Праваабарончы цэнтр «ВЯСНА»

Навіны за 16 лютага 2009

16.02.2009 Улады Беларусі ў чарговы раз прадэманстравалі сваё стаўленьне да правоў чалавека і нежаданне праводзіць дэмакратычныя змены ў краіне

Заява. Мінск, 16.02.2009 г. 14 і 16 лютага ў г . Мінску прайшлі мірныя дэманстрацыі, якія былі жорстка разагнаныя спецпадраздзяленнямі МУС.

16.02.2009 Стварэнне грамадзка-кансультатыўнай Рады ў Мастах не плануецца

Каардынатар Руху "За Свабоду" па Гарадзенскай вобласці Алесь Зарэмбюк атрымаў адказ ад старшыні Мастоўскага райвыканкаму Аляксея Шафарэвіча, што стварэнне Грамадзка-кансультатыўнай Рады пры райвыканкаме не плануецца.

16.02.2009 “Следство кончано, цяпер будзе суд”

Як паведамляе "Аrche.by", Атрымала працяг гісторыя з канфіскацыяй у кастрычніку мінулага году на беларуска-польскай мяжы беларускімі мытнікамі 10 паасобнікаў таўсьценнага нумару № 7–8 часопіса “ARCHE” за 2008 год, прысьвечанага ў асноўным дарасейскай гісторыі Беларусі. Як казаў адзін з галоўных пэрсанажаў несьмяротнага фарсу-вадэвілю Вінцэнта Дуніна-Марцінкевіча “Пінская шляхта”, станавы прыстаў Кручкоў: “Следство кончано, цяпер будзе суд”.

16.02.2009 У справе пошуку недакладнасцей у дакумантах "Нашай Вясны" для Мінюста ўсе сродкі прымальныя

Міністэрства юстыцыі Беларусі працягвае збор інфармацыі аб заснавальніках Грамадскага праваабарончага аб’яднаньня “Наша Вясна”. Часам імпэту мінюстаўскіх чыноўнікаў можна пазайздросьціць: наколькі тыя мэтанакіравана і напорыста, нават не задумваючыся на паўнамоцнасьць сваіх дзеянняў, шукаюць любыя зачэпкі і недакладнасці, каб годна ў вачах Еўразвязу адмовіць праваабаронцам у рэгістрацыі.

16.02.2009 Разгон “Акцыі любові”

14 лютага спэцназ міліцыі разагнаў несанкцыянаваную “Акцыю любові”, якую арганізаваў “Малады фронт”

16.02.2009 Ператрусы да дня Сьвятога Валянціна

14 лютага людзі ў цывільным ўварваліся ў менскую кватэру, у якой знаходзяцца актывісты “Маладога фронту” Мікола Дземідзенка, Валер Мацкевіч і Вадзім Ханяўка. У кватэры ўсчалі ператрус, які трываў да 15:30.

16.02.2009 Зьезд БХД пройдзе не на Кастрычніцкай плошчы

Менгарвыканкам даў сябрам аркамітэту дзеля стварэньня БХД памяшканьне для правядзеньня зьезду.

16.02.2009 26 ператрусаў у Ваўкавыску

Як паведамляе ў сваім блогу гарадзенскі журналіст Андрэй Пачобут, колькасць ператрусаў, якія былі праведзены ў мінулую нядзелю ў Ваўкавыску ў межах так званай «справы Аўтуховіча» значна перавышае лічбы, раней агучаныя ў прэсе. Ёсць інфармацыі, што ўсяго праведзена было 26 ператрусаў. Трэслі ўсіх, хто меў хоць нейкую сутычнасць з Мікалаем Аўтуховічам.