Праваабарончы цэнтр «ВЯСНА»

Навіны за 23 лістапада 2010

23.11.2010 Бабруйск: На сустрэчу з Рымашэўскім – праз танцавальны клас

У Віталя Рымашэўскага 23 лістапада адбыліся дзве сустрэчы з выбаршчыкамі ў Бабруйску. Першая праходзіла на свежым паветры, на рынкавай плошчы і выклікала цікавасць не толькі мінакоў, але і супрацоўнікаў сілавых органаў.

23.11.2010 Праваабаронца высвятляе, за чый кошт былі футболкі з выявай Лукашэнкі

Праваабаронца Уладзімір Малей накіраваў скаргі ў Брэсцкую абласную выбарчую камісію і Брэсцкую абласную пракуратуру па факту правядзення агітацыйнай акцыі падчас футбольнага матча ў Брэсце.

23.11.2010 Краязнаўца можа страціць працу за адкрыццё помніка

Міхась Бернат, якога пазбавілі дырэктарства ва ўласна створаным музеі, цяпер могуць звольніць з працы зусім.

23.11.2010 Віцебская газета “маскіруе” агітацыйны аўтапрабег “Мы за бацьку”

Віцебская газета “Народнае слова” не згадала назву агітацыйнага прабегу ў падтрымку А.Лукашэнкі. Мясцовыя праваабаронцы мяркуюць, што назва “Мы за бацьку” прыхаваная знарок, бо ўдзел у агітацыйнай кампаніі замежных грамадзянаў забаронены.

23.11.2010 Галіну Сямдзянаву запалохваюць?

Прадстаўнік Партыі БНФ у Мінскай гарадской камісіі Галіна Сямдзянава паведаміла, што сёння ўначы да яе наведаліся незнаёмыя людзі, якія, назваўшыся міліцыяй, настойліва патрабавалі адчыніць ім дзверы. Галіна Георгіеўна звязвае гэты начны візіт менавіта са сваёй актыўнай працай у выбарчай кампаніі.

23.11.2010 У гомельскіх крамах - «платная агітацыя»

У гомельскіх крамах агітуюць «За моцную і квітнеючую Беларусь» -- такія слоганы з’явіліся на пакетах у крамах. Такім чынам, прасоўваецца ў шырокія масы агітацыя за дзеючую ўладу, прычым – платная, бо за «пакеты з выбарамі» трэба на касе заплаціць. Вось і атрымліваецца, што грошы – у кішэню дзяржавы, а прапаганду – у народ.

23.11.2010 Віцебскаму апазіцыянеру скасавалі 4 сутак арышту, прысуджанага за заклік байкатаваць выбары

Барыс Хамайда пабыў пад вартай толькі адны суткі з пяці. Адміністрацыя ізалятара часовага ўтрыманьня паведаміла яму, што ён вольны. Абласная пракуратура па ўласнай ініцыятыве аспрэчыла рашэньне суддзі Чыгуначнага райсуду Алены Цыганковай, якая ўчора асудзіла двух віцебсках апазіцыянераў.

23.11.2010 Гродзенская абласная арганізацыя БСДГ прапануе Мікалаю Лазавіку сысці ў адстаўку

Рада Гродзенскай абласной арганізацыі Партыі “Беларуская сацыял-дэмакратычная Грамада” прыняла адмысловую заяву, у якой прапануе намесніку старшыні ЦВК Мікалаю Лазавіку падаць у адстаўку. Прычынай гэтага стаў выступ Мікалая Лазавіка ў эфіры першага нацыянальнага тэлеканала.

23.11.2010 Брэст: Кіраўніцтва ўніверсітэтаў асцярожнічае

Кандыдат у прэзідэнты Яраслаў Раманчук наведаў Брэсцкія ўніверсітэты. Дэкан эканамічнага факультэта Брэсцкага тэхнічнага ўніверсітэта не прыняў падарунак Раманчука – яго кнігу “Беларусь – транзітная зона”, пакуль не атрымаў на гэта дазвол ад рэктара ўніверсітэта. Рэктар Брэсцкага дзяржаўнага ўніверсітэта імя А.С.Пушкіна наогул адмовіўся ад сустрэчы з Раманчуком, спасылаючыся на звышзанятасць.

23.11.2010 Францкевічу працягнулі тэрмін утрыманьня

Актывісту Аляксандру Францкевічу, якога абвінавачваюць ва ўдзеле ў нападзе на будынак міліцыі ў Салігорску, працягнулі тэрмін утрыманьня да 11 лютага наступнага году. Такім чынам у справе сёлетніх нападаў на будынкі засталіся тры абвінавачаныя.

23.11.2010 Бярозаўскі раён: Прозвішчы кандыдатаў у прэзідэнты ў дзяржаўных СМІ замоўчваюцца

Выбаршчыкі Бярозаўскага раёна змаглі пазнаёміцца з артыкулам Алеся Кныша “Фальшывыя думкі”, надрукаваным у нумары за 20 лістапада газеты “Маяк”. Ён напісаны ў звыклым для дзяржаўных газет перадвыбарчым стылі - абліццё брудам апанентаў Аляксандра Лукашэнкі.

23.11.2010 Лібералізацыя выбарчага працэсу ёсць, а прагрэсу ў асвятленні выбараў у СМІ няма

Сёння ГА «БАЖ» прадставіла чарговую справаздачу па выніках другога этапу маніторынгу беларускіх СМІ датычна асвятлення прэзідэнцкіх выбараў.

23.11.2010 Доўгатэрміновыя назіральнікі ад АБСЕ - у рэгіёнах

Доўгатэрміновыя назіральнікі за выбарамі Прэзідэнта Рэспублікі Беларусь ад АБСЕ пачалі свае паездкі па розных рэгіёнах Беларусі. Падчас наведвання абласных і раённых цэнтраў прадстаўнікі АБСЕ, як правіла, ладзяць сустрэчы з прадстаўнікамі мясцовых уладаў, выбарчых камісій, штабоў кандыдатаў і незалежнымі назіральнікамі.

23.11.2010 Прэзідэнцкая кампанія-2010: дзяржаўныя СМІ па-ранейшаму ставяцца да выбараў маргінальна

Як адзначаюць аўтары маніторынгу БАЖ, “галоўнай тэмай праграмы была падрыхтоўка да правядзення Еўрабачання”. Напрыклад, 19.11.10 праграма распачала свой выпуск наступнымі словамі: “Шоу, которым живёт вся страна. Президент сегодня поднялся на сцену детского Евровидения”. І сапраўды, час, адведзены розным сюжэтам на гэтую тэму, складае за гэты перыяд маніторынгу 1 гадзіну 12 хвілін, альбо амаль у 3 разы болей за час, адведзены выбарчай тэматыцы.

23.11.2010 Маладафронтаўца трымалі ў пастарунку ўсю ноч

Паўлу Сяргею з Маладзечна міліцыянты пагражалі праблемамі на вучобе, дырэктар каледжу, дзе вучыцца хлопец, асаблівых праблемаў у дзейнасьці юнака ня бачыць.