Праваабарончы цэнтр «ВЯСНА»

Навіны за 15 лістапада 2010

15.11.2010 У аршанскую турму ўпершыню прыехалі прафесійныя артысты

У папраўчай калоніі №8 Оршы адбыўся паказ спектакля “Белы анёл з чорнымi крыламi”. Пастаноўку, якая распавядае пра радасць і гора, пошукі душэўнага цяпла, выбар свайго лёсу, прывезлі ў турму акцёры Рэспубліканскага тэатра беларускай драматургіі.

15.11.2010 Віцебская абласная выбарчая камісія пагадзілася на празрыстыя скрыні для галасавання

Камісія нарэшце прыняла прапанову старшыні абласной арганізацыі партыі “Справядлівы свет” Мікалая Селівашкі, з якой ён выступаў і падчас мінулай выбарчай кампаніі. Аднак цяпер трэба шукаць, хто можа прафінансаваць гэтую ініцыятыву.

15.11.2010 Справа супраць незалежных журналістак знаходзіцца ў пракуратуры Менска

Крымінальную справу супраць Наталлі Радзінай, Ірыны Халіп, Марыны Коктыш і Святланы Калінкінай запатрабавала кіраўніцтва пракуратуры Менска.

15.11.2010 Брэст: Весці масавую агітацыю дазволілі на паркавых алеях і стрэльбішчы

Раённыя адміністрацыі абласнога цэнтра вызначылі месцы для правядзення сустрэч кандыдатаў у Прэзідэнты РБ і іх давераных асоб з выбаршчыкамі. У выніку найбольш ажыўленыя тэрыторыі ў цэнтры горада ў дазволены пералік не патрапілі.

15.11.2010 Гродзеншчына: Памежны спіс “нядобранадзейных” увесь час расце

14 лістапада на беларуска-літоўскай мяжы быў затрыманы Мікола Баўсюк, актывіст выбарчага штаба Віталя Рымашэўскага. Баўсюка, які вяртаўся ў Беларусь рэйсавым аўтобусам, пасля пашпартнага кантролю на памежным пункце "Прывалка" трымалі каля дзвюх гадзін, праводзілі асабісты дагляд і спраўджвалі рэчы. Такую пільную ўвагу да сваёй асобы грамадска-палітычны актывіст тлумачыць сваім актыўным удзелам у выбарчай кампаніі.

15.11.2010 Затрыманыя Міхась Пашкевіч і Раман Багдановіч

Актывісты грамадзянскай кампаніі "Гавары праўду" ладзілі вулічную акцыю "Хаваць трэба сьмецьце, а не галасы". Удзельнікі акцыі нацягвалі на сьметніцы чорныя пакеты і клеілі налепку "Хаваць трэба сьмецьце, а не галасы".

15.11.2010 Зэльва: Бібліятэка інфармуе пра выбары

Цэнтральная раённая бібліятэка ў Зэльве нядаўна аформіла кніжную выставу “Выбары-2010”. Таксама інфармацыя папаўняецца за кошт перыядычных выданняў. Праўда, з незалежных выданняў няма ніводнай выразкі – інфармацыя збіраецца толькі з мясцовай раёнкі, з “Советской Белоруссии” і іншых дзяржаўных газет.

15.11.2010 Ідэалагічныя плакаты “Вместе мы Беларусь” з’явіліся ў Пінску

Пінскія рэкламныя агенцтвы пачалі вывешваць на білбордах плакаты з патрыятычным лозунгам “Вместе мы Беларусь”. Ёсць меркаванне, што гэты лозунг будзе выкарыстаны ў агітацыйнай кампаніі дзеючага кіраўніка дзяржавы.

15.11.2010 Выбары Прэзідэнта Рэспублікі Беларусь 2010: тыднёвы аналітычны агляд (8-14 лістапада)

З 85 скаргаў на неўключэнне 413 чалавек у склад УВК, суды адмовілі ў 83 выпадках (2 скаргі застаюцца неразгледжанымі). Суды праігнаравалі довады аб дыскрымінацыйным падыходзе выканкамаў да прадстаўнікоў апазіцыйных палітычных партый і абгрунтавалі свае адмовы тым, што фармальныя працэдуры стварэння УВК былі выкананыя.

15.11.2010 Актывісту "Маладой Беларусі" падкінулі наркотыкі?

На днях дадому да актывіста "Маладой Беларусі" Андрэя Кузьмінскага прыйшлі прадстаўнікі польскай паліцыі і двое следчых з Мінску. Яны паведамілі, што супраць Андрэя ўзбуджана крымінальная справа па абвінавачванні ў гандлі наркотыкамі. Зараз беларускі бок дамагаецца экстрадыцыі Андрэя Кузьмінскага, які ў гэты час пражывае ў Польшчы, дзе папрасіў палітычнага прытулку.

15.11.2010 Маладэчна: У выканкам завезены агітацыйныя плакаты Лукашэнкі (фотафакт)

Цэнтральная выбарчая камісія яшчэ не абвесціла вынікі рэгістрацыі кандыдатаў у прэзідэнты, а Маладэчанскі райвыканкам ужо атрымаў агітацыйныя матэрыялы Лукашэнкі. У сувязі з гэтым узнікае шмат пытанняў, адно з якіх: на якія сродкі была выраблена дадзеная прадукцыя?

15.11.2010 Баранавічы: Сустрэчы з выбаршчыкамі – на будоўлі (фота)

Што тычыцца месцаў для правядзення масавых мерапрыемстваў, то гэта, акрамя маладога парку, тры маленькія скверы, якія знаходзяцца на ўскрайку горада, дзе заўсёды вельмі мала людзей. А ў старым парку праводзяцца вялікія рамонтныя работы.

15.11.2010 Салігорск: Матэрыялы праверкі подпісаў – пад грыфам “сакрэтна”

Назіральніку адмовілі ў прадстаўленні матэрыялаў праверкі падпісных лістоў. Адпаведны зварот праваабаронца Л.Мархотка перадаў у Салігорскую раённую камісію адразу пасля агучвання скандальных вынікаў праверкі подпісаў па Салігорскім раёне.

15.11.2010 Мазыр: Умовы для агітацыі пагоршыліся

Мазырскі райвыканкам скараціў колькасць месцаў для правядзення сустрэч у памяшканнях, на вуліцы, значна абмежаваны магчымасці для размяшчэння агітацыйных матэрыялаў. З месцамі для размяшчэння агітацыйных матэрыялаў трэба адзначыць знікненне істотнага пункта: “витрины магазинов, учреждений культуры, учреждений здравоохранения”.