Праваабарончы цэнтр «ВЯСНА»

Навіны за 27 студзеня 2010

27.01.2010 Брэст: Дэмакратычныя сілы будуць каардынаваць сваю дзейнасць падчас выбарчай кампаніі

Адпаведнае пагадненне аб супрацоўніцтве падчас выбараў у мясцовыя Саветы дэпутатаў падпісалі кіраўнік Брэсцкай абласной структуры Партыі БНФ Дзмітры Шыманскі, кіраўнік абласной арганізацыі Руху “За Свабоду” Зміцер Трэцяк, мясцовыя прадстаўнікі Аргкамітэту па стварэнні партыі БХД (Зміцер Шурхай), прадстаўнікі адной з рэгіянальных структураў партыі АГП.

27.01.2010 Калінкавічы: Крытыка як заяўка на кандыдацтва ў аблсавеце?

У некалькіх апошніх нумарах райвыканкамаўскай газеты “Калінкавіцкія навіны” з’явіліся даволі нехарактэрныя для гэтага выдання артыкулы, аўтарства якіх належыць галоўнаму рэдактару Івану Гарысту. Разгадка, магчыма, у тым, што ён у чарговы раз збіраецца балатавацца ў Гомельскі абласны Савет.

27.01.2010 БДІПЧ АБСЕ дасць сваю ацэнку зменам у Выбарчы кодэкс Беларусі

Як паведаміў журналістам у Мінску 27 студзеня новы кіраўнік Офіса АБСЕ ў Мінску Бенедыкт Халер, беларускі бок перадаў БДІПЧ для азнаямлення папраўкі ў выбарчае заканадаўства.

27.01.2010 Судовыя выканаўцы тэрарызуюць бацькоў Насты Машчавай

Другі дзень запар судовыя выканаўцы спрабуюць патрапіць у кватэру, дзе разам з бацькамі пражывае актывістка “Маладой Беларусі” Наста Машчава. Сёньня ў другой палове дня яны разам з тэлежурналістамі БТ патрапілі ў кватэру.

27.01.2010 У Эўранэст зь Беларусі запросяць толькі апазыцыю

Сёньня ў Брусэлі адбылася сустрэча Бюро Эўранэста, на якой абмяркоўваўся фармат удзелу шасьці краін "Усходняга партнэрства" ў Парлямэнцкай асамблеі "Ўсходняга партнэрства" (EURONEST PA, EU-Neighborhood East Parliamentary Assembly).

27.01.2010 Прадстаўнікоў апазіцыі не ўключылі ў склад Гомельскай гарадской тэрытарыяльнай выбарчай камісіі

Ад АГП на ўключэнне ў камісію была прадстаўлена кандыдатура Юрыя Варонежцава, былога дэпутата Вярхоўнага Савета СССР, фізіка, кандыдата тэхнічных навук. Ад БХД у камісію быў прапанаваны гісторык Святаслаў Шапавалаў. Але яны не былі уключаны ў склад камісіі. Разам з тым, перавага была аддадзена сябру КПБ.

27.01.2010 У Слоніме “пацяпленне”?

У размове пра маючыя адбыцца выбары ў мясцовыя Саветы дэпутатаў старшыня райвыканкаму запэўніў грамадскіх і партыйных актывістаў, што ўвесь выбарчы працэс будзе ісці згодна з заканадаўствам.

27.01.2010 Вылучэнні партыйцаў у камісіі на Гарадзеншчыне: актыўнасць розная

Дэмакратычныя палітычныя партыі Гарадзенскай вобласці выявілі розную актыўнасць пры вылучэнні сваіх прадстаўнікоў ў тэрытарыяльныя выбарчыя камісіі.

27.01.2010 Віцебск: Дэмакраты памкнуліся ў камісіі

У спіс грамадзян, вылучаных у склад Віцебскай абласной выбарчай камісіі па выбарах у мясцовыя Саветы дэпутатаў дваццаць шостага склікання, увайшлі 22 кандыдата. Сярод іх - прадстаўнікі ўлады, палітычных партый, грамадскіх арганізацый і прафесійных саюзаў, пенсіянеры, прадстаўнікі творчых прафесій, беспрацоўныя.

27.01.2010 Сталічныя камуністы хочуць патрапіць у камісіі па максімуму

Левыя хочуць бачыць Сяргея Вазняка ў складзе Менскай гарадской камісіі і падалі адпаведную заяўку, а таксама маюць намер вылучыць да 5 лютага сваіх прадстаўнікоў ва ўсе 9 тэрытарыяльных выбарчых камісій па сталіцы.

27.01.2010 Аршанскія партыйцы маюць намер патрапіць у камісіі

Па меркаванні актывістаў АДС Оршы, па тым, ці ўключаць прадстаўнікоў апазіцыі ў выбаркамы, можна будзе меркаваць, ці сапраўды беларускія ўлады гатовыя да правядзення справядлівых і сумленных выбараў.

27.01.2010 Барысаў: Нераўнамерная лібералізацыя

Дзівоснае побач: учора раніцай барысаўскі праваабаронца Алег Мацкевіч зарэгістраваў у Менскам аблвыканкаме заяву пра сваё вылучэнне шляхам збору подпісаў выбаршчыкаў у склад абласной выбарчай камісіі, у якой, акрамя ўсяго іншага, утрымлівалася просьба пра запрашэнне на паседжанне органа, які фармуе камісію, прадстаўніка выбаршчыкаў Сяргея Салаша, а ўвечары ў кватэры Салаша ўжо раздаўся званок.

27.01.2010 Дапаможнік «Абскарджанне парушэнняў выбарчых правоў»

Дапаможнік на гэтую тэму напярэдадні выбарчай кампаніі падрыхтавалі юрысты грамадскіх арганізацыяў краіны.

27.01.2010 Эўрапейскія праваабаронцы пішуць Лукашэнку

12 няўрадавых арганізацый з 7 краінаў Эўропы падпісалі адкрыты ліст да кіраўніка Беларусі Аляксандра Лукашэнкі з патрабаваньнем неадкладна вызваліць з турмы Івана Міхайлава і скасаваць штраф Дзьмітрыю Смыку за іх адмову з-за рэлігійных перакананьняў служыць у войску.

27.01.2010 У Магілёве забаранілі мерапрыемства, прысьвечанае Магдэбурскаму праву

Магілёўскія ўлады не дазволілі грамадзкім актывістам і гісторыкам правесьці ў гарадзкой ратушы круглы стол, прысьвечаны гадавіне наданьня Магілёву Магдэбурскага права.