Праваабарончы цэнтр «ВЯСНА»

Навіны за 23 лютага 2010

23.02.2010 Больш як 16,8 тыс. ініцыятыўных груп па вылучэнню кандыдатаў у дэпутаты мясцовых Саветаў зарэгістравана ў Беларусі

Усяго ў Беларусі ў выбаркамы паступіла 16 903 заявы аб рэгістрацыі ініцыятыўных груп па вылучэнню кандыдатаў у дэпутаты мясцовых Саветаў. З гэтай колькасці 23 заяўнікам было адмоўлена ў рэгістрацыі, 20 адклікалі свае заявы.

Алесь Бяляцкі: Практыка катаванняў, гвалту, непраўдзівых сфабрыкаваных паказаньняў з боку супрацоўнікаў міліцыі ўваходзіць у паўсядзённы ўжытак

23.02.2010 Алесь Бяляцкі: Практыка катаванняў, гвалту, непраўдзівых сфабрыкаваных паказаньняў з боку супрацоўнікаў міліцыі ўваходзіць у паўсядзённы ўжытак

Масавыя затрыманні і арышты прадстаўнікоў непрызнанага Саюза палякаў, нервовае стаўленне супрацоўнікаў міліцыі да працы журналістаў, суды і абвінавачванні ў хуліганстве грамадскіх і палітычных актывістаў маюць пад сабой канкрэтныя прычыны, якія ўлада спрабуе прыхаваць за дэмагагічнымі разважаннямі аб правах і свабодах чалавека. Гэтыя прычыны называе віцэ-прэзідэнт Міжнароднай федэрацыі правоў чалавека, старшыня праваабарончага цэнтру “Вясна” Алесь Бяляцкі ў інтэрвію з нашым карэспандэнтам.

23.02.2010 Камісія па нацыянальнай бяспецы “адпісала” маці Івана Міхайлава

Маці асуджанага прызыўніка Івана Міхайлава Тацяна Міхайлава атрымала адказ на свой зварот у Камісію па нацыянальнай бяспецы Палаты прадстаўнікоў Нацыянальнага сходу.

23.02.2010 Аршаншчына: змены межаў выбарчых участкаў могуць зблытаць выбаршчыкаў

Сур'ёзныя пытанні ў назіральнікаў выклікае, да прыкладу, фармаванне ўчастку № 58 у горадзе Барань. Ён уключае ў сябе вуліцу Аршанскую, на якой дамы № 9, 11, 11а, 13,15 і 46а адносяцца да Палявой акругі № 29, а дамы № 36, 38, 42, 44, 44а і 46 - да Набярэжнай акругі № 28 па выбарах у Аршанскі гарадскі Савет. Разам з тым, усе гэтыя дамы знаходзяцца ў межах аднаго выбарчага ўчастку.

23.02.2010 Кандыдат у дэпутаты Палаты прадстаўнікоў судзіцца з газетай "Бабруйскае жыццё"

Сяргей Еўдакімовіч лічыць, што матэрыялы, надрукаваныя падчас выбарчай кампаніі ў газеце "Бабруйскае жыццё", утрымлівалі паклёп і абразы ў яго адрас, што паўплывала на ход і вынікі выбараў. Кандыдату спатрэбілася паўтары гады, каб давесці справу да суда. Гэтаму папярэднічала доўгая перапіска з рознымі інстанцыямі, скаргі ў МУС і пракуратуру і пяць пастановаў пра адмову ва ўзбуджэнні крымінальнай справы. Наступнае паседжанне суда адбудзецца 10 сакавіка 2010 г.

23.02.2010 Дзейнасьць палітычных партый і рэлігійных арганізацый у ВНУ забароняць

Праект Кодэксу аб адукацыі ўтрымлівае забарону на дзейнасьць у вышэйшых навучальных установах палітычных партый і рэлігійных арганізацый.

23.02.2010 Сяргей Альфер: "Ці будуць улічаныя мае пажаданні, пытанне спрэчнае"

Сябры Менскай гарадской выбарчай камісіі Сяргей Альфер, прадстаўнік АГП, і Сяргей Вазняк, прадстаўнік партыі "Справядлівы свет", ацэньваюць яе працу як канструктыўную, што праходзіць у рамках ускладзеных на яе паўнамоцтваў. Але гэта ацэнка цяперашняга моманту, падкрэсліваюць абодва прадстаўнікі дэмакратычных сілаў.

23.02.2010 Лябедзька: працяг валожынскай справы

Старшыня Аб'яднанай грамадзянскай партыі Анатоль Лябедзька выкліканы ў Менскую абласную пракуратуру для дачы тлумачэнняў па "валожынскаму затрыманню". Магчыма, што пасля сумоўя са следчым, лідэр АГП выйдзе фігурантам новай крымінальнай справы.

23.02.2010 Салігорск: улады спрабуюць узяць пад кантроль незалежнага прэтэндэнта

Назіральнікі паведамляюць пра “апрацоўку” незалежнага прэтэндэнта ў кандыдаты Валера Шчэрбіча. Мясцовыя ўлады спрабуюць альбо пераканаць яго не прымаць удзелу ў кампаніі альбо атрымаць магчымасць кантраляваць яго. Салігорскія праваабаронцы звязваюць такія захады ў дачыненні да Шчэрбіна з тым, што ён упершыню бярэ ўдзел у выбарах і не з’яўляецца сябрам палітычных партый.

23.02.2010 Гомельскія сябры АГП будуць удзельнічаць у мясцовых выбарах толькі пры ўмове ўключэння партыйцаў ва ўчастковыя камісіі

Старшыня Гомельскай абласной арганізацыі АГП Васіль Палякоў паведаміў, што рашэнне пра ўдзел у кампаніі па мясцовых выбарах будзе прымацца пасля ўтварэння ўчастковых камісій і ў залежнасці ад таго, ці ўключаць у іх склад сябраў партыі.

23.02.2010 Барысаў: спрэчкі наконт падыходаў да назірання ў выбаркамах

22 лютага Барысаўская раённая тэрытарыяльная выбарчая камісія зарэгістравала праваабаронцу Алега Мацкевіча ў якасці назіральніка ад групы грамадзянаў. Па словах праваабаронцы, яго запрасілі наведваць паседжанні камісіі. Розначытанні ў падыходах да ажыццяўлення місіі назірання паўсталі пасля таго, як Алег Мацкевіч заявіў пра свой намер назіраць за працай камісіі ў зручны для яго час, а не ў прызначаны, а таксама наконт таго, якая інфармацыі пра выбары прадастаўляецца камісіяй.

23.02.2010 Чым бліжэй да мясцовых выбараў, тым болей адміністрацыйнага спрыяння "Белай Русі"

У той час калі для апазіцыйных палітычных партый і багата якіх іншых грамадскіх арганізацый знайсці памяшканне для сваіх мерапрыемстваў - вялікая праблема, аб'яднанню "Белая Русь" даецца зялёнае святло ў лепшыя будынкі краіны.

23.02.2010 У Віцебску пікетаваць можна паўсюль?

Абласны цэнтр на фоне правінцыі выглядае астраўком дэмакратыі і лібералізму, адзначаюць назіральнікі Віцебскага рэгіёну. Гарадскія ўлады не прынялі рашэнне, якое забараняе месцы для пікетавання па зборы подпісаў, а, такім чынам, у горадзе Віцебску пікетаваць можна паўсюль. Ці так гэта - час пакажа.

23.02.2010 Сябра БХД прымусілі адмовіцца ад кандыдацтва

Сябра Беларускай Хрысціянскай Дэмакратыі з Вілейскага раёну Меншчыны, акушэр фельдшэрска-акушэрскага пункта вёсцы Бубны Аляксандр Анкуда быў вымушаны адазваць заяву аб рэгістрацыі ініцыятыўнай групы дзеля вылучэння яго кандыдатам у дэпутаты.

23.02.2010 Затрымалі за "Хрысьціянскую Абарону"

22 лютага ўвечары ў Гародні супрацоўнікі праваахоўных органаў затрымалі намесьніка старшыні МФ Алеся Кіркевіча й маладафронтаўку Вераніку Велігор за распаўсюд незалежнай прэсы. Іх даставілі ў пастарунак, канфіскавалі дваццаць тры асобнікі газэтаў (для дасьледаваньня), склалі пратакол і прыблізна праз гадзіну адпусьцілі.