Праваабарончы цэнтр «ВЯСНА»

Навіны за 24 лістапада 2010

24.11.2010 Фікусы і пальмы засланяюць істотнае

Да такой высновы прыводзіць аналіз Пастановы Цэнтральнай камісіі № 99 ад 5 лістапада 2010г. “Аб правядзенні трэнінга для сябраў участковых камісій па выбарах Прэзідэнта Рэспублікі Беларусь у 2010 годзе”. Дарэчы, гэта Пастанова не была апублікаваная на сайце камісіі. Эксперт кампаніі “Праваабаронцы за свабодныя выбары” Валянцін Стэфановіч каментуе тэкст дакумента.

24.11.2010 Праваабаронца патрабуе прыцягнуць да адказнасці ўдзельнікаў аўтапрабегу “Мы за Бацьку”

Праваабаронца Валянцін Стэфановіч просіць “прыняць меры на спыненню незаконнай агітацыі на карысць кандыдата А.Г. Лукашэнкі ўдзельнікамі аўтапрабегу “Мы за бацьку!”. Паставіць перад кіраўніцтвам Слонімскага гарадскога выканаўчага камітэта пытанне аб прыцягненні арганізатараў аўтапрабегу да адміністрацыйнай адказнасці ў сувязі з дапушчанымі імі парушэннямі заканадаўства аб выбарах.

24.11.2010 Бялынічы: Пасля падачы паведамлення аб правядзенні пікету – чатыры разы спыняла ДАІ

Пётр Мігурскі: "Не ведаю, можа гэта супадзенне, але сёння мой аўтамабіль чатыры разы спынялі супрацоўнікі ДАІ - у Магілёве, Шклове, Круглым і Бялынічах. Правяралі дакументы і адпускалі. Такіх выпадкаў у мяне раней не было".

24.11.2010 Полацк: Улады нагадваюць, што пра пікет трэба паведаміць

Полацкі гарвыканкам, адзіны ў рэгіёне, змясціў на афіцыйным сайце дакумент, які нагадвае кандыдатам і іх давераным асобам пра неабходнасць пісьмовага паведамлення пра масавыя мерапрыемствы, якія будуць арганізоўвацца з мэтай перадвыбарчай агітацыі.

24.11.2010 Бабруйск: Мясцовыя СМІ нарэшце назвалі прозвішчы ўсіх кандыдатаў

Газета “Вечерний Бобруйск” падае прозвішчы зарэгістраваных кандыдатаў у прэзідэнты, анансуючы расклад іх тэле- і радыёвыступаў. Рупар гарвыканкама “Бабруйскае жыццё” таксама называе прозвішчы кандыдатаў і традыцыйна выказвае спадзеў на тое, што выбары будуць цікавымі.

24.11.2010 Пазоў «Вольны гораду» да міліцыянтаў не задаволены

Крычаўскі раённы суд пакінуў без задавальненьня пазоў выдаўца незалежнай газэты «Вольны горад» Уладзімера Кудраўцава. Ён дамагаўся кампэнсацыі маральнай шкоды ад раённай міліцыі ў памеры пяці мільёнаў рублёў. Судзьдзя Антаніна Качанава палічыла, што прэтэнзіі журналіста да міліцыянтаў беспадстаўныя.

24.11.2010 Праваабарончы цэнтр “Вясна” выказвае занепакоенасьць сітуацыяй з асуджаным прадпрымальнікам Андрэем Бандарэнкам

Заява Праваабарончага цэнтра "Вясна"

24.11.2010 У Віцебскай вобласці правялі рэпетыцыю выбараў

Першы трэнінг для сябраў участковых выбарчых камісій прайшоў у Талачыне, яго правялі з дапамогай сябраў раённай выбарчай камісіі, якія дэманстравалі верагодныя канфліктныя сітуацыі тым, хто будзе працаваць на ўчастках.

24.11.2010 Бабруйск: Назіральнікі ад АБСЕ сустрэліся з праваабаронцам

Доўгатэрміновыя назіральнікі ад АБСЕ Эйтне МакДэрмотт і Габрыэла Фукс сустрэліся сёння, 24 лістапада з Ігарам Ходзькам, прадстаўніком Праваабарончага цэнтра “Вясна” ў Бабруйску.

24.11.2010 Слонім: Ці будзе задаволена жаданне выбаршчыкаў?

Рабочыя ААТ “Слонімскі кардонна-папяровы завод “Альбярцін” пажадалі ў чацвер, 25 лістапада, сустрэцца з кандыдатам у прэзідэнты Віталем Рымашэўскім на сваім прадпрыемстве. Аднак у райвыканкаме паведамілі, што сустрэчы з кандыдатамі могуць адбывацца толькі ў парку і ў кінатэатры “Мір”.

24.11.2010 Брэст: Назіральнікі ад АБСЕ сустрэліся з актывістамі апазіцыйных партый

Сённяшні дзень, 24 лістапада, прадстаўнікі місіі АБСЕ па назіранні за выбарамі на Брэстчыне - Бэры Льюіс (ЗША) і Віктар Мокін (Расія) - прысвяцілі зносінам з мясцовым актывам палітычных партый, грамадскіх аб'яднанняў, рэгіянальных выбарчых штабоў альтэрнатыўных кандыдатаў у прэзідэнты, а таксама незалежнымі СМІ.

24.11.2010 Юрыст: Выбарчы кодэкс дазваляе выступаць толькі самому кандыдату

Ярмошына забараніла давераным асобам кандыдатаў выступаць замест іх па ТВ. Аб гэтым яна заявіла падчас онлайн-канферэнцыі на сайце выдання «Комсомольская правда в Белоруссии». За дзень да гэтай заявы кандыдат ад партыі БНФ Рыгор Кастусёў прапанаваў свой час у эфіры даверанай асобе Аляксандру Мілінкевічу.

24.11.2010 Жодзіна: Першым сустрэцца з выбаршчыкамі прыехаў Яраслаў Раманчук (фота)

Сустрэча кандыдата ў прэзідэнты Яраслава Раманчука з жыхарамі Жодзіна праходзіла 23 лістапада ў памяшканні кінатэатру «Равеснік». Штаб Я.Раманчука інфармаваў жодзінцаў пра сустрэчу пры дапамозе ўлётак, якія бесперашкодна распаўсюджваліся праз ўстановы і крамы, развешваліся па пад'ездах жылых дамоў.

24.11.2010 Баранавічы: Грамадскасць патрабуе большых памяшканняў для сустрэчаў з кандыдатамі

У Баранавічах прадстаўнікі штабоў кандыдатаў у прэзідэнты Андрэя Саннікава, Яраслава Раманчука і Алеся Міхалевіча просяць ТВК і ЦВК абавязаць Баранавіцкі гарвыканкам перагледзець сваё рашэнне № 3534 ад 12.11.2010г. аб выдзяленні памяшканняў для правядзення мерапрыемстваў падчас прэзідэнцкай кампаніі 2010 года.

24.11.2010 Магілёў: Інтэрнет-рэсурсы збольшага выбары асвятляюць

Аналіз інтэрнэт-прасторы паказвае, што ўсе сайты Магілёўскіх гарадскіх дзяржаўных газет інфармуюць пра ход выбарчай кампаніі. Інфармацыя пра выбары перыядычна з’яўляецца на адным з самых папулярных блогаў Магілёва - www.222.by. А вось самы буйны магілёўскі інтэрнэт-партал Мycity.by ні разу ў сваіх навінах не закрануў тэму выбараў.