Праваабарончы цэнтр «ВЯСНА»

Навіны за 11 лютага 2010

11.02.2010 Матэрыялы беларускіх НДА, падрыхтаваныя для Універсальнага перыядычнага агляду па Беларусі ў Савеце па правах чалавека ААН

Гэтая падборка матэрыялаў падрыхтаваная ў жніўні-кастрычніку 2009 года групай беларускіх НДА для перадачы ў офіс Вярхоўнага камісара ААН па правах чалавека ў сувязі з падрыхтоўкай Універсальнага перыядычнага агляду выканання Рэспублікай Беларусь яе міжнародных абавязацельстваў у галіне правоў чалавека. Матэрыялы ўтрымліваюць спасылкі на больш дэталёвыя даклады і публікацыі. У падрыхтоўцы матэрыялаў удзельнічалі наступныя арганізацыі: Міжнародная Федэрація правоў человека (FIDH), Беларускі Хельсінкскі Камітэт (БХК), Беларуская асацыяцыя журналістаў (БАЖ), Праваабарончы цэнтр «Вясна», Асамблея дэмакратычных няўрадавых арганізацыяў, выкарыстаныя матэрыялы Беларускага Кангрэса дэмакратычных прафсаюзаў.

11.02.2010 Валянцін Стэфановіч: Заклікаем урад Беларусі таксама актыўна супрацоўнічаць з ААН

11 лютага праваабаронцы прэзенавалі даклад для працэдуры універсальнага перыядычнага агляду Беларусі ў межах Савета ААН па правах чалавека

11.02.2010 Магілёўскі губернатар Пётр Руднік праінструктаваў педагогаў з нагоды выбараў

Кіраўнік Магілёўскага аблвыканкама Пётр Руднік падкрэсліў асаблівую адказнасць педагагічнага корпуса за правядзенне набліжаючыхся выбараў у мясцовыя Саветы дэпутатаў.

11.02.2010 Беларускаму дзяржаўнаму агляду падрыхтавана альтэрнатыва

Упершыню за 10 год Беларусь рыхтуецца прадставіць у Савет па правах чалавека ААН універсальны перыядычны агляд выканання рэспублікай міжнародных абавязацельстваў у галіне правоў чалавека.

11.02.2010 У акруговых камісіях Віцебшчыны ўсё пад кантролем

Нягледзячы на змены ў Выбарчым кодэксе, акруговыя выбарчыя камісіі знаходзяцца пад кантролем выканаўчай улады. Гэта сцверджанне лёгка правяраецца, калі звярнуць увагу на месцы працы сябраў нядаўна створаных акруговых выбаркамаў і, асабліва, іх кіруючага складу.

11.02.2010 У Гомелі аштрафавалі прызыўніка Яўгена Якавенку

Судзьдзя Савецкага раёну Гомелю Алена Дзічкоўская пакарала прызыўніка Яўгена Якавенку штрафам у памеры 175 тысяч рублёў. На падставе пратаколу гарадзкога ваенкама яго абвінавацілі ў тым, што ён не зьявіўся 29 сьнежня без паважных прычын на “мерапрыемствы прызыву”.

11.02.2010 У Віцебску знішчаны ўнікальныя вітражы з "Пагоняй"

Падчас рэканструкцыі чыгуначнага вакзала ў Віцебску знішчылі ўнікальны комплекс вітражоў з выявамі гербаў абласных гарадоў. Цэнтрам кампазіцыі быў вітраж з гербам "Пагоня" і надпісам "Беларусь" на бел-чырвона-белым фоне.

11.02.2010 Актывіст судзіцца з газэтай гарвыканкаму

Суд Бабруйску й Бабруйскага раёну прыняў да разгляду скаргу актывіста незарэгістраванай Партыі свабоды й прагрэсу Сяргея Еўдакімовіча на газэту гарвыканкаму «Бабруйскае жыцьцё».

11.02.2010 “Мінская спадчына” паскардзілася ў пракуратуру на “Звязду” і Астаповіча

Прадпрыемства “Мінская спадчына” падало заяву ў пракуратуру на газету “Звязда” і Таварыства аховы помнікаў гісторыі і культуры, якое ўзначальвае Антон Астаповіч. Нагодай стаў матэрыял у дзяржаўнай газеце пра знос старога будынку на вуліцы Рэвалюцыйнай, паведаміў Еўрарадыё галоўны інжынер “Мінскай спадчыны” Міхаіл Жых.

11.02.2010 Суд Драгічынскага раёна падтрымаў работніцу Інгу Фядчук

Работніца рэспубліканскага ўнітарнага прадпрыдпрыемства “Экзонглюкоза” Інга Фядчук з Драгічына рашэннем суда Драгічынскага раёна ўзноўлена на папярэдняй працы вышэйзгаданага прадпрыемства. Фядчук таксама павінны выплаціць больш за 2 млн рублёў за вымушаныя прагулы і кампенсацыю маральнай шкоды.

11.02.2010 Гародня: партыі абскарджваюць неўключэнне прадстаўнікоў у акруговыя камісіі

Гарадзенскія абласныя арганізацыі БСДГ і АГП накіравалі скаргі ў абласны суд на неўключэнне сваіх сябраў у склад акруговых выбарчых камісій па выбарах дэпутатаў у Гарадзенскі абласны Савет.

11.02.2010 Гомельшчына: Хто складае меншасць у акруговых камісіях?

Па 1-2% прадстаўнікоў ад «іншых» грамадскіх аб'яданняў і апазіцыйных партый уключаны ў акруговыя камісіі. Так, у 60 акруговых камісіях агульнай колькасцю 780 чалавек АГП мае прадстаўніцтва ў 1%, «іншыя» грамадскія аб'яднанні — 1%, партыя левых «Справядлівы свет» - 2%.

11.02.2010 Анжаліку Борыс з паплечнікамі выклікаюць на допыт

Сёньня міліцыянты наведалі ў Горадні фірму “Палёніка”, якой кіруе Анжаліка Борыс — кіраўніца не прызнаванага ўладамі Саюзу палякаў. Яны прынесьлі позвы на допыт спадарыні Борыс, а таксама Андрэю Пачобуту, Мечыславу Яскевічу і Ігару Банцару.

11.02.2010 Вярхоўны прадстаўнік ЕС занепакоеная сітуацыяй з Саюзам палякаў у Беларусі

Вярхоўны прадстаўнік Еўрасаюза па пытаннях агульнай палітыкі і бяспекі Кэтрын Эштан "падзяляе занепакоенасць" у сувязі з сітуацыяй вакол польскай нацыянальнай меншасці ў Беларусі.

11.02.2010 Брэст: Пракуратура папярэдзіла Івана Стасюка за дзейнасць ад імя незарэгістраванай арганізацыі

У афіцыйным папярэджанні значыцца, што матэрыялы аб дзейнасці актывіста паступілі ў пракуратуру з УКДБ Брэсцкай вобласці. З прадстаўленай інфармацыі і з раздруковак матэрыялаў сайтаў “Малады Фронт” і “Радыё Рацыя” была зроблена выснова, што актывіст прыймае ўдзел у дзейнасці незарэгістраванай арганізацыі.