Праваабарончы цэнтр «ВЯСНА»

Навіны за 25 сакавіка 2016

25.03.2016 У Дзень Волі віцябляне ўскладалі кветкі пад наглядам міліцыі (фота)

Каля дзясятка дэмакратычных актывістаў ішлі па горадзе, а за імі, нацягнуўшы капюшоны да вачэй, рушылі супрацоўнікі міліцыі ў цывільным. Дзяўчына-супрацоўніца здымала ўсё гэта на відэакамеру, схаваўшыся за шклянымі дзвярыма.

25.03.2016 Дзень волі ў Мінску

Дзень Волі адзначае сёння дэмакратычная грамадскасць Беларусі. У гэты дзень, 98 гадоў назад была абвешчаная Беларуская Народная Рэспубліка (БНР). Афіцыйна гэтае свята ў краіне не адзначаецца, аднак сталічныя ўлады дазваляюць правесці мітынг і шэсце.

25.03.2016 Каля гарвыканкама ў Гародні затрымалі актывістаў

Пяць актывістаў Беларускай Хрысціянскай дэмакратыі былі затрыманыя міліцыянтамі каля будынку гродзенскага гарвыканкаму.

25.03.2016 Дзень волі суд Цэнтральнага раёна Мінска адзначае чарговымі штрафамі

У судзе Цэнтральнага раёна Мінска (Кірава, 21) 25 сакавіка – разгляд адміністрацыйных спраў удзельнікаў пікету каля Расійскай амбасады ў Мінску ў падтрымку украінскай лётчыцы Надзеі Саўчанка. Акцыя праходзіла 9 сакавіка.

25.03.2016 У Магілёве актывістам Свабоднага прафсаюза металістаў дазволілі правядзенне пікета

Мэта пікета – адзначэнне 25-годдзя масавых выступленняў рабочых Беларусі, а таксама выказванне пратэсту супраць пагаршэння правоў працоўных, росту тарыфаў ЖКГ, павышэння пенсійнага ўзросту, а таксама высокага ўзроўню беспрацоўя. Мерапрыемства мусіць адбыцца 2 красавіка.

25.03.2016 Суд вяртаецца да разгляду справы Святланы Якшынай больш чым праз месяц

Актывістку АГП Святлану Якшыну выклікалі ў суд Ленінскага раёна Мінску на 28 сакавіка за акцыю супраць міліцэйскага гвалту, якая адбылася напрыканцы студзеня каля Вярхоўнага суда.

25.03.2016 На ААТ “Полацк-Шкловалакно” хочуць звольніць актывіста Свабоднага прафсаюза

Мікола Шарах, намеснік старшыні рэспубліканскага Свабоднага прафсаюзу Беларускага, сябра Рады пры Міністэрстве працы па ўдасканаленьні працоўнага заканадаўства, памочнік майстра ў цэху вытворчасці шкловалакна №7, атрымаў папярэджанне пра непрацягненне кантракта з 30 красавіка.