Праваабарончы цэнтр «ВЯСНА»

Навіны за 18 лютага 2010

18.02.2010 Крупкі: З сябрам ініцыятыўнай групы “папрацавалі”

Пасля гутаркі з прадстаўнікамі ўладнай вертыкалі Сяргей Клетны заявіў сябру АГП Ганне Бандарэнка, што не зможа працаваць у складзе ініцыятыўнай групы па зборы подпісаў для вылучэння яе кандыдатам у дэпутаты мясцовага райсавета.

18.02.2010 Баранавічы: Звольнены з працы актывіст БХД, які падаў заяўку на рэгістрацыю ініцыятыўнай групы

Сябра Аргкамітэту па стварэнні Партыі “Беларуская хрысціянская дэмакратыя” Аляксандр Кабяк быў звольнены з працы.

18.02.2010 Павел Севярынец: “БХД – выклік для рэжыму…”

Незарэгістраваная партыя “Беларуская хрысціянская дэмакратыя” вылучае з сваіх шэрагаў 204 кандыдаты ў дэпутаты па ўсёй рэспубліцы, робячы асаблівы акцэнт на субсідыярным прынцыпе вырашэння надзённых пытанняў людзей.

18.02.2010 Гародня: Суды не задавальняюць скаргі партыйцаў

Гарадзенскі абласны суд адмовіў Гарадзенскай абласной арганізацыі БСДГ у разглядзе касацыйнай скаргі і адмовіў у задавальненні скаргі АГП.

18.02.2010 Запрашэнне для прэсы на адкрытыя перамовы паміж праваабарончай супольнасцю і беларускімі сілавымі структурамі

Праваабарончыя арганізацыі Беларусі заяўляюць аб ініцыяванні перамоваў з сілавымі структурамі Беларусі для абмену пазіцыямі адносна гвалтоўных дзеянняў у адносінах да ўдзельнікаў масавых мерапрыемстваў 8, 14 і 16 лютага, а таксама сітуацыі вакол “Саюза палякаў на Беларусі”.

18.02.2010 У Віцебску зноў затрымалі Барыса Хамайду

18 лютага ў Віцебску быў затрыманы міліцыяй больш чым на дзве гадзіны актывіст КХП БНФ Барыс Хамайда за распаўсюджванне партыйнага часопіса «Беларускія ведамасці».

18.02.2010 Вярхоўны суд адхіліў скаргу на нерэгістрацыю “Брэсцкай вясны”

Сёння ў Вярхоўным судзе Беларусі разглядалася касацыйная скарга заснавальнікаў праваабарончага грамадскага аб’яднання “Брэсцкая вясна”. Скарга датычылася адмовы ў рэгістрацыі аб’яднання галоўным ўпраўленнем юстыцыі Брэсцкага абласнога выканаўчага камітэта, якое было пакінута бяз зменаў рашэннем Брэсцкага абласнога суда ад 29 снежня 2009 года.

18.02.2010 У Оршы тэрытарыяльныя камісіі дэманструюць непрафесійную працу

Практычна кожнае апублікаванае рашэнне тэрытарыяльных камісій у сувязі з паступаючымі скаргамі даводзіцца самім жа камісіям змяняць, дапаўняць ці адмяняць.

18.02.2010 Баранавічы: Праваабаронца абскарджвае рашэнне гарвыканкаму

У якасці месца для правядзення перадвыбарчай агітацыі вызначаны стары парк культуры і адпачынку імя 50-годдзя УЛКСМ. Сяргей Гоўша піша, што адведзенае месца для агітацыі сёння цалкам засыпана снегам, тут няма пляцовак, каб людзі маглі стаяць і агітаваць за сваіх кандыдатаў.

18.02.2010 Віцебскія хрысціянскія дэмакраты выходзяць на старт

Так, хрысціянскія дэмакраты Віцебскага рэгіёна прадставілі ў сельскія, пасялковыя, раённыя, гарадскія і абласную выбарчыя камісіі 46 заяў па рэгістрацыі ініцыятыўных груп, з якіх 17 у абласным цэнтры.

18.02.2010 Вярхоўны суд адмовіў БХД

Сёння, 18 лютага, сустаршыням Беларускай Хрысціянскай Дэмакратыі Паўлу Севярынцу і Віталю Рымашэўскаму, а таксама адказнаму сакратару БХД Дзянісу Садоўскаму адмовілі ў прысутнасці на абвяшчэнні прысуду па справе “БХД супраць Мін’юсту”.

18.02.2010 Франак Вячорка пакараны гауптвахтай

Былы кіраўнік “Моладзі БНФ” Франак Вячорка, які зараз знаходзіцца ў войску, выказаў намер вылучацца ў якасьці кандыдата ў дэпутаты Мазырскага раённага савету. Па словах старшыні Моладзі БНФ Андруся Крэчкі, пададзены дакумэнты на рэгістрацыю ініцыятыўнай групы. Франак Вячорка ня можа быць вылучаны ад Партыі БНФ, бо паводле заканадаўства ў часе службы лічыцца беспартыйным. Ініцыятыўная група ў выпадку рэгістрацыі будзе зьбіраць за яго подпісы на тэрыторыі 25-й Станцыйнай акругі па выбарах у Мазырскі раённы савет.

18.02.2010 Кіраўскі раён: Ціск на жадаючых удзельнічаць у выбарах

Аб сваім намеры паўдзельнічаць у выбарах заявіла загадчыца сельскага клуба ў вёсцы Сяргеічы – Наталля Гарыст, але калі аб гэтым даведалася начальства, у яе клуб прыехала праверка з аддзела культуры.

18.02.2010 Лютая палітыка-2010: антыўзнагарода за глупствы ў палітыцы

Адбылося абвяшчэньне ўладальнікаў прыза “Лютая палітыка” за найбольш гратэскныя і недарэчныя ініцыятывы ў грамадзка-палітычным жыцьці па выніках 2009 году. Сярод ляўрэатаў – Мінабароны, КХП БНФ, Яраслаў Раманчук, старшыня ФПБ Леанід Козік, ААН ды інш. Галоўны прыз – люты палітык году – так нікому і не дастаўся.

18.02.2010 Магілёў: Праблема з межамі акругаў да гэтага часу не вырашана

Прэтэндэнт у кандыдаты ў мясцовыя Саветы дэпутатаў, старшыня Ленінскай раённай арганізацыі БСДП (Грамада) Андрэй Дзвігун падаў скаргу ў Магілёўскую гарадскую выбарчую камісію.