Праваабарончы цэнтр «ВЯСНА»

Навіны за 22 траўня 2015

22.05.2015 Конкурс: удзельнічай у летніх Школах па правах чалавека для моладзі - 2015

Беларуская праваабарончая школа, арганізаваная міжнароднай супольнасцю праваабарончых арганізацый, працягвае конкурс на ўдзел у Летніх школах па правах чалавека на 2015 год.

22.05.2015 Гомельскіх журналістаў-фрылансераў Кастуся Жукоўскага і Наталлю Крывашэй адпусцілі з міліцыі без складання пратаколу

Фрылансеры былі затрыманыя сёння, 22 траўня, каля будынку суда Гомельскага раёна. Міліцыянерам не спадабалася, што яны здымалі відэа каля будынку суда.

22.05.2015 У Лунінцы – акцыя салідарнасці з палітвязнямі (фота)

На аўтобусных прыпынках раённага горада Лунінца з’явіліся здымкі беларускіх палітвязняў з кароткай інфармацыяй пра іх. Жыхарам горада прадставілі адрозны ад прапагандуемага ўладамі пункт гледжання на прычыны, з-за якіх гэтыя людзі апынуліся за кратамі.

22.05.2015 Галоўныя ўладныя сайты Гарадзеншчыны ігнаруюць беларускую мову

Афіцыйны сайт Гродзенскага гарвыканкаму ігнаруе ў сваёй інфармацыйнай палітыцы беларускую мову. Яшчэ горшая цяперашняя сітуацыя ў гэтым плане на афіцыйным сайце Гродзенскага аблвыканкаму.

22.05.2015 Дэпутат Эдуард Сянькевіч нічым не дапамог абвесціўшым галадоўку магіляўчанам

Сёння, 22 траўня, на прыём да дэпутата Палаты прадстаўнікоў атрымалася патрапіць галадоўніцам Наталлі Машкоўскай, Валянціне Батуры, а таксама грамадскаму актывісту Валадару Цурпанаву.

22.05.2015 Бабруйск: Дэпутата гарсавета асудзілі да двух гадоў калоніі за каўбасу

Віктар Хадасевіч быў абраны дэпутатам гарадскога Савета дэпутатаў у мінулым годзе. Тады ён працаваў галоўным інжынерам ААТ "Мясакамбінат" і прайшоў па Чэхаўскай выбарчай акрузе №27.

22.05.2015 Гродзеншчына: заяўленыя АГП пікеты супраць Дэкрэту №3 не дазволены

Пяць заяваў было пададзена ў гарвыканкам у Гродне, іншыя – ў Слоніме, Лідзе і Астраўцы. Аднак атрымаць станоўчы адказ на правядзенне такіх інфармацыйных пікетаў не ўдалося.

22.05.2015 Баранавічы: скарга на забарону першамайскага пікета прызнана неабгрунтаванай

У судзе Баранавіцкага раёна 21 траўня адбыўся разгляд справы па заяве Рыгора Грыка, які аспрэчваў забарону правядзення першамайскага пікета мясцовым гарвыканкамам. Суддзя Мікалай Селімановіч прызнаў неабгрунтаванымі патрабаванні грамадскага актывіста.

22.05.2015 Гомельскага журналіста-фрылансера суд трэці раз пакараў за працу без акрэдытацыі, а пасля паседжання яго яшчэ і затрымалі

Па артыкулу 22.9 КаАП (незаконны выраб прадукцыі СМІ) фрылансера Кастуся Жукоўскага суд пакараў штрафам у памеры 25 базавых велічынь.

22.05.2015 Выдаўца газеты “Вольны горад” спрабуюць выклікаць у Крычаўскі РАУС

Выдаўцу газеты “Вольны горад” Уладзіміру Кудраўцаву 21 траўня патэлефанаваў начальнік ААПП Крычаўскага РАУС Вусік І. В. і запрасіў яго прыйсці ў райаддзел. Уладзімір Кудраўцаў паведаміў, што ён наведае РАУС толькі пасля атрымання на рукі аформленай згодна закона афіцыйнай позвы.

22.05.2015 Amnesty International: Абодва бакі на Данбасе катуюць палонных

На ўсходзе Украіны абодва бакі канфлікту часта і шырока ўжываюць катаванні да палонных, заяўляе міжнародная праваабарончая арганізацыя Amnesty International.

22.05.2015 Магілёўскія актывісты патрабуюць забяспечыць галадаючых медыкам

21 траўня галоўнаму лекару цэнтральнай паліклінікі быў дасланы зварот з просьбай забяспечыць пратэстуючых медыцынскім суправаджэннем. Пайшоў ужо пяты дзень, як жанчыны не ўжываюць ежу. Гэта можа даць пра сябе ведаць ў любы момант.