Праваабарончы цэнтр «ВЯСНА»

Навіны за 26 ліпеня 2016

26.07.2016 "Арганізатарамі выбараў у Беларусі фактычна з'яўляюцца праўладныя грамадскія аб'яднанні"

Паводле ЦВК, найбольшую колькасць вылучэнцаў ва ўчастковыя камісіі маюць грамадскія арганізацыі — 49,9%. Праваабаронца Валянцін Стэфановіч у каментары Свабодзе назваў гэта "спецыфікай палітычнай сістэмы Беларусі".

26.07.2016 Чаму вынеслі і чаму папярэджанне адмянілі – прэтэндэнт у кандыдаты атрымаць адказу не можа

Прэтэндэнт у кандыдаты па Баранавіцкай-Усходняй выбарчай акрузе №6 Мікалай Чарнавус да гэтага часу не можа атрымаць матываваных адказаў на пытанні: чаму яму было вынесена папярэджанне і чаму адмененае.

26.07.2016 Дзмітрыя Паліенку зноў этапавалі ў Жодзінскае СІЗА

Як стала вядома ПЦ “Вясна”, 22 ліпеня Дзмітрыя Паліенку перавезлі ў СІЗА №8 г. Жодзіна.

26.07.2016 Асуджаныя крычаўскай папраўчай установы выступілі супраць нізкай аплаты працы

Асуджаныя папраўчай установы адкрытага тыпу № 45 (Крычаў), прыцягнутыя да падрыхтоўкі Мсціслава да «Дажынак», пратэстуюць супраць нізкай аплаты і ўмоў працы, паведаміў БелаПАН сваяк аднаго з асуджаных.

26.07.2016 БАЖ: Надвор’е і спорт цікавяць беларускія СМІ больш за выбары

26 ліпеня БАЖ прэзентавала вынікі першага этапу маніторынга асвятлення парламенцкіх выбараў у беларускіх СМІ.

26.07.2016 Кандыдат хоча кантраляваць кожны выбарчы ўчастак

Кандыдат у дэпутаты ад Аб'яднанай грамадзянскай партыі (АГП) па Гомельскай-Сельмашаўскай акрузе №32 Уладзімір Кацора патрабуе ўключыць у склад усіх 34 сфармаваных участковых выбарчых камісій па акрузе свае кандыдатуры.

26.07.2016 Праваабаронцы: «За прэтэндэнтаў у кандыдаты ад улады ўжо вядзецца агітацыя»

Назіральнікі кампаніі “Праваабаронцы за свабодныя выбары” ў Гародні фіксуюць няроўныя ўмовы ў выбарчай кампаніі нават на этапе збору подпісаў, пра што распавялі Свабодзе.

26.07.2016 Мінскі абласны суд не задаволіў скаргі на "несвабоду" мірных сходаў

Мінскі абласны суд не задаволіў касацыйныя скрагі грамадскіх актывістаў на адмовы ў вынясенні на сесіі Слуцкага і Салігорскага раённых Саветаў дэпутатаў праектаў рашэнняў “Аб свабодзе мірных сходаў”.

26.07.2016 Пратаколы, складзеныя на Паўла Вінаградава, суд адправіў на дапрацоўку ў РУУС

Суд Першамайскага раёна Мінска 26 ліпеня пастанавіў адправіць на дапрацоўку пратаколы адміністрацыйнага правапарушэння, складзеныя на актывіста моладзевай ініцыятывы «Zмена» Паўла Вінаградава.

26.07.2016 Праваабарончая праграма “Вясна” на Беларускім Радыё Рацыя

“Хроніка”: Удзельнікаў Дня Волі працягваюць караць вялікімі штрафамі; Камітэт па правах чалавека ААН просіць адкласці расстрэл Генадзя Якавіцкага; пенсіянерка з Бабруйска Любоў Санкевіч аштрафаваная на шэсцьсот трыццаць рублёў.

26.07.2016 Прадстаўнікі ад палітычных партый складаюць крыху больш за 2% ад колькасці вылучаных у склад участковых камісій у Брэсцкай вобласці

Акрамя таго, ад грамадзян шляхам падачы адпаведных заяў у мясцовыя выканкамы ў склады камісій вылучаны 4 116 чалавек (39,3% ад агульнай колькасці), ад працоўных калектываў - 1 630 чалавек (15,5%).

26.07.2016 Жодзіна: для выбарчай акругі №64 узгодненыя ўсе абмежаванні па агітацыі

З памяшканняў, дзе дазваляецца праводзіць сутрэчы з выбарнікамі ў Жодзіне, выкрэслена зручнае і скарыстоўваемае раней ўсімі кандыдатамі месца - зала кінатэатру “Равеснік”.

26.07.2016 Cправаздача па выніках назірання за судом па адміністрацыйнай cправе супраць журналіста-фрылансера

Маніторынгавая справаздача па выніках назірання за ходам судовага працэса пры разглядзе ў судзе Лоеўскага раёна адміністрацыйнай справы супраць журналіста-фрылансера Кастуся Жукоўскага, падрыхтаваная праваабаронцамі "Гомельскай Вясны".