Праваабарончы цэнтр «ВЯСНА»

Навіны за 22 красавіка 2019

22.04.2019 У Гродна судзяць адразу трох журналістаў

У судзе Ленінскага раёна г. Гродна пачаўся разгляд адміністрацыйных справаў журналістаў-фрылансераў Алеся Дзянісава, Аляксея Кайрыса і Катажыну Ляўдацкую. Іх вінавацяць у незаконным вырабе і распаўсюдзе інфармацыйнай прадукцыі па арт. 22.9 КаАП.

22.04.2019 Ці законна адпраўляць дэпутатаў у адстаўку на 10 месяцаў раней?

На гэтае ды іншыя пытанні ў жывым эфіры Еўрарадыё адказваюць дэпутат Палаты прадстаўнікоў Ганна Канапацкая і каардынатар кампаніі “Праваабаронцы за свабодныя выбары” Уладзімір Лабковіч.

22.04.2019 У Магілёве хочуць правесці «Манстрацыю»

Валанцёрская служба «Магілёўскай вясны» і праваабаронцы ПЦ «Вясна» напачатку траўня збіраюцца правесці абсурдны пікет «Манстрацыя». Апавяшчэнне ўжо накіравана гарадскім уладам.

22.04.2019 "Працэдура падліку галасоў на ўкраінскіх выбарах можа быць прыкладам для Беларусі”

У нядзелю 21 красавіка ва Украіне адбыўся другі тур прэзідэнцкіх выбараў. Па дадзеных Цэнтральнай выбарчай камісіі Украіны па стане на 12 гадзін 22 красавіка за Ўладзіміра Зяленскага прагаласавалі 73,14% выбаршчыкаў, а за Пятра Парашэнку — 24,53%.

22.04.2019 Абсерваторыя па абароне праваабаронцаў асуджае пераслед берасцейскіх актывістаў

Абсерваторыя па абароне праваабаронцаў асуджае судовы пераслед сябра ПЦ “Вясна” Уладзіміра Вялічкіна, а таксама 17 экалагічных актывістаў, якія былі затрыманыя 12 і 14 красавіка ў межах пратэстаў супраць будаўніцтва акумулятарнага завода ў Брэсце.

22.04.2019 Пад Берасцем жорстка затрымалі групу анархістаў

Сярод затрыманых былі непаўналетнія, а таксама адна дзяўчына. Пазней адпусцілі 5 чалавек. Ніякіх пратаколаў не складалі, тлумачэнняў не далі. Такім чынам зараз у ІЧУ, горад Кобрын, знаходзіцца 6 актывістаў анархічнага руху.

22.04.2019 Анжаліку Борыс будуць судзіць за "несанкцыянаванае” свята “Казюкі”

Па інфармацыі “Гарадзенскай Вясны”, на старшыню непрызнанага афіцыйнай уладай РБ Саюзу палякаў у Беларусі гарадзенская міліцыя склала пратакол пра нібыта адміністрацыйнае правапарушэнне па арт 23.34 КаАП, а менавіта за "несанкцыянаванае" правядзенне ў сакавіку бягучага году традыцыйнага свята "Казюкі".

22.04.2019 Актывіста затрымалі за плакат з паэтычным радком Някляева

Пад час пікету супраць зносу крыжоў у Курапатах, які адбыўся каля Свята-Духава кафедральнага сабора ў Менску 21 красавіка быў затрыманы адзін з удзельнікаў.

22.04.2019 Берасце: Некалькі праціўнікаў завода АКБ правялі па тры гадзіны ў пастарунку

У Ленінскім РАЎС Берасця 21 красавіка на Людмілу Карчэўскую, Адяксандра Казлянку, Аляксандра Марачэўскага, Ірыну і Эдуарда Сіліцкіх склалі пратаколы адміністратыўнага правапарушэння паводле арт. 23.34 за выказванне “грамадзка-палітычных думак...”