” на Беларускім Радыё Рацыя

“Падзея”: Палітвязеня Мікалая Статкевіча этапавалі ў турму №4 у Магілёве. Праваабаронцы звязваюць пагаршэнне ўмоў утрымання палітзняволеных найперш з перадвыбарчай сітуацыяй у краіне. "Асоба": расійскі праваабаронца Андрэй Юраў выказаўся наконт пагаршэння сітуацыі з фундаментальнымі правамі чалавека ў Беларусі

12.05.2015 Савет Міністраў парушае заканадаўства аб зваротах грамадзян

Апарат Савета Міністраў адказаў Тамары Сялюн, маці пакаранага Паўла Селюна, на зварот па ініцыяванні перад Канстытуцыйным судом пытання аб адпаведнасці артыкула 175 Крымінальна-выканаўчага кодэкса Канстытуцыі Беларусі.

12.05.2015 Кухня TV: Беларусь, Балонскі працэс і акадэмічныя свабоды

Удзельнікі відэапраекту “Кухня-TV” Уладзімір Дунаеў, сябра Грамадскага Балонскага камітэта, Валянцін Стэфановіч, намеснік старшыні ПЦ “Вясна” і юрыст МПГ “Студэцкая Рада” Марына Штрахава разважаюць на тэму далучэння Беларусі да Балонскага працэсу.

12.05.2015 РЭП аспрэчвае забарону мітынга на 1 мая

11 мая Беларускі прафсаюз радыёэлектроннай прамысловасці (РЭП) абскардзіў забарону Мінскага гарвыканкама на правядзенне Першамайскага мітынгу. Скарга пададзеная ў суд Маскоўскага раёна Мінска.

12.05.2015 Навучальны семінар «Крэатыўныя грамадскія кампаніі» для прадстаўнікоў беларускіх НДА

Да ўдзелу запрашаюцца прадстаўнікі беларускіх няўрадавых арганізацый і ініцыятыўных груп, якія хочуць вырашаць грамадскія праблемы ў Беларусі з дапамогай крэатыўных аўдыёвізуальных тэхнік.

12.05.2015 У Лябедзькі – канфіскацыя кніг на мяжы і пошук зброі ў кватэры

“Iнтрыга блiжэйшага часу, што знойдуць "эксперты" ў маей кнiзе "108 дзен i начэй у засценках КДБ"? Падрыў канстытуцыйнага ладу Беларусi цi праўду аб падаўленнi iншадумства i здзеках над апанентамi мясцовага правiцеля?!” – напісаў палітык у facebook.

12.05.2015 Даклад аб дыскрымінацыі беларускамоўных вывучаецца профільным ведамствамі

На дадзены момант вядома, што Савет Міністраў накіраваў даклад у Міністэрства юстыцыі, Міністэрства адукцыі і Мінскі аблвыканкам. У Палаце прадстаўнікоў вывучэнем дакладу займаецца Пастаянная камісія па адукацыі, культуры і навуцы.

12.05.2015 Салігорскі РАУС ухіліўся ад адказу на запыт аб магчымасці распаўсюду нацыянальнай сімволікі

Нагодай для такога запыту з боку сябраў АГП ў праваахоўныя органы стаў факт гандлю з пачатку красавіка ў розных частках Салігорска, у тым ліку на вялікай аўтастаянцы каля аднаго з гіпермаркетаў, сцяжкамі былого СССР.

12.05.2015 Баранавічы: суд па справе адмовы ў правядзенні першамайскага пікета прызначаны на 14 траўня

Прафсаюзны актывіст Рыгор Грык атрымаў паведамленне з суда Баранавіцкага раёна і горада Баранавічы аб тым, што яго скарга на адмову гарвыканкама ў правядзенні першамайскага пікета, будзе разгледжана 14 траўня.